A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > BETTUNIZEMU

Nunda à dì, hè assai più bellu avà

In Bastia, trà Falcunaghja è U Machjò, si pudia vede una bella torra medievale, à mezu à a machja è i lamaghjoni (chì hè u so nome ? Lettori di A Piazzetta, ci pudete aiutà ?).

Sempre arritta, di bella fattura, cù i so soprusci (linteaux) è e so belle petre, hà riesciutu à resiste à tutte e guerre, tutte e lite, tutte l'invasioni... Ma micca à l'isteria di l'immubiliare.

Nunda à dì, simu i più forti per scempià u nostru patrimoniu.

U primu ritrattu hè di u 2008, u segondu fattu sti pochi ghjorni (ringraziemu à ER).

Certi chjamanu quessa "le développement".

u 19 d'Utrovi 2013

U Webmaestru

Accueil

Envoyer à un ami

Version imprimable

1.mandatu da Calvoise u 20/10/2013 12:16

U celu hè più turchinu avà ! Perchè lagnassi ?!

2.mandatu da bastiacciu stortu u 20/10/2013 13:42

In Bastia , i duï campanili di San Ghjiuva , nè fèrèmu un " Duplex " ...et qui on est ...!!

3.mandatu da Calvoise u 20/10/2013 13:52

Lamaghjoni : les ronciers ?

4.mandatu da Calvoise u 20/10/2013 14:33

Un aghju micca trovu u so nome :-(( ma durante e ricerce aghju vistu issu legame (senza raportu) chì mi pare interessante per quelli chi imparenu (per a prununzia almenu) : http://www.pentadicasinca.fr/docs/toponymie-des-noms-et-lieux-de-penta_90.pdf

5.mandatu da Calvoise u 20/10/2013 14:39

RicercHe.. mi dispiace. Un vi feraghju più caga di a ghjurnata. Gjhe prumessu.

6.mandatu da anto u 20/10/2013 15:14

Bisogna a sapè cio ch'omu vole ,ognunu si pienghje di un truva alloghju ,allora pè una volta chi ci so chi escenu di terra !

http://www.blog-anto.be

7.mandatu da o zitelli u 20/10/2013 15:39

serà, è per disgrazia ùn si puderà custruisce chè accantu à ciò chì avia digià una storia? a prutezzione di u patrimoniu ùn esiste?

8.mandatu da Antong u 20/10/2013 16:11

(da un teleffuninu)

O Anto, un vedi micca chi st´appartamenti seranu tutti per i pinzuti chi venenu a stallassi in Corsica ?

E casali in Bastia, un so què chi mancanu, crescenu in ogni locu !!!

9.mandatu da sardu u 20/10/2013 17:07

oohhhh Ma stanu a rovina u patrimoniu ambientale di a corsica!!! B-A.S-T-A
BATTUNIZZAZIONE DEL CAZZO! UN é POSSIBILE CHE DUVE METTUNU PIEDE QUESSI IDIOTI ROVINANU OGNI COSA...
MA CHE FINE FARA QUESSA PUVERA ISULA!

http://ò

10.mandatu da o zitelli u 20/10/2013 18:02

Ma serà pussibule chì puderi publichi è prumutori sianu cusì ignuranti ? a mudernità è u prugressu ponu andà cù un certu rispettu di a cultura, mansa di tichjoni

11.mandatu da Lonzu Ribellu u 20/10/2013 21:53

ié la Calvoise ,

lamaghju, lamaghja, lamaggia, lamaghjonu, lamaghjone (i), lamaggionu

en francais : roncier, ronceraie

12.mandatu da Calvoise u 21/10/2013 09:00

Ti ringraziu, O Lonzu Ribellu.

13.mandatu da Simon Tasega u 21/10/2013 12:07

A casa (a "torre medievale "? ... che nimu cunnosce e che tutti volenu diffende : circate u sbagliu) hè sempre arrita mi pare. Mi fà un po pinsa a a storia di quellu che mughjava sempre a u lupu e quandu u lupu hè ghjuntu... Ci so abbastanza casi scandalosi ind'é noi.

14.mandatu da Ernestu u 21/10/2013 13:14

Ai ragio o Simon. cuntinuvemu à arruvinà tuttu, après tout "on ne vas pas laisser que du maquis à nos enfants'

COME ON BTP !

15.mandatu da o zitelli u 21/10/2013 15:30

O Simon, serà arritta ma u situ hè arruvinatu è dumane a ponu vende è fà un casale à dece piani, A torra di A Vètrice in Cardu l'ai vista ? ùn hè megliu chì Stromboni l'appia salvata ? era una ruvina. Pochi i lochi per fà casacce, ùn sò quesse chì mancanu in stu paese, lascia campà ciò chì ferma di a storia !!

16.mandatu da Ghj. u 21/10/2013 16:21

(da un teleffuninu)

Eccu.

"Lascia campà cio chi ferma di storia"

Chi tantu, un ci ferma guasi piu nunda

17.mandatu da Rigorus u 21/10/2013 19:13

Que vole di "Nunda a di" ? Vi ringraziu d'avanca!

18.mandatu da Muntagna fiera u 21/10/2013 20:41

Sta ruina u s'assumiglia à nunda ,ch'elli à lampessinu cù ghjova piu a nunda.

19.mandatu da babbò u 21/10/2013 21:41

Si ne more u nostru populu,pensate e vecchje petre.....

20.mandatu da Casata u 21/10/2013 22:26

(da un teleffuninu)

Ié u nostru populu si ne more sott´à tone di cimentu

21.mandatu da Calvoise u 21/10/2013 23:27

Nunda à dì = Niente da dire. Locuzione per dire "è palese, non c'è niente da opporre". Se aghju capitu bè...

22.mandatu da O CORSU RIFLETTI u 22/10/2013 18:10

À Muntagna fiera chì dice chì « sta ruina ùn s’assumiglia à nunda, ch’elli a lampessinu ch’ ùn ghjova più à nunda ».
È Muntagna fiera hè fiera di cosa ? ‘
Ssa torra hè quella chì ci prutegia ind’i tempi contr’à l’assalti.
Di sicuru, à chì ghjova oghje una vechja chjesa, una torra, un ponte, un pagliaghju, sè accantu ci sò i casali o magazinoni? Ma ghjè u nostru patrimoniu è ci vole à pensà un sviluppu per mettelu in valore. Un pianu d’occupazione d’urbanisimu hè utile in ogni cumuna per e custruzzione, per ogni settore d’attività è per sapè ciò chì ci vole à priservà.

23.mandatu da livia u 24/10/2013 02:40

Tutte ste vechje petre sò una parte di a nostra storia.

24.mandatu da ghjuva u 24/10/2013 18:21

ai ragio babo mortu u Populu CORSU.....sine ponu more tutte e petre di CORSICA.

25.mandatu da J G u 25/10/2013 07:32

Cum'elle ghjuranu sse costruzzioni accantu a ssa tora !
Ancu ch'elli un l'hanu lampata !

26.mandatu da Leandri u 25/10/2013 16:24

Custruimu u mondu à l'imagine ch'è n'avemu di noi stessi

27.mandatu da Niellu LECA u 28/10/2013 15:59

Hanu lasciatu crepà u cunventu d'Orezza, u Château de la Punta, allora, issa torra disgraziamente, quale si ne priuccupara ?...Vargogna !

28.mandatu da BUIGGU u 02/11/2013 15:31

chjamate que una torra ???? se ogni volta chi c'hè una ruvina nu u circondu un s'hà da più da pudè custruisce allora voltemu puru à stà in e grotte cume i nostri antenati . d'altronde so sicuru chi 500 anni fà quand'ella hè stata fatta quelli di l'epica (l'ecolo di tandu lol) hanu trovu à dì chi sfigurava u locu ... un ci serà nunda di piu scandalosu in corsica ?

29.mandatu da muntagnolu u 02/12/2013 11:32

Ghjè veramente un scumpientu, ùn si vede più un locu di machja, un locu di natura in cità si construisce d'apertuttu pè piglià si dui soldi in più

Novu cumentu :