10 rigali pè i zitelli penìbili (viaghja ancu pè i vostri)

1. Quaterni di vacanze

M'arricordu chì una volta, Mamma m'avia datu cum'è rigalu quaterni di vacanze. Hè stu ghjornu quì ch'o aghju cuncettualizatu u succidiu.

U quaternu di vacanze : trà 7 è 8 €

2. A fata satanista chì si ne vola

Perchè chì hè crudele, ma da sbillicassi.

A fata chì se ne vola è chì ùn vulterà più : 29,99 €

3. Un animale, ma in pilliccia

U peghju rigalu chì m'hè statu fattu quandu era chjuca, era di fammi crede ch'avia da avè un pappaghjallu. Per rigalami dopu un pappaghjallu in pilliccia. Hè stu ghjornu quì ch'o aghju cuncettualizatu l'omicidiu. Fate pianu, circa vint'anni dopu dumandu sempre vindetta. Ma lasciu i pappaghjalli in pace.

4. Una pilliccia microbu

E nostre preferite : a syphilis (in corsu si chjama "u mal francese"), a diarrìa, u pidochju è u ténia.

Syphilis : 8,95 €
Diarrìa : 8,95 €
Pidochju : 8,95 €
Ténia : 12,95 €

5. Una pilliccia d'animale inciaccatu

Persunalmente, sì qualchissia mi rigala què piengu. Ma hè vera ch'elli esistenu zitelli veramente abuminèvuli.

A pilliccia di scuiattulu mortu : 29,99 €

6. Un DVD di Saw in una scatula di Bambi

Ancu chì Bambi m'hà traumatizatu ancu di più.

7. Un libru annuiante da crepà

In generale, i zitelli facenu u musu quandu li si rigala libri (oh và bè, micca bugie mansa di falsi). Ma dopu, quand'elli leghjenu, sò cuntenti. Invece chì quì, nò.

Kant, Critique de la raison pure : 9,50 €
Rousseau, Emile ou De l'éducation : 10,20 €
Tolstoï, Guerre et paix (in dui vulumi) : 8,90 €

8. A puppàtula di ciucciu "Reborn" - caru

Sò puppàtule realiste di ciucci, è danu u schifeghju in veru. Bon, hè appena cara, ma a faccia spaventata di u destinatariu ùn hà micca prezzu. O sinnò ci hè u kit : menu caru è guasi u listessu risultatu.

A puppàtula goffa Reborn : 179,90 €

9. Un carrettu di pulizìa – 24,99€

Nanzu, u carrettu di pulizìa era rusinu, destinatu solu à e zitelle (ahè !) è ùn ghjuvava à nunda : ùn nettava nunda. Oghje, a sucetà hè cambiata : i carretti di pulizìa sò fatti dinù pè i zitelli, è s'assumiglianu propiu à i veri. Capite ch'è vo puderete fà a pulizìa à i vostri zitelli, è chì in più di quessa, seranu felici. Perfettu.

U carrettu : 24,99 €

10. Dui aranci

Perchè chì avemu tutti qualchissia in a so famiglia, appena faticante, chì diciulava à ogni Natale "eiu, pè Natale, avia dui aranci è era cuntentu". Avete l'età d'esse stu membru di a famiglia appena faticante. Ùn lasciate micca passà l'occasione.

S'è vo sceglite sta suluzione, ùn vi scurdate di filmà e reazzione è di mandaccile. Hè Natale, vulemu ride.