Accueil
Envoyer à un ami
Version imprimable
Partager

U 17 nuvembre hè u "Kostadinov Day"

Nuvembre ùn hè micca solu u mese d'Halloween, di e castagne (o ciò chì ne ferma...) è di a salviata. Ci hè dinù u "Kostadinov Day".



U 17 nuvembre hè u "Kostadinov Day"
U 17 nuvembre 1993 hè appena u Ponte Novu di u futbol francese. L'Equipe de France deve piglià un puntu per qualificassi è andà à a World Cup 94 à i Stati Uniti. Basta un picculu puntu, un match nul goffu goffu è nimu vede cumu si puderia passà altrimenti. Ma in faccia d'elli ci hè una squadra di scemi, a Bulgaria di l'azizoni Stoitchkov, Letchkov, è di u barbutu Trifon Ivanov.

A partita principia bè, à u 32esimu minutu Eric Cantona mette u ballò in fondu à a rete, 1 à 0 pè i Bleus. U più duru hè fattu è Thierry Roland face u maccu nant'à TF1 : "cette fois mon p'tit Jean-Mimi, je crois que c'est in ze pocket !"

Ùn a sanu ancu ma oghje hè u ghjornu di gloria d'Emil Kostadinov. 37esimu minutu, corner pè a Bulgaria. U tippu mette una capataccia : 1 à 1. U Parc des Princes si tace è Thierry Roland cummencia à sudà.

U segondu tempu hè una partitaccia. A Francia ghjoca cù a paura è i Bulgari, scatinati sanu ch'ellu s'hà da passà qualcosa. U ventu gira.

Fermanu cinque minuti à ghjucà. U publicu canta "on est qualifié, on est qualifié, on est, on est..." è Thierry Roland lampa e so magagne fràgiche, appena troppu cunfidente. "Vous savez où ils ont réservé leur hôtel nos Bleus ? Jean-Pierre Papin va enfin visiter Los Angeles !"

Ma chì ghjoca in l'Equipe de France ci hè dinù David Ginola. Fermanu 20 seconde. Coup-franc vicinu di l'angulu per a Francia. Ginola face n'importa chè è manda un centru n'importa cumu, qualificatu più tardi da Gérard Houiller di "crime contre l'Equipe de France". U selezziunadore francese peta un piombu in cunferenza di stampa è accusa "El Magnifico" d'avè mandatu "un exocet à travers le cœur du football français". Iè iè.

Fermanu 10 seconde. Kremenliev ricupereghja u ballò, chì face a passa à Balakov chì dà à Penev.

Fermanu 5 seconde. Penev manda in davant'à u nùmeru 7 bulgaru, Kostadinov.

Fermanu 3 seconde, a Francia hè sempre qualificata. Kostadinov entre in a difesa francese, cuntrolla u ballò è arma u so tiru. I difensori sò innù u brocciu.

Ferma 1 seconda. Kostadinov manda un pichju sott'à a transversale. 2 à 1. A Francia fidighjerà a cuppa di u mondu à a televisiò, a Bulgaria si qualificheghja.

90+10 : Tuttu ciò chì Thierry Roland trova à dì hè : "OYOYOYOyoyoyoyoyo..."

Traumatizata, a Francia metterà una bella stonda à rimettesine.

Dapoi stu ghjornu, u 17 nuvembre hè festighjatu in parechji lochi di Corsica è pè certi Emil Kostadinov hè diventatu un veru diu.


44 : 58 : gol di Kostadinov
44 : 58 : gol di Kostadinov

U 17 nuvembre hè u "Kostadinov Day"

U 17 nuvembre hè u "Kostadinov Day"

U 17 nuvembre hè u "Kostadinov Day"

"Un crime contre l'équipe de France" (Gérard Houiller)
"Un crime contre l'équipe de France" (Gérard Houiller)

Fattu u 17/11/2012
Messu à ghjornu u 17/11/2014

u 17 di Nuvembre 2014



1.mandatu da David.g u 17/11/2012 12:50
Popopo cume m ha fattu ride st articulu! M arricordu micca di stu macciu ma face sempre pro di vede a francia chi si piglia una concia. Sti pretenziosi!

2.mandatu da Ulongu u 17/11/2012 13:29
Eiu mi n'arricordu bè ! Aghju fattu u giru di u paese in vittura trumbettendu.
Ma dopu ci hè andata male in 98.
Muralità : ci vole à prufittà quand'ellu si pò.

3.mandatu da ghjuva u 17/11/2012 14:36
putata cume mi piece di vede sti frencesi pigliadi a a risa..

4.mandatu da ghjuva u 17/11/2012 14:56
putana!!!! cume mi piace di vede sti frencesi pigliadi a a risa!!!!

5.mandatu da Kim jong di papa u 17/11/2012 17:10
Cume l avvia detta Franck Sauzee in France Foot : "on va gagner la coupe du monde" Ohime... I Will survive a u ballu di Penta d' agostu 1994

6.mandatu da ANTO u 17/11/2012 17:25
Chi techja cu ssu ballò

7.mandatu da Chi fà... u 17/11/2012 21:31
O Kim joung, e vera chi c era a Frank sauzé, cumu u tempu passa... Un avete mica trovu una vidéo di stu but?

8.mandatu da Marcumà u 17/11/2012 23:02
By by USA merci Ginola...m'arricordu eiu

9.mandatu da Capicursinu rancicu u 17/11/2012 23:27
Chì bella stonda ! M'avete fattu ride cume nanzu !

10.mandatu da aiotuttiifratelli u 19/11/2012 16:23
Meiu chi una notte "turchina" ahahah

11.mandatu da Saucisson u 19/11/2012 20:01
Ùn l'aveti micca dighjà fattu l'annu scorsu iss'articulu ?

12.mandatu da roncudisumeracciu u 19/11/2012 20:41
"peta un piombu" ???? o Permalianu, t'ai cappiatu una peta o chè???

13.mandatu da Grossu panzutu u 20/11/2012 17:29
"A Emil Kostadoniv a patria Corsa ricuniscente!" u ghjornu duve no simu indipendenti li metteremu una statua davanti a a LCF!!

14.mandatu da Larenezu u 23/11/2012 11:30
Kostandinov unu di NOI

15.mandatu da bastiacciu u 17/11/2014 12:08
U mo più bellu ricordu di partita di l'equipe de france

A RINGRAZIATTI O EMIL

16.mandatu da ibagnidiguagnu u 18/11/2014 11:44
Gloria à té, EMIL!!!

Novu cumentu :


Seguitateci nant'à Facebook


L'articuli

Abbunatevi à a newsletter

Circà nant'à A Piazzetta