Accueil
Envoyer à un ami
Version imprimable
Partager

Furiani, stadiu u più sanziunatu d'Auropa ?

Difficiule di risponde à sta dumanda postu ch'elle ci mancanu e statistiche. Ma in 45 anni di storia, Bastia hè statu sanziunatu di più di 20 partite di suspensione.



Grazia à Thibault Casanova, autore di La Grande histoire du stade Armand Cesari de Furiani è u situ corsefootball.fr, avemu u detagliu di e sanzione chì anu culpitu à Bastia. Avemu tenutu contu solu di e suspensione di terrenu (s'è no cuntemu l'amende, di e tribune chjose è di e partite à portechjose, ùn ci ne surtemu più).

U risultatu hè chjaru : Bastia hè statu sanziunatu di più di vinti suspensione di terrenu. Eccune u detagliu (manca qualcosa ? Avete una precisione à fà ? Aspettemu i vostri cummenti).

1969/70 : una partita di suspensione

A prima suspensione in prima divisione vene dop'à una partita di cuppa contr'à Angers. Dop'à duie partite, i clubs sò à parità è ci vole un "match d'appui", nant'à u terrenu neutru di Nîmes, per decide quale serà u qualificatu. In Furiani, un ghjucadore d'Angers (Dogliani, futuru bastiacciu) s'era pigliatu una petra in piena faccia quand'ellu volta à i spugliatoghji.

Ma hè à Nîmes chì l'affari si passanu male. Nant'à u terrenu, Angers piglia a suprana (vittoria 3 à 1) è l'arbitru hè messu in causa da i Corsi chì eranu in e tribune. Scuntenti, parechji faleranu nant'à u terrenu per tichjà di colpi ghjucadori è direttore di ghjcocu. Macciu arrestatu.
Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

Da vede dinù nant'à Corse Football.
Furiani, stadiu u più sanziunatu d'Auropa ?

1970/71 : duie partite di suspensione

Bastia perde in Furiani contr'à Nancy (0-2) è à a fine, i sustenidori anu l'impressione d'essesi fatti avè da l'arbitru. Decidenu di ghjucalla à l'antica è intrappuleghjanu stu disgraziatu d'arbitru in a so vittura, nant'à a strada di Puretta. Passerà un mumentacciu. I dirigenti di u futbol francese sò scandalizati. Decidenu di suspende à Furiani per duie partite, dopu trè, eppo in fine di contu duie.

Altra decizione : a tribuna Est serà chjosa per... tredeci mesi.
Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

1972/73 : quattru anni d'interdizzione di cuppa d'Auropa da l'UEFA

U SECB ghjoca a so prima cuppa d'Auropa. Ma Furiani ùn hè à e norme di l'UEFA è deve riceve l'Atletico Madrid in Timizzolu. Finisce 0 à 0. Ma i spagnoli, di più sperimentati, ghjocanu duru, pruvucheghjanu è mettenu i colpi. Dop'à u fischju finale, u publicu fala nant'à u terrenu per fà falà i pattoni. Bastia hè sanziunatu da l'UEFA è ferà u so ritornu in cuppa d'Auropa pè a stagione 1977/78.


Furiani, stadiu u più sanziunatu d'Auropa ?

1973/74 : una partita di suspensione

Bastia ghjoca contr'à Monaco in quarti di finale di a cuppa di Francia. Incidenti à l'andata, ci dice u situ Corse Football (disfatta 2 à 0) :

"Le spectacle était dans les tribunes où coté Bastiais on n’hésita pas à « balancer » 2 policiers monégasques par dessus une balustrade, la chute fut fort heureusement sans conséquences. Après quoi les les supporters hissèrent un gigantesque drapeau frappé de la tête de Maure à la hampe du stade Louis II."

È à u ritornu in Furiani (vittoria 1 à 0), l'accaniti a si caccianu cun Guesdon (tandu à Monaco è à un pulizzeru).

"Incidents à l’issue de la partie lorsque les spectateurs envahirent le terrain pour se mesurer au service d’ordre. Les monégasques ne quittèrent le stade que 3 heures après le coup de sifflet final, dans un car de substitution, le leur ayant été en grande partie détruit par des supporters pour le moins excités."

Stuppinati in Furiani, France Football parla di "cris sauvages qui inquiétaient les joueurs monégasques".

Quessa, hè fatta.

Bastia ghjucherà u primu scontru di a stagione 74/75 à Béziers (contr'à Lille, vittoria 2 à 0).
Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

1975/76 : una partita di suspensione

Hè da quì ch'ella nasce da veru a rivalità trà Bastia è Nizza. In ottesimi di finale di a cuppa di Francia, l'OGCN riceve u SECB è l'affari si passanu male. A partita finisce 2 à 2 ma ci sò state baruffe nant'à u terrenu. Nizza ghjoca duru è mette i colpi. Dzajic è Papi si facenu minà. U capitanu nizzardu Jean-Noël Huck dicerà chì : "les coups donnés par les Niçois l’étaient par anticipation de ceux qu’ils allaient recevoir au retour".

Pè u ritornu i Bastiacci anu preparatu a so rivincita. U publicu hè scatinatu. À a surtita di u bus, Katalinsky riceve una petra in capu. Parechji piglianu i schjaffi. Nant'à u terrenu di Furiani l'aria hè difficiule à respirà. I nizzardi si scaldanu sott'à una piogia di petre è di fòrgani. À tal puntu chì Douis è Katalinsky ricusanu di ghjucà. L'OGCN principia a partita à.. 10. Finisce 4 à 0 per Bastia.

A Lega annulla a partita chì si deve turnà à ghjucà. Diventa una storia naziunale. U magazinu di Jean-Noël Huck in Nizza hè plasticatu. In fine di contu, u merre di Nizza, Jacques Médecin, decide per appacià a storia d'ùn ghjucà micca a partita chì a Lega vulia fà ghjucà. Bastia hè qualificatu è piglia una partita di suspensione.

Bastia riceverà à Metz in Rennes, in cuppa.

Baratelli, u purtiere nizzardu, à mezu à i fumìgeni.
Furiani, stadiu u più sanziunatu d'Auropa ?

U difensore Dario Grava, appena abbambanatu da a splusione d'un fòrganu.
Furiani, stadiu u più sanziunatu d'Auropa ?

1978/79 : duie partite di suspensione

Incidenti dop'à a partita di cuppa di Francia trà Bastia è Strasbourg d'aprile 79. Bastia piglia duie partite di suspensione.

A sanzione face ride : u Sporting riceve à Lille... in Lens (0-0). L'altra si ghjucherà in Tulò (vittoria contr'à Reims 3 à 2).

1980/81 : una partita di suspensione

Sanzione per incidenti à a fine di a stagione 1979/80 trà Bastia è Nancy. U Sporting ghjoca a so prima partita in casa in Tulò.

1983/84 : una partita di suspensione

Bastia riceve à Brest è un omu in u publicu ùn pare micca apprezià u ghjudice di linea. Li manda un ogettu in capu. Mentre ch'ellu si face curà, un omu fala di e tribune à metteli... un calciu à l'altru arbitru.

Iè, un macciu di suspensione per quessa ! (ah u futbol di l'anni 80...)

Da vede u filmettu :



1985/86 : duie partite di suspensione

Parechji fumìgeni sò lampati nant'à u terrenu durante a partita di cuppa trà Bastia è Sochaux (1984/85) è ci sò e baruffe dopu à a fine di a parita. I visitori sò bluccati in i spugliatoghji.

A sanzione serà fatale à u Sporting, chì duverà ghjucà e quattru prime partite di a stagione fora di casa. Finiscerà a stagione ultimu di a classifica.

Da nutà sta fantastica scelta di a Lega pè u terrenu "neutru" : Bastia riceve u PSG à... Reims. Dunque à un'ora è mezu di Parigi (disfatta 4 à 2). Per l'altra partita Bastia riceverà à Rennes in Tours (disfatta 2 à 0).


1988/89 : trè partite di suspensione

A causa di a sanzione hè u famosu Bastia - Dijon di marzu 89. U Sporting hè in corsa pè a cullata in prima divisione. Bastia vince 1 à 0 in sta partita impurtante ma l'arbitru, M. Nouet, fischja un penalty per Dijon à dui minuti di a fine. Lascemu cuntà a seguita da Corse-Matin :

"Le coup de sifflet final de M. Nouet donnait lieu à un déchaînement d'une dizaine de voyous poursuivant l'arbitre aux quatre coins du stade, lequel eu toutes les peines du monde à regagner les vestiaires protégé par Roland Gransart, certains dirigeants (mais pas tous) et certains membres du service d'ordre..."

L'arbitru finiscerà à l'ospidale.

Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

Furiani, stadiu u più sanziunatu d'Auropa ?

1994/95 : una partita di suspensione

Hè a cunsequenza di u famosu Bastia - Monaco di u 1994. Tutti quelli chì eranu in Furiani stu 26 di nuvembre si n'arricordanu di l'ambianza incredibile ch'ellu c'era stu ghjornu. Una spezia di scimità cullettiva ch'ellu si pudia risente in tutte e tribune. Ramintemu i fatti : Bastia chì si batte per ùn falà è chì perde tutte e so partite in casa, un arbitru chì multiplicheghja e cacate (Monaco marca nant'à un corner chì ùn esiste micca, but ricusatu à Bastia, penalty per Monaco allora ch'ellu c'era un fallu nant'à un bastiacciu nanzu...), invasione di u terrenu, ambianza elettrica è partita arrestata à 0-2.

In fine di contu, Bastia volta à 2 à 2 in un Furiani vulcànicu. Ma a Lega derà a so vittoria à Monaco è Bastia ghjucherà a so prussima partita in casa à Tours (disfatta 3 à 0 contr'à Metz, cù un Bastiacciu espulsu dop'à dui minuti di ghjocu).

Da vede u filmettu quì.



2005/2006 : duie partite di suspensione

Invasione di u terrenu à dece minuti di a fine durante a partita trà Bastia è Caen. I sustenidori facenu un giru d'onore nant'à u terrenu cù un striscione "stumacati"... è si facenu sciaccamanà. Tandu u tube di u stadiu hè "dirigeants démission". U Sporting ghjucherà à Nîmes.

Furiani, stadiu u più sanziunatu d'Auropa ?

2011/2012 : una partita di suspensione

Partita caldissima in Furiani trà Bastia è Lens. Finisce in cazzuttata generale è a LFP stima chì a securità bastiaccia l'hà fatte falà. U Sporting serà delucalizatu in Créteil (vittoria 3 - 0 contr'à Arles-Avignon)


2012/2013 : a stagione infernale, quattru partite di suspensione

Storie à ùn più finisce quist'annu. Da dumandassi da veru cumu u Sporting hà fattu per mantenesi in Lega 1 per u so ritornu à u primu pianu.

Parechje storie in e tribune : una pezzetta mandata nant'à u capu di u ghjudice di linea (Bastia- Lille, duie partite di suspensione à Gueugnon).

"Incidenti" per a partita à porte chjose contr'à l'OM in Furiani. I sustenidori anu fattu troppu tazzu fora di u stadiu è a LFP pichja di manera sprupusitata : una partita di suspensione in più, à Auxerre.

Infine, e baruffe contr'à l'ACA chjodenu sta stagione di tutti i castichi. A LFP pruibisce un scontru in Corsica trà i dui clubs. Un derby si ghjucherà à Istres (in cuppa).
Furiani, stadiu u più sanziunatu d'Auropa ?

2014/15 : quantu ?

Una partita fora a ci pigliemu. Ma serà forse di più. Fate puru e vostre scumesse !

De Pandis si n'arricorda sempre avà di a so ultima partita in Furiani
De Pandis si n'arricorda sempre avà di a so ultima partita in Furiani

u 17 di Marzu 2015
U Webmaestru



1.mandatu da corricorri o zitellina u 18/03/2015 11:26
l'ultimu ritrattu mi piace assai...

2.mandatu da sciambulò u 18/03/2015 11:30
bon ci vole à cuntà dinù cù tuttu u sinemà d'ognunu, certi realizadori ferianu megliu d'andà à vede certe partite di ballò... ci truverianu una mina d'attori...

3.mandatu da claude perry u 18/03/2015 12:25
bon alors c'est pas une legende, vous etes des gens très violents, bien fait pour votre gueule si vous etes sanctionnés

4.mandatu da bastiacciu stortu u 18/03/2015 14:22
a claude perry , ca ne se fait pas de mettre toute un peuple dans le même sac , nous pourrions vous dire dans ce cas que vous etes une population de pleutres et de pédophiles, pourtant nous ne le faisons pas .... tanti saluti ....

5.mandatu da sardu u 18/03/2015 19:14 (da un teleffuninu)
Minkia site un casinu!!!!:):)ahahahah in serie A sareste in casa vostra...mitici!

6.mandatu da claude perry u 18/03/2015 19:59
à mort le scb

7.mandatu da cardinale u 18/03/2015 20:05
carne è pomi

Novu cumentu :