Accueil
Envoyer à un ami
Version imprimable
Partager

Hè vera, ci hè di più puesia à u Parc ch'è in Furiani

Eccu, una volta di più a LFP hà messu una piulata nant'à Bastia. Furiani hè suspesu è e partite si feranu à porte chjose. Ma à u Parcu di i Principi, cumu si passanu l'affari ?



Nant'à e rete suciale hè una battaglia accanita dapoi chì a cumissione di disciplina di a LFP hà distribuitu i so pattoni.

À chì mughja contr'à i sgaiuffi di a Est, à chì s'annerba contr'à a LFP.

Ma tuttu u mondu s'acconcia per dì chì e sanzione sò sprupusitate : Nizza ùn era statu sanziunatu ch'è da una tribuna chjosa, allora chì i sustenidori eranu falati nant'à u terrenu per mette i colpi à i ghjucadori bastiacci...

Hè messu in causa dinù u riportu di l'emissione "J+1" induve si vidia l'accaniti turchini insultà i nizzardi. Ùn era siguramente micca un grande mumentu di puesia. È hà siguramente pisatu nant'à i membri di a cummissione di u ghjovi neru di a LFP.

Ma cumu si passa in Lens, in Marseglia, in Nizza ? Sì a LFP ùn li dice nunda à questi quì, hè chì sti publichi si cumportanu bè, nò ?

Tè, casca bè, hè statu messu nant'à Facebook stu filmettu chì mostra u publicu di a tribuna Auteuil, durante un PSG - Bastia.

Ùn hè micca per minimizà ciò chì s'hè passatu in Furiani. Ma francamente, vi pare esse "luxe, calme et volupté", què ?


Sì u fimettu ùn s'affissa micca, andate à vedelu quì.

Hè vera, ci hè di più puesia à u Parc ch'è in Furiani

Hè vera, ci hè di più puesia à u Parc ch'è in Furiani

u 13 di Marzu 2015



1.mandatu da filippu bianchi u 13/03/2015 20:57
sò francesi ???!!!

2.mandatu da tutti neri u 13/03/2015 20:59
nò ghjè una tribuna di Cameroun contr'à Sénégal

3.mandatu da En Avant Chidazzu u 13/03/2015 21:30 (da un teleffuninu)
Ma ci n'hè sempre ghjente chì pensa chì in francisacci ci tenenu caru?

4.mandatu da baroni u 14/03/2015 18:31
ma qual'hè sta colonna ?

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta