Accueil
Envoyer à un ami
Version imprimable
Partager

Mancu i soldi di u nostru turisimu sò per noi

Ùn hè micca una magagna, hè un corsu chì hà da investisce in u grandissimu FC Tours è u so passatu gluriosu di 4 anni in lega 1 per salvallu d'una falata in naziunale via di a DNCG.



Mancu i soldi di u nostru turisimu sò per noi
Amparemu chì u debbitu saria di l'ordine di 3 millioni d'euri è chì Jean-Marc Ettori, presidente di Corsica Tours (sans jeu de mots) è dinù di l'A.S.P.V. hè prontu à copre lu.

A raghjone d'issa passione : "Corsicatours a un pied en Touraine, via un partenariat avec l'aéroport de Tours qui propose des lignes hebdomadaires (de mai à septembre) vers Figari et Ajaccio" si pò leghje in a stampa lucale.

Forse ci vole à vede quì una manera di salvà impieghi staghjunali corsi.

Hè vera chì in Corsica squadre prufessiunale di ballò ùn ci ne hè assai è chì ci vole à circà le in a Francia prufonda.
Hè vera dinù chì e squadre corse sò ricche vistu chì u Gazelec hà solu bisognu di dumandà 1 millione d'euri à a CTC per esse mantenutu in naziunale.
Hè vera dinù chì strutture in Corsica ci ne hè à buzeffu vistu chì sò soli vint'anni ch'aspettemu un stadiu finitu è chì avà ci tocca quasgi à rifà lu talmente hè anzianettu.
È po in ssi tempi di crisa è una bona per "l'image de la Corse" d'esse generosu incù l'altri è di sparte e nostre ricchezze nò ?

In Corsica i soldi sarianu boni à piglià mà micca à investisce ?
U turisimu un hè micca privistu per sviluppà ?
I club corsi averanu à aspettà i qatari per avè i soldi ?

u 22 di Ghjugnu 2013
U Pettirossu



1.mandatu da ucutulesu u 22/06/2013 13:20
Hè vera dinno chi se tu metti 3 millio d euros in L'ASPV , anu da ghjunghje tutti i rubacci e i sgaiuffi di a Corsica .....
Hé tristu mà hè cusi....

2.mandatu da Keurse u 24/06/2013 05:47
In Francia ùn ci sò mica e rubacie podasi ?

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta