Accueil
Envoyer à un ami
Version imprimable
Partager

Attentatu à a ciavatta contr'à George Bush

In Irak, un giurnalistu chì mughjava "à bas Bush !" hà lampatu e so ciavatte nant'à u presidente americanu...



Muntadar al-Zeidi hè in traccia di diventà l'idulu di u mondu musulmanu. Lampendu in faccia e so ciavatte à George W. Bush durante una visita surpresa, u giurnalistu iracchianu hè celebratu cum'è un eroe

Averete siguramente vistu a scena di l'omu, ughjulendu in piena cunferenza di stampa "hè u to basgiu d'addiu, o spezia di cane !" è lampendu e so ciavatte (taglia 44) in faccia di Bush.

L'episodiu còmicu hè ripigliatu nant'à u net. Nant'à Facebook si multiplicheghjanu i gruppi di sustegnu à u giurnalistu imprigiunatu. In Irak si pensa à dichjarà u 14 dicembre "ghjurnata internaziunale di u scarpu".

A videò nant'à a tela face u giru di u mondu è da per tuttu u gestu hè diventatu u sìmbulu di a resistenza à l'imperialisimu americanu. Stu paghju d'espadrille hà fattu di più per a causa anti-US ch'è l'azzioni di Fidel Castro, Mahmoud Ahmadinejad è Hugo Chavez reuniti.

Si ritene dunque ch'elli si ponu dinù fà attentati cù un paghju di scarpi. Dopu à u sumere kamikaze in Afganistanu, eccu un antru modu d'attentatu orìginale.

Muralità : un paghju di vechje ciavatte ponu fà certe volte di più male ch'è una bomba...

"Da rifletteci", dicia quellu.

Attentatu à a ciavatta contr'à George Bush

u 16 di Dicembre 2008
Antone Dockside



1.mandatu da estrimei u 16/12/2008 08:46
he un veru pattone sciaccatu a l' America e a i so caniolli .
ancu ghjurnalisti, ci he sempre ghjente capace di difende a so dignità. li mandu un salutu rispettuosu

2.mandatu da GWM u 16/12/2008 09:45
piuttostu "à bas"?
e ùn vi scurdate di Krucceff à l'UNU in u 1960, martellandu u so scagnu incù un scarpu...


3.mandatu da Piratella u 16/12/2008 10:33

Magnificu! Què hè un modu faciule, senza bisognu di priparazione, si pò fà n'importa induve, a lampata di scarpi hà l'avvene davanti à ella, in Corsica ci seria da fà ...

Ma micca e mo Geox! Ùn l'aghju micca da arruinà nantu à i capi di i nostri capizzoni! Ci vulerà à echippassi.


4.mandatu da scarpe diem u 16/12/2008 11:25
evvivanu i revuluziunarii in Mephisto !

5.mandatu da ZIU ANTO U PURCAGHIU u 16/12/2008 11:34
eiu lampreghiu a Cameddu o a Anghilu è mio botte doppu andatu a da a manghià i purceddi . Cio chi a merda purteria felicità . . . .

6.mandatu da ZIU ANTO U PURCAGHIU u 17/12/2008 10:55
un si dicè mica " botte" ma i stivali. . .

7.mandatu da Ziu Dumè u 18/12/2008 10:54
À sente l'ultimi puttachji nant'à quellu affare, Barrack Obama, impauritu da a ciavattata, si seria dettu decisu à urganizà e so cunfarenze di stampa incù giurnalisti musulmani in una muscata, duve ella si si scalza a ghjente... Infine un tippu sennatu à Washington!

8.mandatu da U Pastore Arrabbiatu u 18/12/2008 12:01
Aio ! Quist'annu, d'estate : colpi di tong in faccia di tutti ssi pipulacci !

Basta di piglia una foto prestu prestu e mandatela a lu vostru webmaestru caru..

9.mandatu da Carlucciu u 18/12/2008 12:15
Nant'à l'aria di "tomber la chemise": Lampaaaate, lampate le ciavatte!!!....

10.mandatu da Un colpu di 'pompa' u 18/12/2008 16:21
ben'intesu:

http://sockandawe.com/

11.mandatu da antò u 19/12/2008 15:33
eccelente stu ghjocu !!!

à quandu a spulera di MEINDL nant'à i nostri puliticanti ???

12.mandatu da Coco di Vicu u 01/01/2009 04:09
Cio vuleria ùn pocu à ciavatà u giò Santini in a CTC ! ^^^^

Novu cumentu :