Per forza o per amora, ch’ella v’intaressu o manc’appena fate voi dinù parte di ciò ch’omu chjama a « bloggusfera ». Vale à dì chì v’accade di favvi un giru ogni tantu nantu à un bloggu è forse di « pustà » qualchì cummentu. È quellu chè vo prifirite, A Piazzetta participeghja anc’ellu à u sviluppa di a piccula bloggusfera corsa per nasce.
Sappiate avale chì u Parlamentu aurupeu s’intaressa à voi, è soprattuttu à noi…
A Piazzetta priculosa ?
À dilla franca, Marianne Mikko, diputatu estunianna, o u so cumpare aurodiputatu tedescu Jorgo Chatzimarkakis (salute !), a Piazzetta ùn saparanu mancu ch’ellu asiste. Eppuru, sò inchieti… Per fallu à l’accorta, per elli, i bloghi pudarianu esse minaccia. È perchè ? Per via di a so multiplicazione è di a so banalizazione, sicondu à i nostri amichi diputati aurupei, sò di più in più aduprati da arnesi di lobbying o da internotti pochi rilighjosi, ciò ch’elli qualificheghjanu cum’è una « pulluzione di ciberspaziu ».
Cù i nostri « Ozzi » di i Chinesi militenti di a causa corsa, o di u Dalai Lama in Corsica, ci sariamu in drentu.
È cosa prupone u nostru Parlamentu aurupeu impauriti d’una libertà di sprissione scuntrullata per luttà contru à sti gattivi bloghi ?
Si sente parlà di filtraghji, di surviglianza di i cuntinuti…
Labbelizazione
Tandu, quale sarianu i nostri articulelli ad esse cinsurati ? Quelli di Sbanditu ch’ùn manca di sciaccà fendu nice di nulla un bellu ritrattu di donne spugliate ? I Scritti di a Bistuca ? I muntami scherzosi di u Sgaiuffu ? In tutti i casi avaranu u travagliu i nostri amichi aurodiputati, sopra più chì u Corsu ùn essendu ricunnisciutu, anu da mancà i traduttori !
Ma per avà si tratta piuttostu di misure più dolce, cum’è per undettu una labbelizazione cù un indice qualità.
In quale categuria ci mittarianu ? « Bloggu in lingua corsa, scherzosu, puliticamente scurrettu è certe volte gattivu », à noi ci cunvene. Per l’indice di qualità, pocu impreme, cum’ellu diciaria quill’altru : they don’t like us but we don’t care, ùn ci ponu patte ma ci n’impippemu !
Sappiate avale chì u Parlamentu aurupeu s’intaressa à voi, è soprattuttu à noi…
A Piazzetta priculosa ?
À dilla franca, Marianne Mikko, diputatu estunianna, o u so cumpare aurodiputatu tedescu Jorgo Chatzimarkakis (salute !), a Piazzetta ùn saparanu mancu ch’ellu asiste. Eppuru, sò inchieti… Per fallu à l’accorta, per elli, i bloghi pudarianu esse minaccia. È perchè ? Per via di a so multiplicazione è di a so banalizazione, sicondu à i nostri amichi diputati aurupei, sò di più in più aduprati da arnesi di lobbying o da internotti pochi rilighjosi, ciò ch’elli qualificheghjanu cum’è una « pulluzione di ciberspaziu ».
Cù i nostri « Ozzi » di i Chinesi militenti di a causa corsa, o di u Dalai Lama in Corsica, ci sariamu in drentu.
È cosa prupone u nostru Parlamentu aurupeu impauriti d’una libertà di sprissione scuntrullata per luttà contru à sti gattivi bloghi ?
Si sente parlà di filtraghji, di surviglianza di i cuntinuti…
Labbelizazione
Tandu, quale sarianu i nostri articulelli ad esse cinsurati ? Quelli di Sbanditu ch’ùn manca di sciaccà fendu nice di nulla un bellu ritrattu di donne spugliate ? I Scritti di a Bistuca ? I muntami scherzosi di u Sgaiuffu ? In tutti i casi avaranu u travagliu i nostri amichi aurodiputati, sopra più chì u Corsu ùn essendu ricunnisciutu, anu da mancà i traduttori !
Ma per avà si tratta piuttostu di misure più dolce, cum’è per undettu una labbelizazione cù un indice qualità.
In quale categuria ci mittarianu ? « Bloggu in lingua corsa, scherzosu, puliticamente scurrettu è certe volte gattivu », à noi ci cunvene. Per l’indice di qualità, pocu impreme, cum’ellu diciaria quill’altru : they don’t like us but we don’t care, ùn ci ponu patte ma ci n’impippemu !
Perchè ci vole à esse fiera d'esse una strega
