Accueil
Envoyer à un ami
Version imprimable
Partager

Cunniscite stu dettu ?

Ci hè un dettu chì face : "Ùn ti ne ride di u mo dolu, quandu u meiu serà vechju, u toiu serà novu"...



Trè anni fà aviamu parlatu di l'affare di a cascia à i culori di l'ACA in tribuna Petrignani, quandu u club aiaccinu si n'era falatu in lega 2. Da leghje quì : A cascia di u derby, novu affare Dreyfus nustrale

Ferma cum'è unu di st'episodii chì i Corsi cunnoscenu bè, è chì face nasce baruffe tremende nant'à e rete suciale è splusà u standard di u forum di RCFM (allora chì forse, ci sò affari più gravi ma chì facenu nasce menu riazzioni).

Bella sigura, i sustenidori bastiacci ùn anu inventatu sta magagna, chì si vede spessu in Italia. Per esempiu in u derby sicilianu, quandu i sustenidori di Palermu anu purtatu a cascia di Catania dop'à a so falata. O quella in Ghjenuva à i culori di a Sampdoria purtata da i nemichi di u Genoa.

Ma a vita hè fatta à scala, à chì colla, à chì fala. È oghje sò i sustenidori di l'ACA à piglià a so rivincita.

Cunniscite stu dettu ?

Rammintemu ch'elli ci seranu 6 derbys corsi quist'annu chì vene in lega 2 (almenu chì a DNCG ne decidi altrimenti è chì u Sporting si ne fali ancu di più in fondu).

Per avà ùn si sà cun chì dirigenti, staff è ghjucadori Bastia torna à parte. È mancu cun chì sustenidori, vistu chì parechji si steranu in casa quist'annu chì vene...

u 23 di Maghju 2017


Novu cumentu :