Una sciarpia nera
Per diventà un Christophe Barbier lucale.
Un bellu appiccicatoghju
Cun pienu di sbagli.
Un bellu tshirt
Cun pienu di sbagli, ma di tutte e manere più nimu capisce u corsu.
Un bellu orilogiu
Perchè sentevi corsu quand'è vò v'arrizzate per piscià a notte.
Un piattu (?)
Per decurà u vostru salottu, perchè avete bon gustu.
Un paghju di ciavatte naziunale
Perchè ùn sò micca tutte à l'assemblea.
Un bellu tshirt
Voilà voilà...
Una banderuccia di scagnu
Per crede ch'è no simu ricunnisciuti à l'ONU.
Un altru bellu appiccicatoghju
In francese ben'intesu, "per chì tuttu u mondu capisca".
Una bandera, ma cù un BIG FAIL
Saperai truvà qualessu ?
Una zucca "ghjustificazione"
Perchè avà, avemu rilanciatu u merchandising "ghjustificazione".
Un scurzale di cucina per e donne
Perchè e donne corse, stanu in cucina.
Un altru bellu piattu, cù pienu di sbagli
Perchè simu tutti "per u campu corsu".
A sacchetta Pasquale Paoli
Perchè u Babbu is watching you.
U sglippu naziunale
Perchè hè a glassa.
A camisgia bianca
Perchè hè sempre megliu ch'è una camisgia nera, quantunque.
Un appiccicatoghju tamantu tamantu
Perchè più sò Corsu, più aghju l'autocollant.
Appena di musica
Perchè nanzu à Patrick Bruel, c'era Mireille Mathieu.
Una cunneria cù una cagula
Perchè ci piacenu i clichés.
Un bigliettu corsu
Per ghjucà à l'indipendenza.
Da leghje dinù : 20 rigali republicani
Per San Valentinu, manda a to cartulina d'amore pulitica
