Accueil
Envoyer à un ami
Version imprimable
Partager

Quandu e scimie eranu i ghjucatori di Bastia

Di nuvembre di u 1997, Bastia ghjoca contr'à u Steaua Bucarest in cuppa d'Auropa. U scontru hè duru è nant'à u terrenu falanu i colpi. U lindumane, a stampa rumena si scatena. I ghjucadori di u Sporting sò qualificati di scimie è di salvatichi. Un giurnale scrive in titulu "zoobastia"...



Quandu e scimie eranu i ghjucatori di Bastia
Semu sempre a scimia di un altru. U 4 di nuvembre di u 1997 Furiani hè pienu à tappu pè riceve u Steaua Bucarest. À l'andata u Sporting hà persu 1 à 0 è u ritornu s'annunzia caldu.

Nant'à u terrenu a squadra cumposta da Frédéric Antonetti ùn hè micca di quella chì li piace u fair-play. Sò presenti Frédéric Mendy, Franck Jurietti, Sébastien Perez, Patrick Moreau, Cyril Rool, Morlaye Soumah. Una difesa di gattivi. È ancu, Piotr Swierczewski ùn pò mancu participà à a festa, hè statu espulsu in Rumenia.

Ma u Steaua si sbroglia bè è vince 2 à 0 à a pausa. Si pensa ch'ella hè finita ma in una partita scema, Prince (duie rete) è Fred Mendy permettenu à i sustenidori di credeci. A partita finisce 3 à 2. Mancava un solu picculu but per qualificassi...

A dillusione hè forte ma Bastia hà fattu piacè à i so sustenidori. I ghjucatori si sò rivultati è anu "messu u pede", cum'ellu piace à u publicu bastiacciu. D'altronde, i turchini finisceranu à 10 (espulsione di Siljak).


Hè stata una partita nerbosa, roza. I tackles eranu generosi è ci hè statu assai ingagiamentu fìsicu. I giurnalisti francesi ùn rimarcanu nunda di speziale, fora di u curagiu di i bastiacci.

Ma da l'altra parta di l'Auropa, hè un'altra canzona. I lettori di Corse-Matin sò stunati di scopre cumu l'affari sò presentati da i giurnalisti rumeni. L'edizione di u 7 di nuvembre parla di "vraie manoeuvre de haine" è di "commentaires acides voire racistes dans la presse roumaine" :

Quandu e scimie eranu i ghjucatori di Bastia

Corse-Matin ammenta un'edituriale di u giurnale Pro-Sport : "comment s'évader du cauchemar... où les footballeurs roumains ont été brutalisés y compris par le service d'ordre du stade alors qu'ils regagnaient le vestiaire à la mi-temps..."

Sta volta ùn si pò micca mette in causa à Pierre Ménès.

Cuntinuvemu : "tout au long de la rencontre, les supporters corses brandissaient leurs couteaux sous le nez des journalistes roumains"

Ma i giurnalisti ùn sò micca i soli à esse stati traumatizati. L'attacante Marius Lacatus (chì hà quantunque ghjucatu duie cuppe di u mondu...) dichjara "n'avoir jamais reçu autant de coups de poing" di tutta a so carriera.

U giurnale Libertatea, scrive : "le Steaua a débarassé le football européen d'une équipe de sauvages".

Un'altru, Cronica Romana, parla di "guérilla urbaine où les joueurs du Steaua étaient molestés pour être jetés ensuite aux coyotes des tribunes".

Tenitevi bè, pè i giurnalisti di National : "les Français de Bastia sont nés pour tués".


"Zoobastia"

Per compie, vi lascemu cù e parolle di u giurnalistu di Corse-Matin :

"Le pompon de ce verbiage quasi-fasciste revient à Pro-Sport qui titre "Zoobastia", accompagnant son sinistre néologisme d'un photo-montage de Frédéric Mendy aux côtés d'un gorille ! Avec ce commentaire plein de finesse : "en ce qui concerne les footballeurs de Bastia, Charles Darwin a eu raison : l'homme est plus agressif que le gorille".

È cumu ùn ci cridite micca, eccu un pezzu di l'articulu :

Quandu e scimie eranu i ghjucatori di Bastia

Gurilli, salvatichi, coyote (!)... In fine di contu, vidite ch'elli sò bravi i giurnalisti francesi quand'elli parlanu di Bastia !

u 31 di Ghjenaghju 2017



1.mandatu da CyrilCattana u 01/02/2017 15:39
Un ‘epica fabulosa ! Una squadra tamanta di « bravi macellari »…
Era qualcosa !
Oromai, sti ghjucatori serebbenu cundannati par u « Tribunal pénal international » di La Haye …

Novu cumentu :