Accueil
Envoyer à un ami
Version imprimable
Partager

Hè mortu Gregale...

Si n'hè andatu Prete Filippi, dettu Gregale. Arradicatu à u so paese, hè statu resistente, scrittore, pueta...



Hè mortu Gregale...
Prete Paulu Filippi, di u paese di Tòcchisu, dettu Gregale, avia fattu a scelta d'entre in religione. Ma era un prete attìpicu, cumu a Corsica i sà fà.

Natu in u 1921, hè statu resistente. Arrestatu da a Gestapo, hè statu dipurtatu durante trè anni in Alemagna.

Attaccatu à a so cultura, era prete in Sermanu in l'anni 50. Custì, cun Ghjacumu Luciani hà fundatu u gruppu A Mannella, in u 1958. Tramindui si piglianu di passione per una cultura chì pare ùn interessà più à nimu. Arregistreghjanu l'antichi chì cantanu e paghjelle, chì sonanu di viulinu.

A Mannella hè stata u primu gruppu à cantà una paghjella nant'à una scena. Ghjacumu Luciani cuntava sempre chì l'accogliu era statu fretu... Stu gruppu ghjucherà un rollu impurtante di trasmissione trà a generazione chì hà cunnisciutu a Corsica "tradiziunale" è quella di u settanta.

Gregale hà scrittu parechje puesie, è scrittu pè a rivista U Muntese.

Quale ùn cunnosce a canzona "U Pastore", immurtalizata da Carlu Rocchi ?


Ma li piacia dinù à cantà, cum'ellu si pò vede nant'à stu filmettu :


È esciutu un discu :

Hè mortu Gregale...
Da stà à sente nant'à Deezer.

Per sapene di più :

- nant'à Isula Foru
- nant'à Corti d'eri
- nant'à Estricuntrasti

l'8 di Ghjenaghju 2015



1.mandatu da Giacomoni u 09/01/2015 11:49
Quella suttana chì purtava à u rispettu. Avà ghjè vera chì a Chjesa hà evuluatu. I preti in civile eppo’ forse, di pett’à a mancanza di vucazione, si accetterà ancu i preti maritati cum’è per i diacuni.
Ma a suttana ùn vulia micca dì chì u prete duvia stassine sempre in chjesa. Quanti preti vicinu à a ghjente ghjuchendu à ballò o à bocce, cantendu è chitarrendu ! Ind’i tempi, facianu da tuttu, scrittura, ortu, ancu caccia o dentistu !
Prete Filippi hà campatu guasi un seculu. Da a Chjesa da giovanu à quella di oghje, cù e so mutazione ! L’abbandonu di u latinu, u francese chì hà pigliatu a suprana (avia rimpiazzatu u talianu cum’è lingua ufficiale à u dicenovesimu seculu), u corsu lingua di u populu soprattuttu parlata ma rialzata pianu pianu cù u scrittu è chì oghje dumanda a so piazza anch’ella. Micca per caccià u francese ma pudè pregà è cantà u Signore ancu in latinu, corsu.
Prete Filippi dettu Gregale ci hà lasciatu belle canzone corse, di stintu arradicatu per a nostra Cursichella.
Luigi G.

Novu cumentu :