Accueil
Envoyer à un ami
Version imprimable
Partager

L'Isula ci l'hà fatta è...

Sta volta, ùn hè nè u Sporting, nè l'ACA chì v'anu fattu sunnià. Hè u FBIR, u picculu club di CFA2...



L'Isula ci l'hà fatta è...
U Sporting ? Eliminatu senza gloria è senza core in Lens.
L'ACA ? Ridiculizatu in casa soia.

Ancu di grazia, ci sò dui picculi clubs chì si sò battuti cù e so trippe. Sò u CAB, u segondu club bastiacciu, chì campa in l'ombra di u Sporting.

È u FBIR, u picculu club balaninu chì hà riesciutu a prova di batte u tenente di a cuppa di Francia, u prestigiosu Bordeaux. In una partita piena di suspens, i balanini ci anu messu tuttu u so core è avà a Corsica sana i fideghja (da vede u filmettu di l'ultimu rigore in Mezavia).

Ma parechje rimarche ci venenu à mente :

- Hè dunque a prova ch'ellu si pò "vibrà" per un picculu club amatore, diventatu durante 90 minuti U club di tutti i Corsi.
- Hè dunque a prova chì à u publicu li piace à identificassi à ghjucadori nustrali (chè, Florent Menozzi ?) chè à ricchi futbalori certe volte appena pretensiunuti.
- Ci hè da dumandassi si certe volte, ùn hè megliu à stà luntanu di u futbol prufessiunale, cù i so soldi, i so stadii senza anima, u spiritacciu di i dirigenti di a LFP, è i so ghjucadori mercenari...

À st'ultime dumande, un sustenidore di l'Union Berlin, club alemanu à forte identità, risponde :

“Honnêtement, je préfère rester en deuxième division. La première division, c’est trop commercial. Rester en deuxième division, c’est préserver l’état d’esprit de l’Union.”

Certi ghjorni, ci hè da dumandassi in veru...

u 23 di Ghjenaghju 2014
U Webmaestru



1.mandatu da henry smart u 23/01/2014 08:44
ghje vera, ci face caga a prima liga !!

2.mandatu da circinelludiguagnenativupeliguagnesusosanguaversatu u 23/01/2014 09:37
cosa hè un " club à forte identità alemana" ???

3.mandatu da u bunk u 23/01/2014 10:24
U "1. FC Union Berlin" hè un club di l'ex-RDA, à a mentalità punk è libertaria :

http://www.sofoot.com/on-etait-a-berlin-est-164419.html

4.mandatu da u bunk u 23/01/2014 10:25
L'innu di u club è cantatu da Nina Hagen. A glassa !

5.mandatu da henry smart u 23/01/2014 19:21
va be !!!! a mentalità punk è libertaria !!! se no ci a femu à fa un squadra di sustenidori punk è libertari in Furiani, m'affaccu torna in Furiani dopu à 22 anni d'esiliu !!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta