Accueil
Envoyer à un ami
Version imprimable
Partager

I più belli prugetti di a bettunizazione

In Corsica ùn avemu nè petroliu, nè idee, ma avemu u bettonu...



I più belli prugetti di a bettunizazione
Bettunizazione, speculazione, custruzzione... n'avete assai intesu parlà in u 2010, serà peghju in u 2011.

E bétonneuses sò state grande forma è pudemu esse siguri ch'elle funziuneranu à pienu regime quist'annu chì vene. Eccu unepochi di i più belli prugetti chì anu fattu parlà.

Les Rivages de Calvi : prugettu purtatu da u merre Ange Santini è da una intrapresa di u Var, a Semexval. L'idea : un centu d'alloghji di lussu in u Pinetu di Calvi. « Des appartements sur le sable » dice a pubba...

Favona : un prugettu 175 appartamenti nant'à a cumuna di Conca. U liturale corsu avia riesciutu à evità a bettunizazione. Avà u sfragellu hè generalizatu, à colpi di residenze segundarie è d'appartamenti pè ricchi.

Rondinara : 2010 o u ritornu di i vechji prugetti chì durmianu dapoi 30 anni. U prugettu di Lefèvre di 54 alloghji in custruzzione hè statu arrestatu da u tribunale amministrativu... sin'à quandu ?

L'Anghjone : Hè duratu una bella stonda u chjam'è rispondi trà u gruppu Promeo è u cullettivu Salvemu L'Anghjone. Finalmente, Babbu Natale hà lasciatu unepochi di pacchetti a vigilia di Natale è s'ampara avà chì i bungalows ùn sò più à vende...

Serra di Ferru, Calcatoghju, Belvidè Campumoru... ste cumune allonganu a lista di quelle chì sò à più di 70% di residenze segundarie.

In Portivechju, Sartè, Ulmetu, Serra di Ferru, Poghju d'Oletta sò centinaie d'èttare di terre agrìcule chì sò rese custruttibile.

D'altri belli ritratti di u nostru liturale sò à vede nant'à u situ di l'associu bunifazincu ABCDE.

u 26 di Dicembre 2010
u webmaestru



1.mandatu da nuit bleue u 26/12/2010 18:49
Eiu cridia che i speculatori, oghje che no simu in piazza cu a manca a l'assemblea, avianu a peura di vene inde noi ?
Mi seraghju sbagliatu ?

2.mandatu da mamone u 26/12/2010 18:57
O zitelli, u soldu currompe tuttu in Corsica cume altro!!!! A "balearisazione " hè cumminciata !!I pulitichi ,i maffiosi ,i "natio" sacchitoni e tant'altri sanu chi ci so i soldi a fà !! A Corsica sarà venduta ... Chi fà ,chi ci si po fà!!

3.mandatu da estrimei u 26/12/2010 19:00
o nuit bleue ,
un temmi nunda ! un hai intesu a TATTI e a ORSUCCI chi chjamanu , a voce rivolta , u statu frencese !
sta chjama a feranu per stabbillì appena di ghjustizia ? - ma u statu frencese un he tantu qualificatu per quessa - o per cacciacci a calci in cullu e impie e so stacche?

4.mandatu da elia u 26/12/2010 19:15
il potere è il soldo,anche da noi in italia il governo funziona così.
Almeno voi Corsi avere qualche bomba che ogni tanto salta al posto giusto,da noi in italia nessuno si lamenta e nessuno fa niente.

5.mandatu da Judge Thiel u 26/12/2010 20:09
Chi fà chi ci si po fà ?

6.mandatu da anto u 27/12/2010 08:21
chi fa ?.......mescha corta !

7.mandatu da Rosario u 27/12/2010 11:23
E' un fatto mondiale,non si può fermare, sto d'accordo con Mamone...chi ci si pò fà !

8.mandatu da MARCUCCIU u 27/12/2010 14:49
chi fà??? Ma un so micca tutti morti in Ponté Novu i veri Corsi ! ! ! bisogna a svigjiassi o gjienté !!!!

9.mandatu da pinzuttu u 27/12/2010 15:37
g simeoni ha dittu in a campagna elettorale "la part francaise qui est en nous"
a me parte corsa he spalintata per sti prughjetti di speculazione
cio di fa cume d' abitudine

10.mandatu da Paulu u 27/12/2010 15:56
Aghju lettu chì certi muvimenti naziunalisti, chì oghje sò contr'à a viulenza, sò quelli chì racoglienu u più militanti chì adopravanu a lotta armata. Secondu issu capimachja dunque, tuttu va bè, l'azzioni publiche oghje bastanu à fà paura i speculatori.
Ci vulerebbi ch'elli ci spieghinu quantunque perchè dui anni fà a viulenza era nicessaria è avà ci vole à cundannalla : ùn ci hè più speculatori ?

11.mandatu da U Palatinu u 27/12/2010 16:02
Cio chì aghju qualche difficultà à capisce, hè a raghjone di l'opposizione à e custruzzione in bor di mare, allora ch'ùn si dice quasi nunda per tutte l'altre bettunisazione in u restu di a Corsica.
Tutta a piaghja detta "urientale" hè cumplettamente sfigurata, ella chì, solu 50 anni fà, era vergine di custruzzione.
È cosa pinsà dinù di i circondi di l'Isula Rossa, duve s'hè custruitu ùn sò quante case.
È i circonci Bastiaccii è Aghjaccini ? À un epica micca cusì luntana, Montesoru è u Fangu eranu piaghje cultivate.
Fin'à quandu hà da durà ?

Senza parlà di a ghjente ella stessa (ùn vogliu cascà in un altru dibattu), a pupulazione di a Corsica ferma, di manera quantitativa, in piccula crescita. Ùn ci hè nisun raghjone per a quale a custruzzione sia in crescita più forte ch'e a pupulazione ella stessa ?
O allora, vole dì chì i custruttori è tanti eletti ùn anu anima è preferiscenu sacrificà a Corsica nant'à l'altare di i so intaressi.

12.mandatu da nuit bleue u 27/12/2010 17:12
A viulenza ci si vole a impiegala àncu contr'a, i corsi chi vendenu a terra, o i meri chi danu i permessi di custrui, o quelli chi li tiamanu i" prete nom", chi facenu travaglia i speculatori frusteri, o sino a viulenza per a viulenza un ghjov'a nulla. Dipoi quarant'anni simu in lu stessu chièrchiu : viulenza, ripressione, prighjo per i clandestini, e dino viulenza per a liberazione di i prighjuneri, eccu cio ch'ell' hè divintata a lotta, e l'altre rivendicazione un ne parlemu piu.

13.mandatu da Mamone u 27/12/2010 17:52
E vera chi i circondi di l'Isula Rossa so sfigurati e Munticellu ,u si ne parla! E si sa chi ci so mumerose residenza secundaria cum'elli dicennu. E i soldi entrennu inde isse cumune ma dopo un si sa cume si soldi so impieghadi... Infatti u c'hè più "u palmu di nettu "!!

14.mandatu da Florence u 07/02/2012 23:23
Outre l'imperméabilisation des sols, ce qui est dur à accepter c'est la pauvreté architecturale de ces projets, qui vont de paires avec les acteurs de ces horreurs qui défigurent sans vergogne la Corse. Du promoteur au touriste, tout le monde s'est bien partagé le gateau. Je rêverai de pouvoir exercer chez moi, je crois que c'est pas demain la veille quand on voit qui mange.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta