Accueil
Envoyer à un ami
Version imprimable
Partager

Cumu fà per salvà u Sporting ?

Pianu pianu, u Sporting piglia a direzzione di u "Naziunale". Ci la feremu à evità a falata ?



Cumu fà per salvà u Sporting ?
Eccu unepoche di piste per salvà u club bastiacciu, chì ùn hè mai statu cusì male.

1. U ritornu di l'anziani dirigenti : U Sporting manca d'omi forti, chì sanu mughjà è piglià e decisioni impurtante. Certi dumandanu u ritornu di l'anziani dirigenti, sapete, quelli chì anu fattu falà u Sporting è chì anu fattu vene à Chimbonda, Paulo Alves, Kasperczak o Piekarski...

2. Fà vene ricchi investiscidori : Esiste nant'à Facebook u gruppu Pour vendre le Sporting à la mafia russe. Bon, micca siguru ch'elli sianu interessati eppo a maffia russia, ci hè digià in Corsica, nò ?

3. Tappettu : A voce dice in Bastia chì u figliolu di Bernard Tapie era prontu à ripiglià u Sporting è à metteci i soldi. Bah, à u puntu induve ne semu... Avemu avutu à Bernès, pudemu avè à Tapie.

4. Mette fora à Anziani è ripiglià à Casoni : Pensavamu avè tuccatu u fondu cun Bernard Casoni ("le contenu est bon", dicia quellu...) ma ci hè purtantu peghju. U ghjocu attuale di u SCB ùn s'assumiglia à nunda. Nisun fondu di ghjocu, ghjucatori persi, nisun scema tatticu... Si deve campà u venneri sera Casoni, quand'ellu vede i risultati di Bastia...

5. Cumprà ! U Sporting deve piglià ghjucatori novi per rinfurzassi, ma i dirigenti ùn volenu micca indebità u club (a dice Albert Pieri). Ùn hè micca una magagna : Corse-Matin parla di piglià à u lorientese Antoine Buron. Semu salvi...

6. A falata in Naziunale : Certi vedenu a falata in National cum'è una diccia. Si ricumencia à zeru, si facenu ghjucà i Corsi. Prublema : si dicia dinù què di a falata in L2... In Cannes, Martigues, Reims, Tulò, à u Red Star, u Matra Racing, Mulhouse, Niort... tutti ex-club di D1, dicianu listessa cosa. Oghje, ghjocanu in l'anunimatu tutale.

7. Una sola squadra corsa prufessiunale : Di quandu in quandu volta l'idea d'una unione Aiacciu-Bastia per fà una sola squadra. Di più mezi, di più sponsors... È si ghjoca in Vizzavona ? Mai !

8. Un intrenore novu... ma quale ? Certi dumandanu u ritornu di René Exbrayat o di Léonce Lavagne. Ma perchè micca piglià una persunalità forte per un'operazione commandò : Vahid Halilhodzic ? Rolland Courbis ? O ancu Philippe Lucas ? Brice Hortefeux ? Ancu megliu : u sergente Hartman di Full Metal Jacket.

Cunclusione : A stagione risicheghja d'esse assai longa è i macci di u venneri sera d'assumigliassi à un via cruci settimanale. Detta altrimenti, "semu mal barrati". Ma u Sporting ùn hè u club di i miràculi ?

È voi, chì prupunite ?

Dumenica 4 Utrovi 2009
U Sgaiuffu



1.mandatu da ribelluccia25 u 2009-10-04 22:47
ne plus les payer ... ou alors dynamiter tout les bars et toutes les boites pour ne plus trouver en train de danser mais ça c'est impossible a faire

2.mandatu da senza nome u 2009-10-05 11:05
A falata in Naziunale : "Oghje, ghjocanu in l'anunimatu tutale..." .

E allora , mà chi pò fà !? U gfcoa ghjocà in cfa1 e volè andà in naziunale , u campiun attu e assai intaressente . Parchi ci vole a esse cunnisciuti pà pighjà u piacè di v ede a sò squadra ???
Ch 'ella sia in L2 o in Naziunale , mà s'ellu c'hè piacè a vede a quadra ghjucà ; chi prublema ???

3.mandatu da stumacheghju u 2009-10-05 13:16
Tempête cantava "où vas tu Bastia?". Oghje, pare ch'elli manchinu i soldi, i mezi, ecc. S'elli mancanu i soldi, s'è l'intranore ùn hè bonu, s'è i dirigenti ùn sò boni, chì ferma à fà? A sustene l'ACA ? E stu disgraziatu di "Senza nome" chì scrive n'importa chè ... U ghjocu cumanda a vittoria è u sognu. O l'affari cambianu cum'ellu ci vole, cù e DECIZIONE chì s'imponenu, o trippa ! U sporting merita megliu chè cusì è basta.
Simu in situazione di fiascu è m'aghju da cuntintà di quessa o senza nome?

4.mandatu da senza nome u 2009-10-05 14:26
Panem et circensens (Du pain et des jeux ) ?!?

mà oghje , SENZA DENARU , cume vuletti a fà , pà campà ind'è u mondu di a finanzia spurtiva ?

E malorosamente , eccu ciò chi face chi u sporting ùn pò piu , o , ùn a piu a sò piazza in liga 2 .

Incu ciò ch'ellu tocca cume pagà un' ghjucatore di L2 , fatemi a provà chi u SCB a i mezzi di dà a i so ghjucatori 8000 euros u mese !?

simu fritti .

5.mandatu da jojo u 2009-10-05 19:29 (da un teleffuninu)
simu merguez fritti

6.mandatu da Full metal ghjacchetta u 2009-10-06 01:00 (da un teleffuninu)
ENDETTEZ-VOUS, INCULATI !

7.mandatu da Casgiu cecu è pane uchjutu u 2009-10-06 11:09
Per u Squeubeu, una sola sperenza :
U ritornu di Carlito !
Si pudia manghjà i solli d'Essien, omancu eramu in D1, sciaccavamu chjibbe à l'OM o Bordeaux è ogni tantu ci faciamu un girettu in Cuppa d'Auropa.
ALè o Cà, da quì à pocu volti è facci sunnià : we can !

8.mandatu da PERTU SANTU u 2009-10-07 11:35
Ma chelli si stessinu tutti in lettu a dormè ,è riposu assai per sti zitelli. Apressu a u ballo un so tatti lesti.E po anccu i dirigianti un n'annu chè di cumanda une pocchè di caprè .....

9.mandatu da ziu santu u 2009-10-07 12:18
A u livellu di l'alenadore ( o intrenore ) pensu chè Hartmann sia a soluzione a più bona. Si nò, pè a situazione finanziara sia truvemu un maffiosu chì mette solli in a sucetà o femu cum'è i criatori di u fronte à l'epica biutemu i nostri conti " livret A " cusì puderemu da cumprà à Gattuso o un salvatore à l'usu Pipo Inzaghi

10.mandatu da EIU u 2009-10-07 21:25
Femu pagà un "impôt revolutionnaire" per pudè cumprà ghjucadori

11.mandatu da filidatu u 2009-10-07 21:49
à mè mi facenu ride certi chì sin'à annu dicianu ci vole à fà ghjucà à i giovani ecetera ecetera è quist'annu ch'elli ghjocanu dicenu ci vole à cumprà i ghjucadori di sperianza.....
ma mi dicerete sò i listessi chì quandu Antonetti era intrenore di bastia dicianu "hè una capra ci vole à cacciallu" (allora chì cun Antonetti u scb hà avutu u so più bellu parcorsu) è chì dopu partutu ellu , dumandavanu u so ritornu....
Per disgrazia per u sporting ciò chì li manca u più sò veri sustenidori

12.mandatu da sempri cuntentu u 2009-10-09 11:46
A mè mi piaceria di fallà in naziunale, cussì pudaremu ghjucà u titulu cumè a prima annata in L2, 'cù un ambianza trimenda !!! (a pocu pressu)
E pò, dà quì a cinqu'anni ghjucaremu u titulu in CFA1. Bah, micca malu un titulu hè un titulu ...
E tantu, ancu ghjeu aghju da ghjucà a u sporting. Mancu in i sogni l'aghju pensava ...
Ghjeu un viddu micc' u malu !!!

13.mandatu da senza nome u 2009-10-10 10:31
ci tocca a ghjucà a "l' euromillion" pà dà soldi a u sporting ....

14.mandatu da Sampieru u 2009-12-30 11:09
Ci vole chi tutti i corsi e tutti quelli chi si sentenu vicinu a u SCB lampinu soldi per pude compra almenu 4 ghjocatori. Un mettite piu i vostri solacci inde banche lampadelli inde cascie di u SCB. Andate tutti in furiani a sustene u solu club corsu a esse statu in finale di una cuppa di UEFA. Forza Bastia

15.mandatu da porcabuchja u 2010-01-02 18:21
ma ditemi à pena, ci sò sempre à u sportingu quelli chì eranu i capi dipoi dui anni, Pieri è Antonetti? ù,n si vedenu più nant'e fotò in sti belli futtogli in coghju ...

Novu cumentu :
B i u QUOTE URL

Scumpienti

U top 50 di i nomi struppiati

Facenu 200 anni ch'elli sò struppiati i nomi di lochi corsi. Paesi, muntagne, paisoli è cità, u sterminiu hè generalizatu.

U top 50 di i nomi struppiati
À i cani i nomi di lochi corsi ! L'antica memoria di i nomi si sfassa per lascià a piazza à nomi struppiati è plasticati.

Eccu u Top 50 di i scumpienti di a tupunimia corsa...


Leghje a seguita
A Piazzetta nant'à Facebook

Site più di 8000 à avè l'applicazione per iPhone8

Site più di 8000 à avè l'applicazione per iPhone8
Eccu, sò più di 8.000 caricamenti nant'à l'AppStore !

A Piazzetta era digià nant'à l'iPhone, avà ghjunghje nant'à Android

Hè a prima applicazione d'un media corsu.

Sò state sviluppate da una intrapresa corsa, DuoApps !

Ricircà nant'à A Piazzetta
Ricerca avanzata
Inscription à la newsletter