Accueil
Envoyer à un ami
Version imprimable
Partager

Pentecôte risusciteghja u Sporting

Fine di stagione tremenda per Bastia. Dop'à Pasqua, hè Xavier Pentecôte chì hà risuscitatu u Sporting. U SCB hà u so "messie" è dinù u so Messi.



Stu Sporting ùn pò micca more. Datu cum'è persu qualchì mese fà, u miràculu prumessu da Faruk Hadzibegic hè in marchja. A squadra di catini di st'inguernu s'hè trasfurmata in ondeci leoni è u populu turchinu hà turnatu à truvà u caminu di Furiani.

Contr'à Angers (purtantu più forte è in pista pè cullà in L1) u Sporting hà fattu un macciu à l'antica. Sta vittoria i ghjucatori turchini sò andati à circalla cù a so rabbia, e so trippe è cun qualchì pattone.

Duppietta di Pentecôte è vittoria strepitosa chì manda u SCB à 2 picculi punti si a salvezza.

À sei ghjurnate di a fine, avà hè a Corsica sana chì torna à credeci. L'ultima ghjurnata (Bastia-Istres, siguramente decisivu) hè prugrammata pè u lindumane di l'Ascensione, u di14 di maghju.

È si u purgatoriu era in daretu à noi ?

A video vene da u situ ufficiale.
Da sente dinù l'arregistramenti di i but in diretta nant'à RCFM nant'à forzabastia.com


u 10 d'Aprile 2010
u webmaestru



1.mandatu da Monsieur Chat di Bustanicu u 10/04/2010 10:08
S'è no ci salvemu, duie cose da fà :

1. Dumandà un carrughju "Faruk Hadzibegic" in Bastia. Moltu più chì hà da esse una campa di sente i vechji circà di prununcià a casata di Faruk.
2. Un pelerinagiu in Lavasina. Scarzi, spugliati è famiti... à a Palestiniana.


FORZA BASTIA !

2.mandatu da Filidatu u 10/04/2010 11:18
Un antr'affare à fà :
Mandà un bellu godemiché à thiriez ch'elu u si facci cullà

3.mandatu da Corfatex u 10/04/2010 12:26
Pentecôte, l'infernu di u campiunatu Naziunale, l'Ascensione, u purgatoriu dapoi quasi 6 anni... tanti simboli cristiani ! ùn vi scurdate chi i culori di u Sporting so quelli di a Vergine: turchinu "reale" è biancu.

Eppo quelle trumbittate eri sera in cità sin'a mezanotte, si nè parla o chè?

4.mandatu da jonyReppu u 10/04/2010 14:09
è quella prima di macciu induve a mettite ???!!!

5.mandatu da anto u 10/04/2010 15:08
Dunquè tuttu va bè un ci ferma piu che a mughjà cume tempi fa "forza bastia "

6.mandatu da F.F.F u 10/04/2010 19:04
ùn stridate "Vittoria" u sporting ùn si salverà listessu......hè lecu, cume i corsi...e ventu in poppa....!!

Novu cumentu :