Accueil
Envoyer à un ami
Version imprimable
Partager

Una serata cù l'anziani di Canta u Populu Corsu

Ci hè quantunque statu un bellu mumentu sta settimana in Corsica : u cuncertu di l'anziani di Canta u Populu Corsu à u teatru di Bastia.



Una serata cù l'anziani di Canta u Populu Corsu
È dì chì certi dicianu ch'elli eranu troppu vechji !

Canta u Populu Corsu hè un gruppu natu un 17 di lugliu in Sermanu, è quandu l'anziani collanu nant'à a scena (pè una serata di carità) a magia si mette in ballu.

Prima ci hè stata a surpresa di vede un teatru pienu à tappu. 800 biglietti partuti in qualchì ghjornu cun poca publicità. Mercuri sera u teatru di Bastia era troppu chjucu è 300 o 400 biglietti in più si sarianu vinduti.

In segondu ci hè stata l'emuzione. Assai forte pè l'omagiu à quelli chì ùn ci sò più. E voce di Natale Luciani, d'Alain Nicoli è di Dumè Gallet risonanu per sempre in e nostre orechje.

È dopu s'hè passatu qualcosa chì solu stu gruppu è ste voce ponu fà. Un mumentu forte di più di duie ore, chì hà rammintatu chì mumenti cusì, ci n'hè troppu pocu. È ancu, averianu pussutu cantà una nuttata sana tantu u publicu ùn era saziu.

Turnà à vede nant'à una scena l'anziani di u gruppu ùn vi pudia lascià di marmeru : Ghjuvanpaulu Poletti, Petru Guelfucci, Minicale, Filippu Rocchi, Mighele Cacciaguerra, Maì Pesce, Christophe Mac Daniel, Anna Rocchi, Eric Gineste, Ceccè Pesce... Hè appena a dream team nustrale.

Turnà à sente à Petru Guelfucci chì canta Citatella da fà, Ghjennaghju, A Fiaccula di vita, turnà à sente à Ghjuvanpaulu Poletti cantà Surella d'Irlanda, L'Affissu, Un Soffiu di libertà... anu datu a carne pullina à parechji.

È turnà à sente Vergogna à tè chì vendi a terra piglia tuttu u so sensu, trent'anni dopu.

Allora d'accordu, certi truveranu sempre à dì. A pulèmica nant'à u nome cuntinuverà à fà parlà assai.

Ma pocu impreme. Sò cusì rari i mumenti cusì. In un'attualità corsa sempre di più nera, a serata di Canta 73 hè stata una parentesi di felicità.

Canta u Populu Corsu hè di più chè un gruppu, firmerà qualcosa à parte in a storia di a Corsica. A voce di Guelfucci, e musiche di Poletti, e puesie di Fusina... trent'anni dopu facenu sempre effettu.

Ch'elli a voglinu o micca, a fiaccula di u populu corsu ùn hè ancu cumplettamente spenta...

Citatella da fà


A Fiaccula di vita


Ghjennaghju


Lettera di u mulatteru à u Corsu


Canzona di u viaghju


Allegria


A Palatina


L'Alta strada


L'Eletti


Surella d'Irlanda


Lamentu di u prigiuneru


Lettera à Nicoli


L'Odore di i nostri mesi


Missaghju


Un paisanu


Vergogna à tè


Vogliu scrive u to nome


Un soffiu di libertà


u 28 d'Aprile 2013


Da u più recente à u più anzianu | Da u più anzianu à u più recente

66.mandatu da sardu u 06/10/2013 00:32
belle canzoni,tutte caratteristiche

65.mandatu da Une autre u 02/05/2013 22:28
I corsi u so micca cusi scemi ,stanu a sente canta quellu di 70 ,di 80 ,di 90,di 2000,di 2010, a musica ,e parole toccanu a tutti secondu a sensiblita d'ognunu ,è chi primura s'elli un so micca bé tra elli.
Canta a mi una canzona sensa fa mi sapé ché tu si fattu di sangue ,di corre ,di anima umana fa mi viaghja nanta a petra in murata chi nimu u feghja perché ella a vulsu stassi quella di tutti o di nimu è chi feghja passa u tempu sensa scurdassi chi a verita un'hé micca fatta da l'omi ,ma di un'idea chi ognunu face soia..

64.mandatu da claude e. u 02/05/2013 13:32
se a femu cusi, va be, un e che a verita ... ma ancu qui un pudemu parla ...
mai pesce he un sburgno, e verita
guelfucci e techju di pretenzioni e depressivu
e pudemu cuntinua un mumentu e aldila di canta

grazie a a pravda

63.mandatu da u webmaestru u 02/05/2013 11:09
Si pò cuntrastà è tuttu ognunu pò sprime u so parè, ma per piacè circhemu d'evità l'insulte chì ùn portanu nunda.

Di tutte e manere avemu capitu chì ùn seremu tutti d'accunsentu.

À ringraziavvi.

62.mandatu da Jean de Florette u 01/05/2013 20:20
À contu meiu, u terrenu l'accupu parlendu corsu à i mo figlioli, amparenduli à tene caru u so paese é i so lochi cumu eiu i tengu cari, trasmettenduli i valori chì mi so stati trasmessi à mé da i mo vechji, fenduli capì chì i Corsi simu tutti fratelli è chì pocu impreme a strada pigliata ci vole à tenesi stretti, é soprattuttu l'ampargu à ùn ghjudicà nisunu

61.mandatu da Pettirossu u 01/05/2013 12:57
U terrenu ùn hè micca tralasciatu ... JPP t'hà una scola di cantu in sartè, PG s'occupa d'amparà a messa à una cunfraterna di ghjuvanni, è s'occupa d'una scola di cantu di pulifunia è un sò micca solu à fà què sò parechji, ci hè ancu à scola di cantu di natale luciani incù i chjuchi è quì ci hè u mondu a possu vi dì, è qualè chì si n'occupanu ? Canta d'avà ? NOOOOO sò i vechji scularu di Natale.. u terrenu ùn ne mai statu abandunatu da canta 73...

60.mandatu da Flippu u 01/05/2013 11:49 (da un teleffuninu)
Ai dettu qualcosa di bè :

"a tralascera di un terrenu"

Eccu u prublema. Scole di cantu, difesa di l'ambiu, cunfraterne, tradizioni, ricerca, fà campà i nostri paesi, creà...

Avemu abandunatu u terrenu è ci tocca à ripigliallu

59.mandatu da Faterideeghjalline u 01/05/2013 09:27 (da un teleffuninu)
Ghjustu un idea cusì, forse chì si chjamanu canta 73 perchè chì ci eranu in 73, è forse ch´elli cantanu e vechje canzone per festighjà sti 40 anni..è cum´è canta u novu hà festighjatu st´anniversariu solu(cf giurnale), elli l''anu festighjatu soli!!!

58.mandatu da Quella u 01/05/2013 08:33
Eiu aghju passatu una bella serata, m'hà fattu assai piacè di ritruvà l'anziani di Canta per una serata eccezziunale è seraghju in Aiacciu u 28 di maghju per a seconda.

Chì per mè, senza criticà nè unu nè l'altru, sti dui gruppi ùn sò micca i listessi : ci hè Canta u Populu Corsu è poi ci hè u Nuvellu Canta.
A sapemu chì in Corsica avemu sempre fattu i muri novi cù e vechje petre, é chì pò fà ? Di tutte e manere ùn sò micca e listesse case...

57.mandatu da Tony M. u 01/05/2013 08:17
A vera quistione hè di sapè perchè u nuvellu Canta hà ripigliatu stu nome, scopu cummerciale ? Un seranu stati capaci di fà si ne unu ? Beu !...

56.mandatu da henry smart u 01/05/2013 02:06
Dilla puru !

55.mandatu da Eiu dicu u 01/05/2013 00:46 (da un teleffuninu)
É nanzi di chjode mi la, l'anziani ani festighjatu i 40 anni, quelli d'oghje l'anu da festighjà cù un discu novu. Y a pas mort d'homme les gars, cool.

54.mandatu da Eiu dicu u 01/05/2013 00:39 (da un teleffuninu)
Di sviluppà iniziative culturale ni so paesi o ni so quartieri. Pè contu meo canta ferma indè quelli chì resistenu ogni ghjornu in a so manera d'esse.

53.mandatu da Eiu dicu u 01/05/2013 00:37 (da un teleffuninu)
U prublema postu ùn hè tantu a legitimità di l'unu o l'altru ma di sicuru a tralascera di un terrenu. Pè contu meo. Canta u ritrovu indè l'associ cum´è u levante, parlemu corsu, e cunfraterne, unipochi di scrittori indiati, attori chì cercanu

52.mandatu da Eiu dicu u 01/05/2013 00:33 (da un teleffuninu)
U peghju pè mè hè l'ipocrisia... Quellu chì hè incriminatu, hè un poveru tippu chì cantava cù i muvrini ùn hè tantu, quelli di cupc di 92 u cunniscianu, sapianu, TUTTI, a sapianu! Chì femu ci vole à brusgià lu o à curà lu?

51.mandatu da Eiu dicu u 01/05/2013 00:27 (da un teleffuninu)
Ci vulerebbe guasi à fà un inchiesta. Ci vulerebbe à sapè quantu sò à imbrancà si nantu à youporn è quantu sò chì vanu à a messa a dumenica. Big brother o fratè !

50.mandatu da Eiu dicu u 01/05/2013 00:25 (da un teleffuninu)
Ma o ghjente ùn ci hè bisognu d'urganizà un cuncistoriu quì, ùn cambierà nulla, u settanta hè passatu. Oghje avemu a tnt, playstation, vitture diesel, ecc... Avemu i nostri guai dinò è a droga ùn hè d'oghje, quantu seranu i culturali à tizzunà ?

49.mandatu da Eiu dicu u 01/05/2013 00:21 (da un teleffuninu)
È cum''ellu dicia poletti in l''82 in bastia ; "il nous faut reprendre les chemins de la lutte"
Ma què ghjè un antra affare !

48.mandatu da Eiu dicu u 01/05/2013 00:21 (da un teleffuninu)
È cum'ellu dicia poletti in l'82 in bastia ; "il nous faut reprendre les chemins de la lutte"
Ma què ghjè un antra affare !

47.mandatu da Eiu dicu u 01/05/2013 00:18 (da un teleffuninu)
Aghju a suluzione. l\\''anziani sò sempre aderenti di l\\''associu cupc. Tandu, l\\''affare hè semplice : Cuncucazione di l\\''aderenti in assemblea generale, rinnovu di u cunsigliu d\\''amministrazione è di u scagnu et voilà le tour est joué !

46.mandatu da Eiu dicu u 01/05/2013 00:18 (da un teleffuninu)
Aghju a suluzione. l\'anziani sò sempre aderenti di l\'associu cupc. Tandu, l\'affare hè semplice : Cuncucazione di l\'aderenti in assemblea generale, rinnovu di u cunsigliu d\'amministrazione è di u scagnu et voilà le tour est joué !

45.mandatu da Une autre u 30/04/2013 22:57
Valori corsi ??? Cosa Hé???
Pi Pan
_c'est moi qui chante
_non moi
_nous on est les vrais
_oui mais nous on continue
_oui mais vous ça veut rien dire
Et voici les anciens comme depuis toujours ne libére pas d'espace pour les jeunes.
Ancu s'ellu ci n'hé unu o duie chi si droganu ,l'altri eranu a l'appiatu é anu mandati a d'altri fa i conni??je retiendrais ça de l'histoire.
Match nul quoi que ,j'ai pas encore decidé??
Anceiu mi drogu u so micca un gativu zitellu
Pi Pan je te tue ,tu me tues turlututu chapeau pointu;.......................

44.mandatu da Tony M. u 30/04/2013 22:16
E si sempliciamente i Vechji ch´anu purtatu u Canta in u spiritu di u Riacquistu cun valori corsi, eranu stumacati ch´ellu sippie oghje in manu di Giovanni dealer senza fede ?

43.mandatu da Pettirossu u 30/04/2013 12:28
Amicizia

42.mandatu da Discu d''oru u 30/04/2013 07:25
Guelfucci hè partutu à vende dischi à u Québec ?

E allora, ùn pudia fà listessu Buteau ?

A innò, ùn pudia chì hà una vuciaccia fragica.

41.mandatu da Davide Vincente u 30/04/2013 00:32
http://www.dailymotion.com/video/xsoiv5_canta-u-populu-corsu-corsica-nostra_music#.UX70sKLwlrM

V'arricurdate di stu cantu chì dice :

L'ora hè venuta di fà l'unione
Per a salvezza di a Nazione
Sta voce pura vene da u core
Ci porta a fede, ci canta amore


...

40.mandatu da Davide Vincente u 30/04/2013 00:29
Eccu o Burdellu. 5000 OVNIS à l'annu, chi aspettanu è si ne ridenu di vede sti conni di Corsi chi si tazzanu trà d'elli.

Allora per piacè, avemu capitu chi nimu ùn hè perfettu. Un simu micca qui per cuntà i punti trà Buteau è Guelfucci. Tuttu u mondu hà tortu in sta storia

Canta cuntinuveghja cun Buteau e una squatra di giovani ? tantu megliu per elli di cuntinuvà à movesi per a nostra cultura
I Vechji collanu nant'à a scena ? E bè tantu megliu, a serata era magnifica.

Ma per carità, piantate.....

39.mandatu da Burdellu u 30/04/2013 00:03
Tuttu si ne va à caternu.
E l'altri guardanu è aspettanu.

L'altri ? Sò l'OVNI. Venenu ! Venenu ! Venenu !

38.mandatu da Antone77 u 29/04/2013 23:34 (da un teleffuninu)
Ah iè, o sinnò sta serata duvia aiutà una giovana corsa à andà à fassi operà in America. Curagiu à Manue è felicitazione à l'associu Project Kentucky.

37.mandatu da Stéphanie u 29/04/2013 21:46
Sò stata incantata da stu mumentu magnificu. Un bellu anniversariu di Canta è sopr'à tuttu sò stata cummossa da a prova di fratellanza è da u curagiu di Manue Giafferi : chì sta serata sie quella chì l'aiuterà

36.mandatu da Cugi u 29/04/2013 21:28
Canta storicu e canta abituale ah ah ah... Tandu canta pudia (forse) purtà un pocu di sonniu e di speranza a certi (e ancu un pocu di soldi a qualchi uni), avà canta ti po vende un pocu d'héroïne!!!

35.mandatu da henry smart u 29/04/2013 21:20
Pettirossu ti capiscu. C'ai participatu à issa serata è ghje a passione chi parla dinu. S'avissi i to anni pensu chi serebbe statu ancu più accanitu che que !
Un a so per Buteau è l'altri. un ne vogliu parla ch'osinno u livellu l'avemu da cala da veru : poletti, guelfucci... Ma ci vole à accetta un 'affare : so diventati puntelli di a cultura corsa ( è a dicenu !!!) purtendu un messagiu puliticu, dunque i so difetti so messi in risaltu !!

34.mandatu da henry smart u 29/04/2013 21:20
Pettirossu ti capiscu. C'ai participatu à issa serata è ghje a passione chi parla dinu. S'avissi i to anni pensu chi serebbe statu ancu più accanitu che que !
Un a so per Buteau è l'altri. un ne vogliu parla ch'osinno u livellu l'avemu da cala da veru : poletti, guelfucci... Ma ci vole à accetta un 'affare : so diventati puntelli di a cultura corsa ( è a dicenu !!!) purtendu un messagiu puliticu, dunque i so difetti so messi in risaltu !!

33.mandatu da henry smart u 29/04/2013 21:11
Antone 77, sai, so abbastanza d'accunsentu cun te !

Ma do u mo sintimu solu di spetatore ! un he cusi grave e un dumandu à nimu d'esse d'accunsentu cu me !! un vengu qui cu e mo certezze. Aghju passatu una Bella serata quantunque. ma per parla di musica : u primu cantu simu noi... m'ha fattu ride quantunque. Ma bon, à quelli ch'anu scrittu " un soffiu di liberta " ecc ... i pudemu scusa.

Ma cun tuttu u rispettu chi no pudemu ave per quelli ch'anu ghjucatu un rollu pusitivu ind'a storia , un ci vole mai, a pensu cusi, glurificalli.

Canta 73, 40 anni fa anu fattu a storia

Canta 90/2000 ha permessu di da un soffiu novu à stu gruppu chi sera oramai un gruppu à mezu à l'altri, ma m'arricordu di serate tremende cum'è in bocca à u pratu. Essendu troppu giovanu per ave vistu u gruppu nanzu, chi piace ch'aghju avutu quandu à st'epica !

Cantu aprile 2013, chi c'anu fattu passa una Bella serata nustalgica un pocu cume quand'elli cantanu i machjachjoli .( e un he un scherzu !!! chi i tengu cari i machjachjoli)

Bastava à ritruvassi tutti dopu à a partenza di unu di elli ! Finalmente puderebbe esse faciule a vita !

32.mandatu da Une autre u 29/04/2013 20:53
Ancu quelli chi cantanu ,facenu a festa,,s'amusanu u si ponu vede ,allora pensate pé u restu ,l'omu hé fattu cusi..

31.mandatu da Faterideeghjalline u 29/04/2013 20:17 (da un teleffuninu)
Iè era una serata magnifica, ci simu campi è basta

30.mandatu da Antone77 u 29/04/2013 19:57
Bon, pensu chi avà si po chjode sta discussione

avemu capitu che vo un serete d'accordu. chi peccatu di ghjunghje ne qui...

pocu impreme cio chi si po pensà di l'unu e di l'altru. iè, peccatu ch'ellu ci sia sta lita trà anziani è novi.

à mè mi saria di vede UNU solu Canta, cù Poletti, Guelfucci, Buteau, Cacciaguerra, Papi è tuti l'altri.

pocu impreme, cio ch'ellu si po pensà di i caratteri è di l'egocentrisimu di l'unu è di l'altri.

pocu impreme cio che vo pensate, avemu passatu una serata magnifica à u teatru.

Canta face parte di a storia di a Corsica è stu gruppu hà purtatu assai in altu a canzona corsa. e duvemu assai à Natale Luciani, à Poletti, à Guelfucci, à Buteau, à Gallet.

allora circhemu d'alzà u nivellu, ùn fidighjemu più a "gueguerre", parlemu solu di musica.

ci la feremu ?

29.mandatu da SeventyThree u 29/04/2013 19:45
Coucou les jaloux !

28.mandatu da Pettirossu u 29/04/2013 19:35
henry smart, scusammi d'esse cusì gattivu. Parli di certi cosi, ma ùn poi mancu sapè à verità. Di prima : Iè ch'era una sirata sturica, fà piu di 25 anni ch'elli ùn si sò piu vistu pà cantà cusì annant'à una scena . Dopu sicuramenti chì u canta d'avà ùn c'era micca altrimentu ùn ci sariu micca andatu, ci hè stata troppu storia strangiu per ch'elli si dicenu di u miticu canta u populu Corsu; u spiritu ùn ne parlu mancu è pè piacè ùn fà usu di dì " Dume gallet c'era sempre un'he tantu ( 2005 u bataclan) " PÈ PIACE, è pà buteau ùn ne parlu, hè u megliu. Un ultima cosa pà a canzona di Poletti : Iè sò elli u primu cantu, è iè sò sempri vivi.

27.mandatu da henry smart u 29/04/2013 18:48
Bon siamu serii una stundetta. Canta u populu corsu è ....po da ancu u so pare.
allora aghju da di a meia !
Prima, un pensu micca esse un criticone è a critica sistematica un so di i quelli chi a facenu. Un mi piace à cita a ghjente è à seguita i puttachji ch'elli sianu veri o falzi. Quandu un so micca mi sto zittu !
Ma ci so andatu à sta serata, cuntentu d'andacci senza "à priori " è vulia passa una Bella serata, puntu è basta.
Ciò ch'o possu dì :
- so statu felice di vede tuttu u teatru arrittu per dume gallet, natale luciani è Alain Nicoli. So statu cummossu è pensu chi ghjera u solu mumentu ! ghje cusi. chi vulete fa ! he vera chi a ghjente paria cuntenta !
- un a sapia micca ch'un ci serebbbenu cecce. buteau è l'altri. serebbe statu nurmale, pocu impreme ciò che no pensemu di unu o l'altru !! mi pare chi quandu cantu he vultatu inde u novanta cu natale luciani in testa, ha permessu à assai giovani dì vede canta per a prima volta è anu creatu canzone nove. Dume gallet c'era sempre un'he tantu ( 2005 u bataclan). Allora ava s'azzuffanu...è anu fattu l'alta sera una serata nustalgica micca storica..chi anu tombu u mitu !!
- era cuntentu di sente ste canzone è po attempu avia un sintimu stranu ! c'era a macagna nant'à a scena ma a fratellenza ...un l'aghju intesa. Di volte mi paria di vede a famiglia guelfucci cu i chjami aghjalesi ...cu poletti a " vedette " accantu à Petru u capimachja.
- s'o un avissi intesu u spripusitu di a fine un averebbe dettu nunda ma que o ghjente un vi face reagisce
" simu noi u primu cantu, simu sempre vivi, simu sempre vivi " aio un ci n'he abbastanza egucentrisimu !!!! ch'anu da inventa dopu : Canta canale storicu è Canta canale abituale ... E po so sicuru chi certi di u gruppu un eranu cusi fieri !
un vogliu parla ne di a paghjella di l'Unesco, ne di e storie di droga. Per me ci tocca à passa à altra affare è à d'altri gruppi !

26.mandatu da Ghj. u 29/04/2013 18:21 (da un teleffuninu)
Ai raggiò o "nunda". Guelfucci hé milliardariu, tene une pochi d''affari in Balagna, viaghja in Cayenne e face custruisce una casa in Sperone.

Ùn ci sbagliemu micca di nimichi, per piacè.

25.mandatu da Ghj. u 29/04/2013 18:21 (da un teleffuninu)
Ai raggiò o "nunda". Guelfucci hé milliardariu, tene une pochi d'affari in Balagna, viaghja in Cayenne e face custruisce una casa in Sperone.

Ùn ci sbagliemu micca di nimichi, per piacè.

24.mandatu da PSG u 29/04/2013 17:07
Anu bisognu d'andà à cutrassi à u Quebec per fassi dui soldi? Allora un c'anu capitu nunda, eiu m'aghju vendutu a casa Di babbone in paese, cun issi soldi m'aghju fattu un "lotissement" in piaghja (nant´un terrenu agriculu famigliale) ch´aghju vendutu à pinzuti. Avà quandu rientru in paese di statina sò u rè, nimu un mi criticheghja à mè!!!

23.mandatu da Pettirossu u 29/04/2013 16:52
Iè o faterideeghjalline ! hè andatu à u portu in elicotteru è dopu hà piglià u so jet !! sò ricchi à milliarde quissi alora o !!!

22.mandatu da Faterideeghjalline u 29/04/2013 16:30 (da un teleffuninu)
é pò quelli chì sò andati à fà furtuna à u Québec sò ricchi à miliarde, viaghjanu in Porsche Anu castelli à diritta è a manca è campanu Guasi tuttu l''anu tra Monaco pariggi è Miami !!! Ah ah !!!!o pettirossu ùn l''ai Vistu ghjunghje cun u so jet?!!!

21.mandatu da Pettirossu u 29/04/2013 16:12
I Suvenzioni ?...Hè pagatu da l'Unesco..ùn hà nunda à vede incù a CTC ùn ne hà mai dumandatu una ..è fendu sta dimarchja, a paghjella hà autu u statutu "in periculu", ellu hè intervenenti incù d'altri è imparanu a paghjella in certi lochi di a Corsica, è ùn credi nunda pè piacè, ùn sò pagatu tantu ...

20.mandatu da nunda u 29/04/2013 15:37
À mè mi fate ride! Sopr'à tuttu petirossu ! Guelfucci tocca e suvvesioni pè amparà a paghjella ! Cantanu "redorer leur blason ". Ùn cantanu micca pè a Corsica! Guelfucci hà dettu " je vais pas chanter pour la gloire moi" è " c'est pas comme au Québec c'est sur mais on fait avec ce qu'on a c'est toujours ça de pris "

Allora aprite l'ochji !

19.mandatu da capicursinu rancicu u 29/04/2013 15:12
"Anu mandatu ghjente in prigio" è cumu a sai quessa ? Eiu a vi dicu, piantate appena di fà u musu, ah per a critica simu i più forti..

18.mandatu da Une autre u 29/04/2013 14:04
Pé fa a l'accorta anu mandatu ghjente in prigio ,stridentu note é sera a l'indipendenza a a rivolta, a cappia tuttu famiglie ,travagliu a u restu ?????
allora chi certi toccanu soldi di u statu, ci so c'anu persu tuttu ,ma tuttu ,é chi piu nimu sa s"elli so di stu mondu ....
Allora ch'elli scrivessinu una canzone per tuttu quessi nanzu chi a morte i pigliessi..

Pé u restu nunda a di..

17.mandatu da alisgianincu u 29/04/2013 13:38
O "une autre", scherzà hè una cosa, criticà per u piacè d'esse gattivi hè un altra cosa no ? chi ne pensi ?

Faci u rimproveru à Canta d'ùn esse più "a voce di u FLNC" ? Allora eiu dicu tantu megliu.

1 2
Novu cumentu :