Accueil
Envoyer à un ami
Version imprimable
Partager

Corsu o connu ?

Avanza a ricunniscenza di u populu corsu in u futbol. U ghjucadore di Lille Aurélien Chedjou averia dettu "sale corse" à l'aiaccinu Cavalli.



Corsu o connu ?
L'affari vanu più in furia in futbol chè in pulitica. Allora chì nisun grande candidatu à l'elezzione presidenziale parla di ricunnosce l'esistenza di u populu corsu (i soli sò Philippe Puttù è Eva Joly), in u mezu di u ballò francese l'affari sò chjari : u populu corsu esiste.

Era digià u casu di Jean-Michel Aulas (ma forse era perchè s'era pigliatu unepochi di scuzzulate in Timizzolu).

Dapoi sta dumenicata, u populu corsu hà un novu difensore : hè u difensore di u LOSC, Aurélien Chedjou. Averia trattatu à Johan Cavalli di "sale corse" durante a partita Lille - Aiacciu è avà l'affare cummencia à fà u rimusciu.

A LFP hà dettu ch'ella hà apertu una inchiesta. Allora avà, chì dicerà a LICRA ? Chedjou serà suspesu da a cummissione di disciplina di a liga ? Chì serà a riazzione di Thiriez, sempre u primu à accusà Bastia di razzisimu ?

Chedjou ellu si difende : ùn hà micca dettu "sale corse" ma "sale con"...

Una cosa hè certa : u futbol francese si porta sempre cusì bè.

u 16 d'Aprile 2012
U Webmaestru



1.mandatu da ANTO u 16/04/2012 18:22
Ci vole a piglia questu da due ellu vènè !

2.mandatu da Scortu u 17/04/2012 11:05
O Anto, chi voli di ?
vene dà un futballore o dà un neru ? Se tu pensi à un neru, scusami mà ti ramentu chi u razzisimu un hè micca un opinione ghje un delittu !

3.mandatu da Stronchighjetu u 17/04/2012 22:19
Mi mi mi chi Poutou hè turratu Puttù... è "sale Corse" "sale con". Ghjè ne carri ne pesciu u vostru articulu!

4.mandatu da John-Billu u 25/04/2012 15:10
ah ... scusate mà un si sente nunda nant'a tele ... dunque ùn c'hè statu nunda, CQFD ("jursiprudence" GFCA-Lyon).

Novu cumentu :