Accueil
Envoyer à un ami
Version imprimable
Partager

A notte americana

Eccu ciò chì s'hè veramente passatu a notte di a vittoria di Barack Obama.



A notte americana
22h11 : Quale hà da vince trà Romney è Obama ? À st'ora quì ùn si sà nunda è tuttu hè pussìbule.

23h30 : I primi scagni chjodenu in certi stati. I primi sundagi anu da cascà da quì à pocu.

23h37 : Si sà chì un risultatu impurtante serà quellu di l'Ohio, un swing state chì pò fà cascà a vittoria in un campu o in l'altru.

00h45 : D'appressu à e prime stime, Mitt Romney vince in i stati cunservatori di l'Oklahoma, di u Mississippi, di l'Arkansas, di l'Alta Rocca è di u Tàravu.

0h48 : Prima supressa, Fox News annunzia chì l'Alisgiani hà vutatu per Obama.

1h15 : Nant'à CNN, Sauveur Gandolfi-Scheit dice ch'ellu hà fattu vutà à Ronald Reagan.

1h17 : Casca u risultatu di U Borgu : Ronald Reagan ghjunghje in testa cun 85,7% di i voti.

1h22 : Paul Giacobbi ghjunghje in testa in u Massachusetts è in Moltifau.

2h12 : In Niolu, George Bush hè in testa (66%), davant'à Mitt Romney (18%) è Jean-Jean Castellani (16%).

2h14 : Arnold Schwarzenegger è Marcel Francisci facenu a suppa di musu. Francisci dichjara à Fox News chì : "je suis parfaitement confiant pour la victoire de Nicolas Sarkozy".

2h43 : Prima baruffa in diretta nant'à Via Stella. Paul Quastana vole scuzzulà à Sarah Palin, Stéphane Usciati si piglia un cazzottu.

3h01 : L'aviò di Paul Giacobbi è di Mimi Viola vene di ponesi in l'Ohio.

3h27 : Primi incidenti di voti à u Kansas è in San Gavinu d'Ampugnani.

3h29 : Frédéric Hantz hè sempre in testa in Vulpaiola.

3h45 : A fottocopiosa di a merria di Bastia casca in panna. Ancu di grazia, quella di Los Angeles nò.

4h32 : A vittoria d'Obama hè di più in più chjara. In Ponte Leccia si sèntenu e prime calibrate. À u bar "Las Vegas" è à "America Garage" si stuppa u champagne.

4h40 : Camille de Rocca Serra si ne rientra in casa soia. A vittora d'Obama hè vicina.

5h30 : "Les Obamistes d'Ajaccio" vanu à u Privilège è Simon Renucci si piglia una strambacata in buatta.

5h14 : CNN è CBS danu a vittoria à Barack Obama. Ùn manca più chè u risultatu di u Fiumorbu.

5h15 : Finalmente, Jean Zuccarelli raghjunghje u campu d'Obama.

6h30 : Dumè Bucchini dichjara "le milieu est aux portes de la Maison Blanche".

7h12 : Michel Stefani dumanda l'organizazione d'un novu "concalve de Venaco".

7h34 : I naziunalisti si riuniscenu : "nous ne donnerons aucune consigne de vote".

12h43 : Paul Canarelli dichjara in Corse-Matin chì "il existe une Corse qui évolue et qui s'en sort" (nò ùn hè micca una magagna in più). Pocu tempu dopu, Jérôme Ferrari vince u Goncourt.

13h00 : Obama serà u prussimu presidente di u mondu. Ma ùn v'inchietate, ùn scambierà nunda à a vostra vita.

u 7 di Nuvembre 2012



1.mandatu da Stonclette u 07/11/2012 15:50
U scambiera nunda à nostra vita, cumu so stumacatu di vede nantu à Facebook e altre cose i frase in inglese per sustene un candidatu alorra chi per Noi scambia nunda! In fattu i corsi u primu piace so l elezzione, ci vole à dumanda Che a corsica po vuta in mondu interu, cusi un ci sera mai piu prublemi ci sera l elezzione

2.mandatu da Duttore Guascu u 07/11/2012 15:56
Un conturesu magnificu, induve palmu à palmu si trema, si pienghje, si spera. Infine, simu salvi è aspettemu avà ciò ch´ellu hà da dì u sgiò Caraffa, alias Antone Ferracci, l'omu u più putente di Corti.

3.mandatu da Palaffasgiolu u 07/11/2012 16:00
vi site scurdati di u più impurtante :

12h15 : Paul-Félix Benedetti face sempre u musu.

4.mandatu da villuchilitonu u 07/11/2012 16:23
puttana, site propiu i più forti!!!!

5.mandatu da Gisbertu u 07/11/2012 16:27
dopu à u Goncourt pè Ferrari, à quandu u Pulitzer pè a Piazzetta ?

6.mandatu da ANTO u 07/11/2012 16:41
C'hè un sbagliu :America garage un hè micca in Ponte Leccia ma in Pedigriggiu e Pierrot un beiè micca champagne .

7.mandatu da U Palatinu u 07/11/2012 17:27
U più impurtante hè a vittoria di Jérôme Ferrari à u Goncourt !
Di què, sì, chì ci ne pudemu rallegrà assai !
Per quessa u ghjornu hè storicu !!!!!

8.mandatu da Petru - U ritornu u 07/11/2012 18:16
Cridite ch'ella hè intelligente di scherzà i naziunalisti chì ùn danu micca cunsigne di votu ? Chì fate voi per u populu corsu ? Site a ruvina di u populu corsu ! Jean Guy hà vistu què è s'hè fattu un'attaccu ! Bravu, site intelligenti mansa di sucialisti franc-maçons !

9.mandatu da Corsi-k u 07/11/2012 21:04
Bravi o ziteddi ! L'eti sciaccatu e pò bè.
(E sempri una campazioni à leghjavi)
Par contu meiu :
Aghju intesu dì in paesi ch'Obama aviva decisu di spatrià a parti di produzioni di i 4x4 americani cui, in Corsica. Dicini chi a man d´opara è a più bon' pattu. Ci sarà qualchi mercatu?
Hani dettu à a televisiò chi l'usini sò pronti à mova e chi la ghjenti aspetta u travagliu (Massimu l'Orezzinchi)
Arisera à a Mizana un hani pussutu vutà ch´era passata, u ghjornu inanzu, a timpesta Sandy.Di fatti m'hani dettu chi a Gravona tuccava a Cuttulesa, ma cuista un l'aghju pussutu creda...

10.mandatu da Lafrançapeur u 08/11/2012 01:21
Quandu a realità diventa peghju chè a fizzione :

Des élus ajacciens saluent la réélection de Barack Obama

Le maire d'Ajaccio, Simon Renucci, mais également trois conseillers généraux - Marcel francisci, François Casasoprana et Stéphane Vannucci - et une adjointe au maire d'Ajaccio - Anne-Marie Luciani - commentent la réélection du candidat démocrate. Ils expriment tous leur satisfaction mais reconnaissent sans détour que l'impact de cette victoire reste minime pour la France et les Français.


MWAHAHAHAHAHA !!!!

11.mandatu da Youyou u 08/11/2012 13:06
U clanu hà funziunatu una volta di cù Obama è i so cunsiglieri Domarchi è Viola. Da Chicago à Sant´andria di u Cotone c'hè a listessa voluntà di serve i so clienti (elettori scusate). L'America si n'arricurderà dendu impieghi per quale s'hè sapiutu inchinà.

12.mandatu da è l'indiani allora ? geronimo è cumpagnia ? u 08/11/2012 18:58
induvè s'hè passatu u votu di l'indiani? è l'isoloir era un' tippi ò un' pagliagliu ?

13.mandatu da J G u 10/11/2012 08:18
Obama pe pare di i nostri , basta a metteli a banda bianca in giru a u capu e cusi serà u fratellu di a nostra bandera

14.mandatu da Ulongu u 14/11/2012 11:58
Qualessa seria a pieve corsa chì currispunderia à u Texas ?

Assai calibri, ultra-dritta, micca ciarbellu...

Innò ! Ùn esiste micca un tal' locu ind'è noi.

Novu cumentu :