Accueil
Envoyer à un ami
Version imprimable
Partager

Avà chì si passa in Catalogna ?

Perspettive pulitiche dopu a cunsultazione di u 9/11

Da una parte, più d’80% di participanti pè l’indipendenza, ma solu 33% de participazione in a cunsultazione urganizata u 9 di nuvembre scorsu, fora di a legalità spagnola. Da l’altra parte, u Guvernu naziunale chì ricusa l’idea di neguzià un referendum legale sicondu u mudellu scuzzese. Sicura ch’ellu c’hè da dumandassi chì ponu esse avà e perspettive pulitiche in Catalogna.



Avà chì si passa in Catalogna ?
Nanzi ci tocca à rivene nant’à a cunsultazione di u 9/11. À l’iniziu c’era un accunsentu nant’à duie quistione :

1/ “vulete chì a Catalogna sia un Statu?”
2/ “In casu di risposta pusitiva, vulete chì quellu Statu sia indipendente?”


Cusì si lasciava un spaziu à quelli chì preferiscenu un autunumia rinfurzata piuttostu cà l’indipendenza. Quelli sò belli numarosi è raprisentanu soprattuttu più o menu 30% di l’elettori di a Convergència i Unió, u partitu di u Presidente Mas (da vede l’inchieste CEO [p. 296] è Gesop [p. 44]).

Quì si deve precisà chì l’indipendenza ùn hè micca una scelta largamente maggiuritaria. Seconde e listesse inchieste, più o menu 45% di a pupulazione saria favurevule à quella scelta. Hè cusì chì u primu ubbiettivu hè a ricuniscenza di u drittu à l’autodeterminazione o dret de decidir.

U presidente Artur Mas
U presidente Artur Mas

In ogni manera, sicondu a Custituzione, u Statu solu pò urganizà un referendum decisiunale... soprattuttu chì si tratta di l’unità di quellu Statu. Hè da quessa chì i Catalani anu parlatu prima d’una “cunsultazione”, è dopu a so suspensione d’una “cunsultazione alternativa” messa in opera da “vuluntarii”.

Ma ùn hè bastata pè burlà u Cunsigliu di Statu, ch’accertò chì u prublema ùn era a forma ma u scopu. Ùn c’hè statu intervenzione di e forze di securità per impedisce a cunsultazione di u 9/11, ma aperture ùn si ne vede. Si disprezzanu piuttostu i 33% di participazione, cum’è sè a dichjarazione d’illegalità ùn avessi influenzatu l’elettori, soprattuttu quelli chì sò contru l’indipendenza.
Avà chì si passa in Catalogna ?

In Catalogna, a prima pussibilità di u putere autonomu hè di scioglie u Parlamentu, è chì a campagna eletturale sia chjaramente cuncentrata nant’à u tema di l’indipendenza, cum’è in Scozzia in u 2011. Quì farianu dinò tombula i naziunalisti. Ma certi volenu chì quelle elezzione sianu plebiscitarie, vale à dì uppunendu duie cualizione: quella pè l’indipendenza è quella contru.

Piaceria à u Presidente Mas, chì u so partitu hè avà bellu supranatu da l’Esquerra Republicana de Catalunya, più radicale.

Invece :

1/ solu 32% di l’upinione catalana saria favurevule à st’elezione plebiscitarie
2/ ùn si pò furzà i partiti à parte in cualizione o nò
3/ è soprattuttu l’ERC preferisce avà andà da sola, diventà per a prima volta dapoi l’anni 30 u primu partitu di Catalogna, è pudè mette in opera una strategia più dicisa. Ma puru di pettu à un terramotu indipendentistu, u Statu ùn saria furzatu di calà subbitu u capu.
A campagna di l'ERC, Esquerra Republicana de Catalunya (Manca Republicana di Catalogna)
A campagna di l'ERC, Esquerra Republicana de Catalunya (Manca Republicana di Catalogna)

In Spagna, u Partitu Pupulare hè arruvinatu da i casi di curruzzione, è ùn hè riisciutu à purtà sperenza. Forse firmeria u partitu u più vutatu, ma a maggiurità a si perderia di sicuru. In fronte à ellu, dui partiti di manca, u vechju Partido Socialista Obrero Español è u novu Podemos, chì sò tramindui favurevuli à una mudificazione generale di a Custituzione, chì permetteria d’accresce l’autunumia catalana.
Mariano Rajoy, presidente di u guvernu spagnolu (Partido Popular, di diritta)
Mariano Rajoy, presidente di u guvernu spagnolu (Partido Popular, di diritta)

Eppuru quella strada ùn hè simplice.

In prima, ùn hè mancu appena sicura chì Podemos – radicale assai in u campu di u suciale, è chì si definisce cum’è un partitu alternativu contr’à l’uligarchia– possi guvernà cù u PSOE.

In sicondu, rivisà a Custituzione spagnola hè un opera degna d’Ercule, cum’è sè u cumprumessu di u 78 era statu sacralizatu (ci vuleria quì un votu di u Parlamentu, poi una nova elezzione, poi un novu votu di u Parlamentu, poi un referendum...).

Avà chì si passa in Catalogna ?

In terzu, ci vole à sapè quantu Catalani abbanduneranu u scopu di l’indipendenza contr’à una autunumia rinfurzata.

Bisogna à sapè digià chì:

1/ a maggiurità di l’indipendentisti d’oghje ùn l’eranu micca qualchì annu fà [p. 24]
2/ di pettu à un sistema fiscale più favurevule, sarianu 8,8% di menu à sustene l’indipendenza [p. 16]

Vale à dì chì parechji si puderianu muderà in scambiu di tal sistema è di guaranzie pè u mudellu d’educazione 100% in catalanu, ch’hè statu indebbulitu da parechje decisione di ghjustizia dapoi u 2010.

Si capisce tandu chì l’incertezze fermanu tamante. Si puderà firmà un pattu novu trà Spagna è Catalogna, o si svilupperanu e tensione finch’ùn ci sia altra suluzione cà una ruttura?

u 18 di Nuvembre 2014
Andria



1.mandatu da casgiu merzu u 18/11/2014 17:11
E chì ne serà per i canacchi trà 2014 è 2018?
I scuzzesi hanu fiascatu , i catalunesi ùn sò intesi, allora c'hè da dumandassi sè un ghjornu e cose moveranu...


2.mandatu da casgiu merzu u 18/11/2014 17:15
Il est une terre de France où le chômage n'existe pas, où la croissance est de 6 % par an. Les journaux y débordent de petites annonces d'emplois. Les impôts sont bas, les traitements des fonctionnaires quasiment multipliés par deux, les tracasseries administratives inexistantes. Le soleil y brille toute l'année, la mer est bleu turquoise, la nature luxuriante. Ce paradis est à 20 000 km et vingt heures d'avion de Paris. C'est la Nouvelle-Calédonie.

Le secret commence à être éventé. Chaque année, des centaines, voire des milliers de Français de métropole viennent vivre sur le Caillou. Estimation basse : selon l'Institut de la statistique de Nouvelle-Calédonie (Isee), 14 000 "métros" se seraient installés entre 2000 et 2004. Aujourd'hui, le solde migratoire oscillerait entre 800 et 1 200 nouveaux arrivants par an. Estimation haute : d'après Harold Martin, président (l'Avenir ensemble, centre droit) du gouvernement local, 7 500 Français de métropole se sont installés en 2006. "C'est un chiffre qui augmente un peu plus chaque année depuis le début des années 1990", avance M. Martin. On imagine le bouleversement démographique que provoque ce flot constant de nouveaux arrivants dans un pays de 250 000 habitants.

Beaucoup de jeunes à la recherche d'un emploi tentent l'aventure. Beaucoup d'artisans, plombiers, maçons, qui aiment le grand air et ont l'esprit pionnier. "On manque de tout, dans tous les secteurs, affirme Harold Martin. Dans le BTP, le tourisme, l'hôtellerie-restauration, les services. Récemment, un hôtel de Païta cherchait un cuisinier. Il a mis une annonce sur Internet. Résultat : 240 réponses en trois semaines, tous des métros." La construction de deux usines de nickel, l'une dans le Sud, à Goro, l'autre dans le Nord, près de Koné, devrait engendrer 7 000 emplois en phase de construction, et 2 000 en phase de fonctionnement. Sans compter les emplois induits.

A Nouméa, cet afflux de Français de métropole fait flamber les prix de l'immobilier. En bord de mer, l'Anse Vata et la baie des Citrons se donnent des allures de petit Nice. Des retraités bronzés font du vélo, des militaires courent leur jogging, les jeunes au look de surfeurs traînent leur ennui à l'ombre des cocotiers. Pas un Kanak à l'horizon. La richesse s'affiche sur la route qui longe la plage : 4 × 4, pick-up "double cabine" et, le nec plus ultra, Porsche Cayenne, dont il se vend un exemplaire par mois à Nouméa. Les complexes du type appart-hôtel ont poussé comme des champignons depuis 2003. Les principaux clients sont des métropolitains en phase d'installation et des retraités de la fonction publique, qui bénéficient ici de "faveurs". Actuellement, 4 600 personnes profitent d'un dispositif d'inexation en Nouvelle-Calédonie. Elles n'étaient que 1 600 en 1989. Pour avoir une retraite indexée, il suffit de résider en Nouvelle-Calédonie six mois par an. Aucun contrôle n'est effectué.


ùn vi face micca pensà à un'antr'isula?

3.mandatu da sardu u 18/11/2014 20:14 (da un teleffuninu)
U sapevate chi u statu francese,in anni 50 vuleva installa e bombe atomiche in Corsica!!!ma poi andarunu in mururoa...un dimenticatèvi micca !

4.mandatu da francis u 18/11/2014 20:44
Iè, ma avè l'indipendenza è un populu corsu francizatu, senza ciarbellu, techju di Soral è di Dieudonné, à mè un m'interessa micca


5.mandatu da capicursina u 18/11/2014 21:33
ghjè vera chì parechji corsi hanu da vutà à marine in 2017 senza avvedesi u male ch'ella puderebbe fà à a Corsica
avà simu ne i guai ma cun ella simu lecchi è micca solu noi
capiscu chì per a francia seria forse un bè à pettu à ciò ch'hanu avutu dapoi 2007 ma per a Corsica ... malanni à buzeffu!

6.mandatu da Michele u 19/11/2014 00:56
Visto che il fronte si è sciolto a favore della soluzione politica, ora vi tocca la soluzione politica....e quindi dovete lavorare seriamente con corsica libera (credo sia l'unico partito indipendentista), altrimenti l'unica è: fora i francesi con le bombe
ora mi sembra che 1/3 dei corsi è corso davvero, 1/3 è francisato e l'altro 1/3 sono francesi.
forse era meglio u fronte...

7.mandatu da u turcu u 19/11/2014 16:00
kanaky u me amori

8.mandatu da sardu u 19/11/2014 17:42 (da un teleffuninu)
Michele so persi... a realtà. E so soli.ormai a Francia ava fattu u lavaghJu di u cerbellu,e so Francisati, stanu a facè u doppiu ghjocu,neganu a storia,i corsi si sentunu francesi e come,senu cume mai un anu vutatu pe a indipendenza in 2003...perche

9.mandatu da sardu u 19/11/2014 17:47 (da un teleffuninu)
Perché sisentunu francesi e vulianu sta bé in francia!!!

10.mandatu da sardu u 19/11/2014 17:50 (da un teleffuninu)
Ma si lamentanu di u razzisimu francese,un sò micca tantu pé quelli di apiazzetta.

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta