Accueil
Envoyer à un ami
Version imprimable
Partager

I Catalani volenu sbattizà a "Plaça d'Espanya" di Barcellona in "Plaça David Bowie"

Iè, si pò trattà in un articulu di a morte di David Bowie è di a brama d'indipendenza di i Catalani. In Barcellona hè stata lanciata una petizione per scambià u nome di a "Piazza di Spagna".



I Catalani volenu sbattizà a "Plaça d'Espanya" di Barcellona in "Plaça David Bowie"
I Catalani sò forse appena stufi di vede una di e piazze di Barcellona chjamassi "piazza di Spagna". È cum'elli sò dinù colmi di tristezza dapoi a morte di David Bowie, hè stata lanciata una petizione per ch'ellu sia scambiatu u nome in "Plaça David Bowie".

Bon, hè dinù una risposta à a petizione "per scambià u nome di a Piazza di Spagna in Piazza Artur Mas", di u nome di u lider indipendentistu catalanu.

Hè appena cum'è sì i Bastiacci dumandavanu u scambiamentu di a Piazza Santu Niculà in "Piazza Gilles Simeoni". Appena và bè, ma ùn ci vole micca à deccunà non più.

Ma in Corsica allora, chì puderiamu scambià cum'è nomi ?

Saria forse ora di sbattizà i carrughji "rue Marbeuf" di Carghjese è a "rue Comte Marbeuf" d'Aiacciu (sapete, quellu chì hà "pacificatu" a Corsica).

Chì fà di i numerosi lochi di Corsica chì rendenu omagiu à Clémenceau ? Hè u simpàticu Georges chì avia lanciatu : "la solution au problème corse ? Cinq minutes d'immersion totale".

In quant'à quellu di a "rue Alsace Lorraine", ci dumandemu ciò ch'ellu face in Calvi.

Bon, dopu ci firmanu unepochi di "café de France" appena da per tuttu, è centinaie di nomi goffi di residenze è di lotissements.

Allora perchè micca principià cù un carrughju David Bowie ?

u 14 di Ghjenaghju 2016



1.mandatu da flicchettu u 15/01/2016 08:19
o i carrughji, michel delpech, michel galabru, rené angelil...è chi ne sò..!!!stu principiu di ghjennaghju hè murtale nò ?

2.mandatu da lolo2a34 u 15/01/2016 09:33
Carrughju Lemmy Kilmister !!!!

RIP Lemmy

3.mandatu da musu pestu u 15/01/2016 17:45
a mé mi gherbaria di chiama" u caffé des sports", u caffè di è zucchè

4.mandatu da bastiacciu stortu u 16/01/2016 00:51
E u cunsigliu generale di Corsica suprana "Palazzu Grossu Minutu ".....

5.mandatu da musu pestu u 16/01/2016 12:04
E u cunsigliu generale di Corsica sutana "U palazzu di i stronca é ghjetta"

6.mandatu da antony u 16/01/2016 14:48
È a CTC, Palazzu "sò elli"

7.mandatu da campu u 18/01/2016 10:03
E per a "Closerie St François" in Aiacciu chi mi da a voglia d' andà à caga ! Chi scupientu!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta