Accueil
Envoyer à un ami
Version imprimable
Partager

Attenzione, travaglià troppu rende bestia

Hè Le Monde chì publicheghja un studiu americanu nant'à e cunsequenze di u travagliu intensivu. Noi ci ne dubbitavamu, ma hè una bona nutizia : ùn hè micca cunsigliatu di travaglià troppu.



Attenzione, travaglià troppu rende bestia
In piena frenesia sarkozista di u "travailler plus", à un mumentu induve i passiunati di l'ore supplementarie, i Thatcheriani è e cruciacce di u MEDEF vi rompenu e stacche cù u so travagliu, eccu una nutizia d'impurtanza maiò.

Le Monde hà ripigliatu stu studiu di The American Journal of Epidemiology.

A cunclusione ùn ferà micca piacè à Sarko ma segondu i scentifichi ùn ci hè dubbitu : travaglià troppu rende zòticu !

Quelli chì travaglianu più di 55 ore à settimana anu risultati menu boni ch'è quelli chì travaglianu 40 ore in i test di vucabulariu è di ragiunamentu.

Avà hè dunque pruvata di manera scentifica. Travaglià troppu ùn face micca prò per e vostre capacità mentale. Di più stress, di più pressione, gattiva igiena di vita, gattivu sonnu...

Risultatu : u vostru cerbellu s'hè ammullitu, site diventatu un catinu chì ùn s'interessa più à nunda. In fin'di contu site più vicinu da u lonzu ch'è da l'umanu.

Invece, quelli chì travaglianu menu, anu di più tempu per leghje, andà à u sinemà, sunnià, sorte cun l'amichi, fà una attività spurtiva o culturale, o ancu stassine in casa à surfà è chjachjarà nant'à apiazzetta.com.

È trippa per i sarkozisti è u "gagner plus" !

u 5 di Marzu 2009
U Sgaiuffu



1.mandatu da henry smart u 05/03/2009 03:45
Mi rallegra u core è u ciarbellu stu studiu americanu. E pò s'elli a dicenu l'americanu sera po vera nò !?!? Mi dicia sempre chè di core appressu u travagliu mi fecia perde qualcosa. Ch'ùn si pudia cantà è purtà a croce attempu. U cantu essendu a to voglia intantu ch'omu bramosa d'esse altru affare ch'un schjavu di u sistema , è a croce quella di u travagliu ben intesu. A mi pensava sempre chì luntanu di 'ssa visione tatcherianu è sarkozista di u travagliu cum'è tù dici sgaiuffu c'era un antra manera di cuncipisce u travagliu : travaglià a leia suciale interressendu si di più à i nostri amichi, vicinu ecc ; travagliu culturale per primurà si di sughjetti menu vicini di i nostri capatoghji cutidiani ; travagliu sessuale è affettivu per inventà sempre nove pusizione chì un ghjornu o l'altru ùn si ne facenu più sè u travagliu c'accapa troppu , travagliu educativu sè no simu primurati di trasmette qualcosa di riccu à i nostri figlioli (cum'è passà u tempu cun elli ch'elli vi sentinu parlà u corsu) , travagliu militante per visticà ciò chì pone prublema ind'a nostra sucietà oghjinca...puderebbe cuntinuà cusì sin'à ab eterna .
Per compie hè vera ch'elli ci rompenu e stacche tutti sti guardiani di a murale di u travagliu. Senza parlà di ste rocce (scusa per i patroni amichi) di u medef, ci sò quelli chì tutti i ghjorni vi ramentanu chì "ci vole à travaglià di più"..."chì avà tutti i giovanu sò corci"... "chì tandu si serebbe micca passatu cusì '...
Eiu a dicu cusì : travaglià menu difatti vole dì d'una certa manera "travaglià "di più in tutti i sensi , è dunque campà megliu.

2.mandatu da Piratella u 06/03/2009 16:19

Avà, ci hè travagliu è travagliu. V'arricumandu a pirateria, ci campemu, scuntremu assai mondu differente (bò, di modu un pocu uriginale, ma basta à esse curtesi è tuttu si passa bè), viaghjemu, ci empiimu e stacche è ci arricchimu u cerbellu.

Simu artisti noi, ma micca sbaiuccati...LOL

3.mandatu da sacrozyzy u 06/03/2009 17:34
o piratelle c koi lol

4.mandatu da Nimu u 08/03/2009 13:48

Cusì saremu tutti simpliciotti ma felici d'esse lu.
Chi un saperemu mancu chi si puderia stà megliu.

5.mandatu da Culomba1 u 08/03/2009 23:32

Ci hè quantunque un difettu in u ragiunamentu : Cunnoscu assai catini ch'ùn travaglianu tantu, ma ùn facenu nunda altru nemmenu, d'interessante vogliu dì ...è sò propiu stupiti...

6.mandatu da henry smart u 09/03/2009 18:38
Ai a ragiò, Culomba ! Hè piuttostu a murale fatta nant'u travagliu chì ci vole à cumbatte è micca u travagliu stessu ch'ùn hè micca solu un stantapane

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta