Accueil
Envoyer à un ami
Version imprimable
Partager

Cahuzac : "peghju a disfatta di Ponte Novu chè a falata di u Sporting"

In una intervista à u situ di So Foot, Cahu e face falà... Da leghje !



Cahuzac : "peghju a disfatta di Ponte Novu chè a falata di u Sporting"
Yannick Cahuzac, capitanu di u Sporting, natu in Aiacciu, figliulinu di u legendariu Pierre Cahuzac ci n'ampara belle in una intervista à u giurnale So Foot. L'intervista hè fatta nant'à u tonu di a magagna ma u ghjucadore si cappia.

À a dumanda "quale hè u Corsu u più grande" è di sceglie trà Napuliò, Pasquale Paoli è Claude Papi sceglie à Paoli "pè a custituzione di 1755".

Dice dinù chì a battaglia di Ponte Novu hè stata più disastrosa ch'è a falata di u Sporting in National.

Infine, ci spiega chì trà u Diu vi salvi Regina è a Marseillaise, hè l'innu corsu u più forte, l'hà assai cummossu cù e partite di a Squadra Corsa.

Leghjite l'intervista nantà So Foot. Face siguramente un pezzu chì u Sporting ùn avia più un capitanu cusì. Di chè diventà veramente l'ìdulu di a tribuna Est...

l'11 di Ghjenaghju 2011
u webmaestru



1.mandatu da Drobnjaku u 11/01/2011 19:16
Forza Cahu !

2.mandatu da fantomacciu u 11/01/2011 23:49
Jenifer vole fà un album in corsu, Cahuzac dice à So Foot ch'ellu parla corsu... tante bone nutizie !

dopu, ci ferma a FCPE è François Tati :-(

3.mandatu da Turchinu u 11/01/2011 23:49
Cahu ! Cahu ! Cahu !

4.mandatu da estrimei u 12/01/2011 11:17
"dopu, ci ferma a FCPE è François Tati :-( "
e quessi so pessimi !

5.mandatu da Andrì (dettu "U Sguizzeru") u 12/01/2011 14:29
S'è no ci la femu à purtà in altu a nostra lingua incù fede è senza cumprumissione, tuttu hà da seguità...

6.mandatu da U Palatinu u 14/01/2011 13:14
A Ghjurnata Mundiale di a Corsica ?
Esiste ?
S'ampara ogni ghjorni quì.

Novu cumentu :