Accueil
Envoyer à un ami
Version imprimable
Partager

Perchè dumane seremu tutti agricultori

Ùn a sapete forse micca, ma dumane seremu prudutori di ciò ch'è no manghjeremu. È s'ella era quessa a vera rivuluzione ? Eccu perchè hè una bona nutzia.




1. Per manghjà megliu

Troppu inzuccaratu, troppu grassu, troppu salitu… L'Organizazione Mundiale di a Salute s'inchieta di a malnutrizione è di l'abitutine alimentarie ch'è no avemu pigliatu. A suluzione saria d'avè un'alimentazione più sana, d'orìgine vegetale.
Perchè dumane seremu tutti agricultori

Ritrattu : l'ortu di Stefania è Petrantò

2. Per ùn esse più avvelenati

Manghjà 10 frutti è legumi à ghjornu ? Ok perchè micca. Ma s'ellu hè per manghjà robba tracarca di pesticidi, di fertilizanti è di prudutti chìmichi surtiti da ind'è Monsanto, ùn hè micca sigura ch'ella sia megliu. Senza parlà di a pulluzione chì arruvina a terra è di u trasportu caru in petroliu. Tandu, u megliu saria di falli da per voi.


3. Perchè venenu da troppu luntanu

Avucati di u Perù, kiwis di Nova Zelanda, aranci di Sudafrica… A frutta ch'è vo cumprate hà girandulatu più ch'è voi è hà custatu litri è litri di fuel. Serà normale, quandu certi ponu esse cultivati in Corsica ?

Perchè dumane seremu tutti agricultori

4. L'avvene hè l'agricultura urbana

Ùn avete micca un ortu da cultivà in paese ? Nisun prublema. A cità americana di Detroit hè stata durante anni è anni u sìmbulu di l'industria americana. Cù a disindustrializazione, hè oghje diventata u simbulu di l'agricultura urbana. A crisa è u disimpiegu anu trasfurmatu a cità. S'hè sviluppata di manera tremenda l'agricultura urbana è i giardini cumunitarii.
Perchè dumane seremu tutti agricultori

In cità dinù si pò cultivà è pruduce, puru nant'à i tetti, e terrazze, i balconi, i lochi publichi, i giardini…

5. Pè riapprupriassi u so paese

Cumu serà chì certi ùn coglienu mancu più i frutti in i so paesi ? Per curciura ? Per vergogna ? Sì tuttu ognunu turnessi à cultivà (puru appinuccia) un pezzu di lenza, pulisce i so arburi è coglie i so frutti, saria digià un bellu prugressu. A ci pruvemu ?


6. Perchè face prò

Travaglià in a natura, à l'aria pura, viota u capu à face prò. Chì tanti running, pruvate u zapping !
Perchè dumane seremu tutti agricultori

Fiura : Pagina Facebook Ride in lingua corsa

7. Pè u ligame suciale

Perchè quandu si face l'ortu, si dumanda à l'antichi, à i vicini, à quelli chì sanu… è si mostra, si trasmette à i giovani.


8. Per imbellisce

Un ortu serà sempre più bellu ch'è un parking. Nò ?
Perchè dumane seremu tutti agricultori


9. Perchè ci vole à mantene a diversità

Pocu à pocu, s'hè fatta un'unifurmizazione di e culture. A mudernizazione è l'intensifcazione di l'agricultura hà fatu calà di manera forte e varietà di piante è d'arburi cultivati. In Corsica dinù c'eranu tante varietà lucale. Di a cinquantina di varietà di castagne riferenzate quarant'anni fà, quantu ne
ferma oghje ?

A cipolla di Siscu è quella di Moita sò sempre cultivate. Ma quantu spezie propie à un rughjone o un paese si seranu perse ?
Perchè dumane seremu tutti agricultori


10. Per cultivà a differenza

Oghje, tuttu u mondu si sente l'anima d'un rivuluziunariu, tuttu u mondu hè naziunalistu, simu tutti ribelli è avemu tutti l'appiccicatoghju di Che Guevara... è sì u veru anticunfurmisimu era piuttostu di travaglià a terra ?

Perchè dumane seremu tutti agricultori

11. Pè riciclà megliu

S'è vo travagliate a terra, averete infine l'utlità d'un « composteur » pè riciclà i vostri rifuti verdi.


12. Per cambià di ritimu

Campemu in un'epica chì và troppu in furia. Ci vole à avè tuttu, è subitu. Ùn si piglia più u tempu per nunda. È s'è no pruvavamu di campà à u ritimu di a natura è di e stagione ? Rallentisce u ritimu per campà megliu, eccu una bella sfida.
Perchè dumane seremu tutti agricultori


13. Per ùn esse più dipendenti

A Corsica hè forse « souvent conquise, jamais soumise », ma i so abitanti sò belli dipendenti di i supermercati, di i centri cummerciali, di l'impurtazioni. Ùn riescerete forse micca à esse cumplettamente indipendente. Ma si pò pruvà di cultivà, appena.
Perchè dumane seremu tutti agricultori


14. Per pruduce

Tuttu u mondu hà tiratu a cunclusione chì a Corsica deve pruduce, sorte d'un tippu d'ecunumia induve a mercanzia vene da fora. Ma viderete chì u piacè hè grande quandu u vostru giardinu ferà i so primi legumi, i so primi frutti dop'à parechje settimane di travagliu… Iè, hè una vera suddisfazione di pruduce da e so mane.


15. Per arrestà di cunsumà troppu

Avemu pigliatu l'abitutine di cunsumà troppu. Si compra sempre più ch'è ciò ch'è no averemu bisognu. Diventà prudutore, hè dinù circà di pruduce ciò ch'è no avemu bisognu. Hè forse quì, a vera rivuluzione.


16. Perchè ùn hè micca un'affare di babà cool

In u 2050, ci seranu 10 miliarde d'abitanti nant'à a Terra. I dui terzi di a pupulazione seranu citatini.
È ci vulerà chì a pruduzzione alimentaria cresci di 70 % per nutrisce à tutti. U prezzu di u petroliu dinù hà da cresce. L'agricultura urbana ùn hè micca un cosu per una necessità. L'avvene, hè à a pruduzzione lucale, ùn averemu micca a scelta.

Perchè dumane seremu tutti agricultori

17. Perchè ancu Pasquale Paoli…

Postu chì u Babbu di a Pàtria ùn hè mai statu cusì à a moda, è s'ella vi ci vole quessa per cunvincevi, sappiate ch'ellu hè u Generale à avè introduttu in Corsica a cultura di u pomu. À tal puntu chì i so nemichi l'avianu cugnumatu pè ridesi d'ellu "u generale di e patate". Sì ancu Paoli s'era messu à zappà
l'ortu...
Perchè dumane seremu tutti agricultori























u 14 di Sittembre 2017


Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta