Accueil
Envoyer à un ami
Version imprimable
Partager

Peccatu, era bellu !

Bastia ùn hà micca riesciutu à vince contr'à Monaco. Ma u spetàculu era in e tribune. A risposta à l'interdizzione di a bandera corsa era magnifica : un mare fattu di biancu è di moru.



Ciò chì ci hè di bè cù i Corsi, hè chì più si pichja nantu, più si sentenu uniti. L'affare di l'interdizzione di a bandera da u prefettu di Nizza, u Leca-bashing, è l'interdizzione di u delegatu di ACA - Valenciennes anu riesciutu à mette abbastanza bè à zerga à tutti.

S'aspettava una risposta pè a partita Bastia - Monaco di sabbatu sera in Furiani... è hè stata tremenda.

Hè semplice, ùn s'hè mai vistu tante bandere corse in u listessu locu à u listessu mumentu. Nè per una manifestazione, nè per una partita di ballò. Quantu ci n'era ? 5.000 ? 8.000 ? 10.000 ?

U risultatu era impressiunante, basta à vede e fiure.

Bon quessa hè fatta, si pò pensà chì u prefettu Adolphe è a LFP averanu capitu.

Ma avà fermanu tante inghjustizie in Corsica è ci hè bisognu di battesi torna. D'altre battaglie nant'à d'altri terreni ci aspettanu. Ci la feremu ?


Peccatu, era bellu !


Ancu i giurnalisti avianu e so bandere in tribuna di stampa.
Peccatu, era bellu !

I sustenidori di Monaco dinù...
Peccatu, era bellu !





Iè iè, tutti i "turchini" avianu a so bandera. Ancu questi quì :



u 25 d'Utrovi 2014



1.mandatu da àpopulufattubisognamanghjà u 26/10/2014 09:24
Nò ùn ci la feremu micca...Peccatu, era bè a Corsica!...

2.mandatu da Corse nè possu più u 26/10/2014 19:09
putain quand est-ce qu'on va les virer...

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta