Chì merendella site ?

Ci sò quelli chì anu bisognu di marchjà 3 ore per fassi un spuntinu in a natura, è ci sò quelli chì stanu in paese. Hè l'occasione d'incende i forni. Bastelle, torte à l'erbe, migliacci, canistrelli... Chì ci hè di megliu ch'è u piacè di a robba calda chì sorte di u fornu ?

Fave corse, pane bio, pomidori senza OGM, radichji di u giardinu è quantunque appena di vinu. Hè nata a merendella nustrale, ma gluten free. Ma ci volenu i bichjeri assurtiti à a tuvaglia. Classa. Pè a salute, hè a megliu. Ma bella sigura, hè a più cara.

Per l'accaniti di u trail, a merendella serà l'occasione di pruvà e so ultime Salomon. U pranzu serà fattu di barre energetiche è d'Isostar. Ritornu previstu di notte, cù a frontale.

P'tit rosé bien frais, sushis è musichetta electrò. Basta à truvà un stabilimentu apertu u luni di Pasqua. Di tutte e manere, anu tutti a listessa decurazione, è i listessi sushis.

Piste sangherate, ricciate sbrimbate, mare arruvinatu è puzza di fume. Andate più in furia, andate in quad.

Una merendella senza Curly ùn hè micca tuttu à fattu una vera merendella.

Ogettu essenziale di a merendella : a grossa ghjaccera turchina piena di cotru chì pesa trè tone. Indispensevule pè a pastizzata.

Attenzione quantunque, ùn hè micca a più light. Bisognu à fassi quattru o cinque colla è fala di San Petrone per eliminà.

Pane casanu, prisuttu AOC, veri migliacci à u furmagliu, sturzapreti, frittelle, fiadone, campanili, caccavelli è micca vinaccia. Prezzu : un bracciu.

Eh iè, costa caru di circà di campà à l'usu corsu...