Accueil
Envoyer à un ami
Version imprimable
Partager

Sai ch'è tù ai 30 anni quandu...



A legenda dice chì i biscuttini Tcha'o ùn eranu cummercializati chè in Corsica...
A legenda dice chì i biscuttini Tcha'o ùn eranu cummercializati chè in Corsica...
Ai ballatu nant'à un slow di Whitney Houston à l'Apocalypse. Iè, ai cunnisciutu i slows in buatta...
D'altronde quand'è tù andave in buatta mettie una camisgia Façonnable, un jean Bonaventure è un paghju di Docksides.
Tandu, ai betu u Malibu Ananas.
Ai avutu un paghju di Reebok Pump, un blouson Waïkiki è un t-shirt Fassianos.
Ai fattu u skate, o ai odiatu quelli chì facianu u skate.
In carrughju, sentie parlà corsu.
Ai ballatu (o fattu u musu) nant'à Scatman, Gala è Corona.
I Chjami Aghjalesi eranu giovani è magri è l'ai stati à sente nant'à un walkman.
Ti ci volenu trè o quattru ghjorni pè ricuperà d'una scimia.
Ai manghjatu i "Tcha'o" in a corte di recreazione.
Per avè un Moussor, ai dumandatu un "cidre."
Chjucu, ai cantatu e canzone di E Cardelline, cum'è Libertà.
Ai cunnisciutu à Principellu cantatu da Anna Rocchi nanz'à Le Petit Prince.
Ti n'arricordi quandu I Muvrini surtianu dischi per i zitelli è si statu felice di cantà Merendella, U Caffè o ancu I rusignoli.
Ai cunnisciutu à Jacques Bastianesi chì presentava à "Corsica Sera".
Quandu fidighjave "Le Prince de Bel-Air" manghjave e "Picorette" è i "Treets".
Ai fattu una boum induve si pudia beie u "Tang".
I "Twix" firmeranu sempre "Raiders" per tè.
A notte, c'era sempre qualchì "plasticages" è i flicchi viaghjavanu in 4L.
I giovani ti chjamanu di voi.
Ai cunnisciutu Le Provençal, Kyrn, Cap'radio è RCI.
Ai cunnisciutu i tempi induv'ellu c'era solu trè catene di televisiò.
Ai cunnisciutu "Corsaire" cum'è sponsor di u GFCA, "Onet" è "Cata-Vana" cum'è sponsor di u Sporting.
Ùn ti scurderai mai di Grocquick.
I più grandi ghjucadori di tutti i tempi si chjamanu Pierrot Bianconi, Eugène Kabongo, Yves Mangione è Antoine Difraya.
Ai vistu à "Ciel mon mardi" nant'à u naziunalisimu in diretta.
Ai cunnisciutu u minitel è u 36 15 code Ribombu.
Ai ghjucatu nant'à un Amstrad o un Atari.
I caffè sentianu u pastizzu è a "Gitane Maïs"
Quelli chì mettianu "bleu de Chine" ùn eranu micca tutti naziunalisti.
Sì passatu nant'à u ponte à una sola via in Francardu.
Sì passatu per Bistugliu quand'è tù cullave in Corti.
Pensave chì mai ci puderia esseci un fast food in Corsica.
Ai fattu a cullezzione di pin's.
I Corsi eranu magiuritarii è avianu un paese.
Ùn pensave micca chì i naziunalisti puderianu bettunizà u liturale è custruisce "résidences secondaires" è "l'immobilier" ùn era ancu una manghjeria.
"Barbouze" era un'insulta gravissima.
Ti sì dumandatu si Zuccarelli avia da piazzà u so figliolu à a merria.

À voi di truvà a seguita !

Jack & Pierre-Jean
Jack & Pierre-Jean

Sai ch'è tù ai 30 anni quandu...

Sai ch'è tù ai 30 anni quandu...

Sai ch'è tù ai 30 anni quandu...

Sai ch'è tù ai 30 anni quandu...

Sai ch'è tù ai 30 anni quandu...

Sai ch'è tù ai 30 anni quandu...

Sai ch'è tù ai 30 anni quandu...


u 12 di Farraghju 2012
U Sgaiuffu


Da u più recente à u più anzianu | Da u più anzianu à u più recente

13.mandatu da L'albitru u 12/02/2012 21:38
Si pigliava a duscia cù u savon zest pà essa in piena forma.

12.mandatu da Michè u 12/02/2012 20:18
Mouss'or

11.mandatu da altore u 12/02/2012 20:12
quelli chì biianu a biera eranu pinzuti. u corsu biia u 51, u ballantine's incù u tappu nù u bichjere, o u rosé.
una donna chì biia a biera era una vergogna senza nome. ùn la pudia fà chè in cuntinente è ancu...

10.mandatu da U Palatinu u 12/02/2012 19:53
È d'ùn avè nisun contu faciabook o twitter, conta dinù ?

9.mandatu da U Palatinu u 12/02/2012 19:50
Ùn capisci nunda di a manera di parlà di i ghjovanni d'oghje quand'elli parlanu in francese.

Ùn capisci nunda à e nove tecnulugia Ipod, Ipad, è tutti quanti...

Cerchi sempre qualchissia per fà riparà u to "lettore CD" chì hà resu l'anima.

Ùn capisci nunda à a mentalità di i ghjovani oghjinchi.

Ai persu u laziu di sorte a sera aldilà d'ondec'ore.

Ai rinunciatu à capì u funziunamentu di a moda d'oghje.

Sì più spessu in dipressione ch'e allegru.

Ti ricordi d'un epica duve si bettunizava dighjà assai, MA MENU CH'E U SCUMPIENTU CH'ELLI CI FACENU AVÀ !!!





Tuttu què, hè effettivamente u mio casu.

8.mandatu da paulu u 12/02/2012 19:47
Un altru :

"quelli di a Brise de Mer ùn eranu ancu tutti morti"

-> sortu

7.mandatu da paulu u 12/02/2012 19:45
quantunque ! esagereghji apena Sasha ! eiu mi ricordu benissimu di tuttu que....

6.mandatu da sasha u 12/02/2012 19:45
Ié Stesanti "Corsica sera, bona sera, Corsica sera, bonsoir", c'hé da ride!

5.mandatu da sasha u 12/02/2012 19:43
Ghjé più addattu à quelli chi anu quarant'anni che à quelli di trenta... Cosa nè sanu quelli di trent'anni di Raider, 36 15, "Gitane maïs", ecc. ...

4.mandatu da Petru mazzulincu u 12/02/2012 19:27
V'arricurdate di a banane nant a u parking di l apo? E di i nostri cugnomi nant a u pare brise?

3.mandatu da Stesanti u 12/02/2012 19:25
u "bonjour, salute a tutti" è u "bonsoir, bona sera" di Aimé Pietri

2.mandatu da azezu u 12/02/2012 19:20
"barbouze" era a peghju insulta

1.mandatu da Steph2a u 12/02/2012 19:03
Ti ricordi di a morte di John Lennon

Ti ricordi di Jean-Paul de Rocca Serra, dettu "le renard argenté"

Ti ricordi di "a ghjustra liceana" prisentata da u tintu Daniel Pariggi nant'à RCFM

1 2
Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta