Accueil
Envoyer à un ami
Version imprimable
Partager

Ripresa di a L1 : una partita, quattru pulemiche

Chì piacè ! U campiunatu di Francia di ballò hè di ritornu. S'è vo vi n'erate scurdati, eccu cum'ella si passa (in l'ordine) : macciacciu, incidente, pulemiche, cundannazione di Pierre Ménès, vittimizazione. A L1 cuntinuveghja di facci sunnià.



In a grande lista di e cose chì ùn cambianu mai (cù u ripastu di famiglia à Natale chì finisce in baruffa o a schisofrenia di l'estate in Corsica) ci hè u macciu di u Sporting.

Pè riassume : incidente > pulemica > cundannazione > vittimizazione > insulte.

Ripigliemu in l'ordine per quelli chì averianu mancatu un episodiu :

Prima pulemica : l'affare Lucas

U brasilianu spunta à l'angulu di u corner è un tippu in Est cerca di chjappalu cù un manicu di bandera.


Bah iè, ùn hè tantu astutu. In l'anni 70, ùn si saria passatu nunda. Ma in u 2016, ci sò d'altre manere per mette a pressione nant'à i ghjucadori.

In quant'à Lucas, puderia senza prublema fà carrierà à u sinemà (ma quessa hè a regula in u futbol d'oghje).

A seguita hè cunnisciuta : ritornu di "u gontexte", chjama à e sanzione, eccetera eccetera...


Pierre Ménès ne prufitta per fà a so rientrata (eh iè vi n'erate scurdati d'ellu, chè ?)




U club si difende : u ghjucadore ùn hè statu toccu


Ciò chì u delegatu hà cunfirmatu :


Segonda pulemica : u tweet

U Sporting cumunicheghja in corsu, ma a traduzzione automatica ùn vale nunda. Hè cusì "Aurier mette a puzza" hè statu interpretatu cum'è essendu... razzistu.

Segonda grossa pulemica di a serata nant'à e rete suciale, è centinaie di tweets nunda ch'è per quessa.

Terza pulemica : a bandera di u PKK

In tribuna Petrignani c'era una bandera di u PKK (partitu di i travagliadori di u Kurdistan). Perchè micca sustene u populu kurdu ? Ma trè ghjorni fà dui attentati in Turchia hà fattu ottu morti è u PKK hè suspettatu d'avè messu e bombe.

Nova pulemica nant'à e rete suciale. Ùn ci mancava più ch'è Erdogan...


Quarta pulemica : u striscione

À mezu à tuttu què, stu striscione ùn s'hè guasi micca vistu...


Muralità : ci vulerà torna à cuntà nant'à u futbol per purtà a pace trà i populi quist'annu

Ùn cambianu e stagione, tuttu hè à a so piazza. A stagione pò principià !


Ma quantunque, circate di prufittà torna appena di l'estate, sbrancate internet è spinghjite a tv. Ci hè sempre appena di sole.
Ripresa di a L1 : una partita, quattru pulemiche

u 13 d'Aostu 2016


Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta