Accueil
Envoyer à un ami
Version imprimable
Partager

Sporting : ùn ci vole micca à esse malatu di core quist'annu...

Macciu d'antulugia in Furiani : timpesta, tribune chjose, ventu, acqua, macciacciu, biera, but à u 90u minutu è... 300 sustenidori per seguità a partia da u camin' di ferru.



Sporting : ùn ci vole micca à esse malatu di core quist'annu...
Ciò chì hè in traccia di passassi à u Sporting ùn hè micca qualcosa di normale. Malgradu a sanzione di u "huis-clos" imposta da a LFP, a timpesta, u fredu è l'acqua, sò 300 i partigiani turchini à avè seguitatu a partita Bastia - Strasbourg da a gara di Furiani. Da custì, si pudia vede solu un pezzucciu di terrenu.

U kop di furtuna era dunque un pughjolu trà u cantieru di a tribuna sud è u caminu di ferru. U tempacciu è e buttiglie di biera spachje davanu un latu british à a partita. Pudia ancu esse u decoru d'un macciu di terza divisione pulunese.

Ma quist'annu ùn ci vole micca à esse malatu di core per seguità u Sporting. Dopu à a vittoria strappata contr'à Metz in l'ultime seconde, i strazii contr'à l'ACA è Angers, sta volte a liberazione hè venuta quandu più nimu l'aspettava, à u novantesimu minutu allora chì Bastia ghjucava à 10.

Hè torna una volta Pentecôte à avè marcatu in una ambienza apocalìttica da fà trimà ancu à Stephen King. À u fischju finale, a vittoria hè stata festighjata sin'à tardi cun i ghjucatori è u coach davanti à a tribuna nord. Da veru surrealistu, mentre ch'ellu piuviva chì ne falava...

Attenzione ! Per quellu chì vede ste fiure, si pò pensà chì u Sporting hà vintu una cuppa. Ma nò, Bastia hè sempre ultimu di L2.

Stu club ùn hè veramente micca cum'è l'altri. A lotta cuntinuveghja !

Tutte e video nant'à u situ ufficiale
Da sente u podcast di u but in diretta nant'à RCFM


Sporting : ùn ci vole micca à esse malatu di core quist'annu...

u 26 d'Aprile 2010
U Sgaiuffu



1.mandatu da miccaèbastiaciuinizza u 26/04/2010 11:54
bella "video" !!chi emuzione !!! n'aghju u "batticore"!!

omu mi puderia di quale é chi cantà ??

2.mandatu da Ghjorghju U-Più-Forte u 26/04/2010 12:19
Cì hè più sustenadori quandu si ghjoca a "huis clos" ch e per e partite nurmale. Un affare di scemi !

3.mandatu da AK47 u 26/04/2010 13:10
simu da veru faticati o zitè...

4.mandatu da Janvitus u 26/04/2010 15:29
a musica :

"Cuntrastu" di Canta u Populu Corsu (micca quellu di Jean-Vitus)

5.mandatu da anto u 26/04/2010 15:36
A pezzi e a bucconi ,o a calci e a pugni ,s'elli fermanu in seconda divisione averanu u méritu !

6.mandatu da miccaèbastiaciuinizza u 26/04/2010 17:07
A ringraziati O'Janvitus !

7.mandatu da ADN... u 26/04/2010 17:57
A mumenti ùn ci sarà mancu più abbastanza corsi pè empie u stadiu di Furiani..... allora fallà o mantene si mi pare pocu impurtante, mà FORZA BASTIA listessu....!!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta