Accueil
Envoyer à un ami
Version imprimable
Partager

Era l'annu 2014

A fine di l'annu hè sempre u mumentu di e ritrospettive, allora avemu fattu a nostra. Eccu l'annu 2014 in A Piazzetta.



U gestu spurtivu di l'annu : a capata di Brandao

Era l'annu 2014
Quandu Brandao ghjunghje in Bastia, prevene à L'Equipe : "Je suis ici pour faire l'histoire de ce club". Hè ben truvata. Duie settimane dopu, a so capata à Thiago Motta face u giru di i screni di u mondu sanu. Marca dinù u principiu d'una stagione infernale di Bastia. Makélélé, presidente messu in esame, affare di a bandera è bashing naziunale. Ma Brandao, l'attaccante u più odiatu di Francia, ferà u so ritornu st'inguernu, in punta di a squadra a più odiata di Francia. In fine di contu, puderia esse una bella storia nò ?

L'intervista di l'annu

Povera Carulina, chì serà andata à fà in stu scumpientu... Un'intervista di Jean-Vitus, un buzz naziunale chì finiscerà nant'à Le Petit Journal di Canal+. À noi, ci seria piaciutu chì Carulina stessi merre di Prupià è ch'ella lampessi u so maritu fora. Nunda ch'è per vindicassi.
Era l'annu 2014

A falata di l'annu

Bon d'accordu era in u 2013. Ma u filmettu di a falata di u Paglia Orba in wingsuit, l'avemu trova quist'annu. È hè sempre cusì impressiunante

A mubilizazione chì ùn ghjova à nunda di l'annu

Quale si n'arricorda di Pierre-Emmanuel Barré, è di u so sketch nant'à i Corsi nant'à Canal ?

Più nimu. Purtantu, durante tuttu u mese di ghjennaghju 2014, ùn s'hè parlatu ch'è di què nant'à e rete suciale. N'aviamu fattu un articulu.

Tuttu què per chè ? Hè sempre cusì a Corsica. Avemu bisognu di mughjà, ughjulà, prumette una fatwà... Ma quand'ellu ci vole à custruisce, à fà, sò poche e vuluntà.

Tanta energia spesa per nunda...
Era l'annu 2014

In più, ùn era micca u peghju, stu sketch.
Era l'annu 2014

U statutu di residente di l'annu

Nant'à A Piazzetta l'avemu cummentatu assai, stu statutu di residente. Hè statu vutatu d'aprile à l'assemblea di Corsica.

Hà permessu di mette à palesu i prublemi di speculazione, di fundiariu, di bettunizazione, di demugrafia.

Ma avà chì u Statu hà dettu di nò à a cufficialità, ch'ùn vole sente puzza di u statutu di residente, chì femu ?
Era l'annu 2014

A manif di l'annu

Saria techja di téléréalité, di Facebook, di Grey Goose, di veste Millet è d'iPhone. Sò numerosi à essesi ne risi (a legenda urbana di u "on manifeste parce qu'ils ont arrêté Miot"...), ma a ghjuventù corsa hè dinù cuscente è inchieta davant'à e mutazione di a Corsica è di l'avvene incertu.

È s'elli avianu ragiò di falà in carrughju ? ci dumandavamu di ghjennaghju 2014.

Fà chì la to voce o giuventù
Oramai ùn si taci mai più...
cantava u poveru Dumè Gallet in una canzona di Canta u Populu Corsu.
Era l'annu 2014

U hashtag di l'annu

3 marzu 2014 in Bastia, hè cappiata a frasa "le siméonisme, cette idéologie dangereuse fondée sur la complaisance avec le terrorisme (...) qui prend sa source dans la collaboration avec l'Italie mussolinienne".

Bilanciu : più di 2000 tweets in vinti quattru ore cù u hashtag #parlecommeriolacci.

U web corsu (al dilà di Bastia) s'hè scatinatu. E rete suciali anu permessu di sfucassi (in bè o in male...), ma in una campagna assai tesa, era megliu què ch'è una fucilata.
Era l'annu 2014

A bettunizazione di l'annu

Si sà quantu i Corsi ponu esse forti pè distruge ciò ch'ellu ci hè di più bellu. U cimentu cuntinuveghja di corre à rivoccu in Corsica, stu bellissimu cacatu si trova in Prupià (ritrattu di U Levante).

Eh iè. A bettunizazione di a Corsica ella ùn s'hè micca piantata.
Era l'annu 2014

U ricordu di l'annu

Guillaume Peretti ùn corre micca, vola. Trenta duie ore per fà u GR 20. Cumplimenti campione !
Era l'annu 2014

L'intrenore di l'annu

Eh iè, ùn avemu ancu finitu di pienghjelu à Hantz. Da l'infernu di u National (in u 2010) à u ritornu triunfale in L1 (2012) : dui anni di frebba incredibili in Bastia.

Cumu riassume sta storia ? Avemu circatu in st'articulu : Hantz 2010-2012, dui anni di frebba
Era l'annu 2014

L'elezzione di l'annu

Hè rara di vedela in una vita, ma di quandu in quandu e citatelle vechje di parechji seculi si ne falanu. Ci hè vulsutu un'unione à trè chì hà fattu parlà assai.

Necessità per certi, vergogna per d'altri... Ùn ci vulia micca à falla ? L'avvene a ci dicerà.

Ma u 30 di marzu di u 2014, c'era qualcosa di particulare in l'aria di Bastia.


U CRS di l'annu

Diventatu nemicu publicu numeru unu. Era di lugliu in Bastia dop'à l'occupazione di a prefettura di i patroni chì prutestavanu pè a greva di a SNCM.

Vi n'arricurdate di u so "tu veux jouer encore ?"
Era l'annu 2014

U ministru di l'annu

Hà dettu "nò" à tuttu, hà visitatu a casa di i so antichi in pistìcciuli in paese, è si n'hè andatu. Chì si pò dì di più ?
Era l'annu 2014

I pippoli di l'annu

Chì fariamu senza i nostri pippulacci ? Andate ch'è no semu belli cuntenti d'avelli per odiali !

Anu fattu parlà d'elli in A Piazzetta quist'annu :

Sheila pè a so frasa "si j'avais eu mes sous, j'aurais eu une maison en Corse"
Adèle Exarchopoulos"La Corse, j’ai jamais trop envie de venir quand il y a tous les Français"
Nabilla "je suis à moitié corse"
Vincent Perez : "Les villageois ont été adorables, ils m'ont offert du fromage"
Stu tontu di Gérard Darmon cù u so "Les Corses ont fait la nique à tous ces porcs de promoteurs qui voulaient les défigurer. (…) Non seulement je peux comprendre, mais ça me fait jubiler"
È Rihanna, per nunda.
Era l'annu 2014

L'omu di l'annu : Jean-Louis Leca

Ùn ci hè discussione pussibule. Cù u so gestu di l'Allianz Riviera hà riesciutu à :

- fà scimisce i sustenidori Nizzardi
- ghjucà à a risa Bosetti in casa soia
- fà i primi tituli di tutta a stampa francese
- fà parlà à Pierre Ménès di "racisme anti-corse"
- fà capisce à i Bastiacci è à l'Aiaccini ch'elli facianu parte di u listessu populu (poca prova !)
- fà un "tifo" magnificu in Furiani, cù un mare di teste more in tutte e tribune
- mette e bandere corse in "rupture de stock".

Pochi affari nò ?
Era l'annu 2014

"L'effettu Streisand" di l'annu

Definizione di "l'effettu Streisand" : fattu di vulè piattà qualcosa, ciò chì rinforza a so visibilità.

Hè ciò chì hè accadutu à u merre di Portivechju, Georges Mela. Hà purtatu lagnanza contr'à un filmu di Canal+ passatu in l'emissione Dimanche+... chì di u colpu s'hè spartutu cum'è mai nant'à internet.

Ah, ben ecculu quì :


I catini di l'annu

O sinnò quist'annu, avemu avutu à stu t-shirt guffissimu, u giurnale Capital, un centru cummerciale gigante è orribile in Sarrula Carcupinu (cù una cità in giru), chì mancu in China ùn si vedenu più prugetti cusì, Le Pen, Christian Estrosi, è di siguru Michel Onfray.

Di Barbier anderà, n'avemu parlatu abbastanza.

À parte quessa ?

Era l'annu 2014

u 29 di Dicembre 2014
U Webmaestru



1.mandatu da Atichja u 30/12/2014 11:24
È l'annunziu di u Fronte nò ?

2.mandatu da u turcu u 30/12/2014 17:04
u mollu l'a tombu

3.mandatu da Hantzu u 30/12/2014 18:12 (da un teleffuninu)
È in 2015 : a grande partusa Manca-CL-Femu-dritta corsista à a CTC

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta