Accueil
Envoyer à un ami
Version imprimable
Partager

Marine, Papa è a turtura



Dura, dura di trattenesi…
Di prisintà a faccia liscia di u candidatu demucraticu chì tene caru à tutti.

Marine ùn hè pussuta stà. Quandu i giurnalisti l’anu stuzzicata pà e turture di a CIA, hà parlatu u sangue.

Da u bughju fondu di a so cuscenza più arcana, l’hè cullata in bocca una vampata di stintu. Ah, quelle sale bughje chì si straziavanu i beati prigiuneri di u FLN, durante a battaglia d’Algeri ! Papa, à core alegru, turturava à turturera. Oh sangula, campazione quelli tempi ! Avà, o monsieur, capite, ùn ci hè più cà manzette, vizzette è omi chì parenu dunnarelle.

Sciuttati, drugati, omosessuali è robba di forca !

Allora ch’ella sia detta, ricurdemu dui pruverbii chì parenu adatti in què a situazione, per insignà u razzinu è l’amore fidu chì corre trà babbu è figliola :

- Chì di ghjallina nasce, in terra ruspa.
- Da u legnu sorte u steccu.
- Tal calzu, tal magliolu, tal babbu tal figliolu.

Infine, pè iss’ultimu, ci vularia à infiminì l’ultima parolla…
Cara, Marine di Papa !

l'11 di Dicembre 2014
L'Azezu



1.mandatu da sardu u 11/12/2014 16:10 (da un teleffuninu)
Un avevanu litigatu??

2.mandatu da merkel u 11/12/2014 18:33
o zitè, ùn fate micca cum'è sti pseudo giurnalisti francesi per piacè : "le pinaillage" .....

3.mandatu da Zitellu u 12/12/2014 00:43
Quale quì pense chì nimu un appieca a turtura?! Tutti i paesi di un mondu fà la, è di sicuru quì, oghje in Francia, in democrazia!
Mà nimu ni dice una parolla di sicuru, hè facile di stuppà anant'à Marine Le Pen è di face u "pinaillage" cume l'hà dettu merkel...

4.mandatu da ci simu u 12/12/2014 00:50
avete ragio. accettate a tortura ? un v'inchietate

site pronti per una bona dictatura di merda, l'avete da avè!!

2017 s'avviccina, ma un vi ne fate, i corsi seran in prima ligna e l'avemu dà sente passà

5.mandatu da Zitellu u 12/12/2014 01:25
Ô ghjente spartite, esista dighjà a turtura in Francia è dapertuttu!
È cosa prupone contra u terrorisimu sè una bomba hà da splode in cità è qualichisia a sapie induve si trove è qu'ellu vule micca parlà? Lascià i vostri zitelli more? Side onesti un pocu, eppò esista dighjà in Francia allora...

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta