Finalmente, a BNP rinuncia...

In fine di contu, l'articulu esciutu in u Corse-Matin dumenica pè fà a publicità pè u serviziu di vendita à i strangeri di a BNP cù surrisu, champagne è facce à pattoni hè stata una gattiva idea. Davant'à e riazzoni di stumagheghju ch'ella hà pruduttu è a mubilizazione ràpida, a banca hà anunziatu ch'ella rinunciava à u so pruduttu...

"La BNP a développé ces dernières années des offres permettant de financer les achats de maisons par des non-résidents (venus des) principaux pays d'Europe. A compter de ce jour, les acquisitions de maisons sont exclues du champ de ce dispositif de financement"

Eccu ciò ch'ellu dice u cummunicatu officiale a BNP.

Duie lezzione à ritene di stu fattu :

Davant'à l'agressioni, u populu corsu pò sempre mubilizassi è quand'ellu vole, vince.

U tema di u fundivu cuncerna à tutti, naziunalisti o nò. A vendita di a terra à u strangeru, riccu è infuttente tocca à tutti, à u più prufondu di u nostru esse.

Di siguru, l'azzione d'oghje ùn impediscera micca à d'astri Séguéla di cumprà a nostra terra, cù a cumplicità d'una mansa di corsi tratechji. D'astre agenze immubiliare cuntinuveranu à vende d'astri terreni cù a cumplicità d'astre banche.

Ci vole à cuntinuvà à mubilizassi è à dilli chì nò, ùn si face micca n'importa chè cù a terra è chì u populu corsu ùn dumanda nunda d'astru ch'è di cuntinuvà à esiste.

Allora naziunalisti o nò, i duri cum'è i mous, playa baggisti, cummunisti, alter mundialisti, tibettani, eculugisti o panisti, d'astre lotte v'aspettanu...

u 4 d'Aostu 2008

U Sgaiuffu

Accueil

Envoyer à un ami

Version imprimable

1.mandatu da ghicciu u 04/08/2008 22:39

cosulu avia scrittu :

Chi fà?
E parchi micca una mobilisazioni pupulari incù un andatura pulitica forti e pedagogìca ?
In stu casu, movi e andà à veda 'ssu Mr. Albertini e à BNP à mezziornu (voddu di micca à faccia piàta) e spiecali chi s'affari qui ùn si facci micca, ni vulemu micca indé no, parchi...ecc..ecc.. l'argumenti ghjusti l'avemu tutti più o menu; basta a leghja i fori da quì o da culandi !

avia raggiò !

ben'vista, o quellu...

2.mandatu da estrimei u 05/08/2008 06:15

in sta situazione , a Piazzetta he stata un strumentu tremendu.
siate ringraziati.

3.mandatu da black block u 05/08/2008 10:35

Bravi a tutti quelli chi so mòssi, e più particularmente a à Piazzetta chi a sapiutu fa u liamu .
Eccu un esempiu di mobilisazione da ricumincià !

4.mandatu da Còsulu u 05/08/2008 11:40

E qual'sò i più forti ?? Quiddi di A PIAZZETTA

5.mandatu da Zorba u grecu u 05/08/2008 11:42

Per la miseria, casca male ... eo chì vulia lancià a prima sciuccrutta corsa, una vintina d'alimani à paese ci serebbenu stati bè ...

6.mandatu da popopo u 05/08/2008 11:49

O Sgaiù,
mi pare ch'è t'averebbi pussutu tirà ne una terza di lezzione, pò esse a più impurtante par mè :
quandu ellu sà mubilizà l'energia è a vuluntà cullettiva u populu, ùn ci hè micca dece giovani chì si piglianu 15 anni di prigiò pà avè fattu saltà a BNP. Di modu paradussale, una azzione cusì, pè via di a so riescita, rimette in causa l'utilità sistematica di a lotta armata, è puru puru unepochi chì eranu davanti à a banca saranu à favore di a lotta armata ! Ci eranu stati articuli ind' A Piazzetta nantu à i limiti di l'azzione publica, si pudaria analizà i limiti di l'azzione clandestina dinò, ùn hè ?
Cù piacè.

7.mandatu da u sgaiuffu u 05/08/2008 13:09

difficiule di datti tortu, o popopo...

in tutti i casi ringrazi à voi tutti chì lasciate i vostri cummenti quì. i scambii sò da veru interessanti è arricchiscenu u dibattitu.

a prova ch'ellu si pudia fà qualcosa di bè in lingua corsa, nò ?

8.mandatu da luna rossa u 05/08/2008 13:19

Hè una bella prova chì a mublizazione pupulara pò fà rinculà à certi, ma ùn hè chè un episodu...U solu sbagliu di a BNP Paribas hè d'avè fattu un articulu. A vendita in grossu di a Corsica cuntinuveghja per via di a lege di l'ufferta è di a dumanda, i prezzi collanu è di menu in menu i Corsi ponu cumprà, senza cuntà ch'è ne ghjunghjimu à generazione chì ineritanu senza esse di quì, stendu fora di a Corsica. Case corse sò messe in vendita in agenze immubiliare di u cuntinente , senza fà rimore...

U prublemu hè fundamentale, grave, prufondu, a mubilizazione deve esse permanente, tosta!

9.mandatu da Ziu Dumè u 05/08/2008 14:28

Per una critica di a clandestinità, vi rimandu à l'articulu : "Ci volerà à tumbà u fronte?, d'Ahmed Zumar.

Felicitazione per a mubilisazione, anu s'è u prublema di a terra ferme sanu sanu. Spergu chì dopu a battaglia di a BNP veneranu d'altre lotte vinte à prò di a difesa, micca solu di a terra ma di u nostru campà in Corsica...

10.mandatu da SERRA u 05/08/2008 14:32

D''accordu cun POPOPO e Luna Rossa , tant'anni di prigio per solu une pochi di vetri rotti '. risichi tamanti cu e cunsequenze chi no cunniscimu e tuttu que senza u piu minimu risultatu . sapimu ben oghje ch'un so piu une poche di bombe spessu mal adoprate chi ghjunghjeranu à parà u fiume chi ci sbarca da fora in un mondu e un marcatu ( oghje si po dì chi e duie parolle hanu u listessu significatu) di piu in piu aperti . Per una casa chi salterà i nu u stessu tempu duie cent'altre seranu vendute o custruite . Solu ci porranu salvà o ralentisce u fenomenu a maestria di u podere puliticu e di i so strumenti di decisioni allargati da a lotta e a nostra mubilisazione . c'he a bnp ma dino tutti l'altri chi adopranu a listessa pulitica e ci vendenu a corsica tutti i ghjorni pezzu à pezzu à a sorda e à a muta , custi l'argumentu ha toccu chi l'arroganza di a bestialità l'ha fatti scorge à l'occhji di tutti ma quant'atti signati tutti i ghjorni davant'à i notari ,? Nanzu l'affare era limitatu à e marine ma avà cu a crescita di i prezzi ci passanu dino i nostri paesi e un ci sbagliemu micca , i venditori so i nostri . Simu un populu scimitu rosu da e ghjelusie e spessu a ghjente averanu a preferenza di vende a so casa à un strangeru nanzu ch'à un paisanu ch'elli disprezzanu . quale so i colpevuli?

11.mandatu da circinelludiguagnenativupèliguagnesusosanguaversatu u 05/08/2008 14:58

serra hà scrittu "Solu ci porranu salvà o ralentisce u fenomenu a maestria di u podere puliticu e di i so strumenti di decisioni allargati da a lotta e a nostra mubilisazione "
Ci voli à dumandalla tandu ssa maestria di u puteri puliticu !!!
Ci voli à mubilizassi nantu à a custruzioni di a Nazioni !!!
ghjè bè di manifestà un'ora davanti una banca, ma rimetta in causa un statu giaccubbinu è repressivu hè altr'affari...
Dumandetivi sopr'à tuttu parchì saria nurmali di piglià "15 anni di prigiò" cum'è a dici popopo "per solu une pochi di vetri rotti " cum'è a dici serra !!!!!
oghji so 15 anni pà i vetri, dumani sarani 15 pà avè manifestatu ! Hè tandu quali alzarà u pugnu ?

12.mandatu da SERRA u 05/08/2008 15:29

dici : ci vole à dumandàlla sta maestria di u podere puliticu ...
ie he cio chi no femu senza risultatu , o à cuntentàcci di bellu pocu di poi piu di trent'anni . un tamantu fiascu ci mette in obligazione di poneci e quistioni sopra tuttu quandu un resta che u bastone per fàcci minà e ch'un c'he mancu piu a carotta . a clandestinità dopu esse stata u nostru puntellu he diventata un fattore di divisione senza altru risultatu che esistenze ruvinate , perdita di credibilità e marginalisazione di a partita a piu sincera e schietta di u nostru persunale puliticu di i nostri militanti . simu arripiccati à un simbulu allora chi l'ora trica e u tempu persu un serà mai piu ricchjappu , u tempu un ghjoca per noi di nisun modu. un si po micca sceglie à a piazza di u populu ne in quant'à a finalità ne inquant'à u modu di lotta . he à noi à scunvince , o à pensà ch'un ne simu micca stati capaci, resta à sapè se dumane u porremu esse di piu . inquant'à pigliàssi quindec'anni per avè manifestatu per furtuna un ne simu ancu custi e s'ell'accadissi tandu serebbi u piu bellu segnu d'una vittoria vicina . almenu ch'o sia cecu un ci simu ancu.

13.mandatu da plouf u 05/08/2008 15:41

fiedeghjate s'articulu e i cummenti di ssi pinzudacci : " http://tempsreel.nouvelobs.com/actualites/economie/entreprises/20080805.OBS6160/la_bnp_ne_financera_plus_lacces_a_la_propriete_des_etra.html "

Un capiscenu nunda a nunda !

14.mandatu da plouf u 05/08/2008 15:42

http://tempsreel.nouvelobs.com/actualites/economie/entreprises/20080805.OBS6160/la_bnp_ne_financera_plus_lacces_a_la_propriete_des_etra.html

15.mandatu da Ziu Dumè u 05/08/2008 15:55

http://lemaitre.blog.lemonde.fr/2008/08/05/bnp-paribas-cede-face-aux-independantistes-corses/

16.mandatu da HAHA!!! u 05/08/2008 16:32

A Piazzetta, primu situ d'infurmazione in Corsica!

Eviva A Piazzetta!!!!!!!!!!!!!!!!!!!!!!!!!!!!!

17.mandatu da circinelludiguagnènativupèliguagnesusosanguaversatu u 05/08/2008 17:37

SERRA, eccu un "riccacciu" di u situ Rinnovu.com:
Avec EDVIGE, fichage généralisé
La dictature capitaliste totalitaire se dote de nouveaux moyens .Voici le fichier EDVIGE (exploitation documentaire et valorisation de 'information générale ), destiné a "centraliser les informations relatives aux personnes physiques ou morales ayant sollicité ou exercé un mandat politique, syndical ou économique,ou qui joue un role institutionnel,économique,social ou religieux significatif".
EDVIGE exploitera également "les informations relatives aux groupes, individus, organisations et personnes morales qui , en raison de leur activités individuelles et collectives, sont susceptibles de porter atteinte à l' ordre public".Le fichage sera autorisé dés l'age de 13 ans.
E pò, par pietà, arristetivi di dinuncià "sti giovanni " "sti zitelli di 20 anni" ! so patriotti chi anu fattu una scelta ! u tintu di AMT ùn avia micca 12 anni è OP, par asempiu, hè statu, è firmatu, fieru di a so scelta ! Identificàlli solu cù a so età hè, quant'à me, un' insulta, ancu invuluntaria ma di più in più purtata qui o culà...
amicizia virtuale, ben ch'è patriottica. (o u cuntrariu)

18.mandatu da sega u 05/08/2008 17:39

A BNP a dettu in lu so cumunicatu : " A compter de ce jour, les acquisitions de maisons sont exclues du champ de ce dispositif de financement"

Iè ! mà i tarreni pò esse !?

19.mandatu da zitellu2B u 05/08/2008 19:25

Bravi a tutti!
A speculazione basta!

20.mandatu da in cauda venenum u 06/08/2008 07:25

FELICITAZIONI A TUTTI QUELLI CHI SI SO SPIAZZATI PER FA SENTE A VOCE DI I SCUNTENTI SITE RINGRAZIATI DA TUTTI

21.mandatu da machja u 06/08/2008 10:11

Quale so quelli chi so andati a manifesta davanti a BNP ? i milianti naziunalisti, micca tuti i corsi, so sempre i stessi chi so davanti e piglianu i colpi.
Alora avale avete vistu cio chi si vole a fa, a prossima volta fallate ancu voi in carrughju, cusi seremu piu numerosi.

In a listessa rùbrica :