Di fatti, l’idea di fà st’inchiesta rivene à un circadore chì hà vulsutu verificà s’elli dicianu a verità i Mantini. À sente li, serianu tranchji i prufessori di corsu, l’impiegati municipali ma ancu quelli di a DDE è tira avanti è tocca ! Hè vera ch’ella hè longa a cumpagnia, ci fate forse parte, ancu voi !
Dunque, stu circadore s’hè messu in capu di verificà l’affirmazione di sti dui cantadori bastiacci. Ci vulia à falla perchè dece anni fà, u Cumitatu Gorsu di i Tranchji (pocu sbagliu nò ?) avia purtatu una lagnanza in tribunale per disingannà u populu corsu ! Aiò, ùn ci hè male ! Ùn simu bastiacci tutti ? Hè macagna què ! Ci volerà andà in tribunale per sapè o nò, s’elle travaglianu ste ghjente ? E vidimu nò ?
Fatt’è fine chì a squatra di ricerca di u nostru scentificu hà spalancatu una porta aperta !
Aiò, ma parenu fole ! Averanu bisognu quessi di studià ottu o dece anni per sapè chì u travagliu runzicheghja u core ? Noi altri Corsi, privi d’Università durante dui centu anni è ancu di più, a sapiamu digià… Hè vera chì ùn l’aviamu micca detta cusì. Ma ticchi tocchi, i nostri vechji, a soia a cunniscenza, invece d’allungà la in articuli scentifichi, a mettianu in pratica. Ùn hè cusì chè no simu diventati famosi ? Guardate sti vechjetti posati nant’à un bancu in Astérix… Pensate à quellu saviu chì si face una sunata à u frescu nanzu di travaglià, perchè dopu, in a serata, serà ora di chjinà si. Arricurdate vi di sti resistenti Corsi chì si gudianu a pace di u sole invece di custruì a strada trà Aleria è Mariana…
A dicianu i furesteri, ùn hè a lingua chì face a nostra identità ! Sò fughjichje què ! Hè a cultura chì preme u più. Hè a cunniscenza. Secondu i Cantelli, serebbe a « cunniscenza di u corpu umanu »… Per esse Corsu, basta à esse tranchju o laziosu ! Di e volte, l’avemu pigliatu male stu cumplimentu cusì ghjustu. Sarebbe ora, avà chè no sapimu ch’ella hè una qualità d’esse tranchju, di fà attu di pentimentu versu tutti sti omi onesti chì ci anu praticatu è chì anu sappiutu capì l’essezza corsa è mette in risaltu a saviezza di stu populu ! Di fatti, ciò chì li mancava u più à l’antichi, ghjè l’auturità ch’elli t’anu avà i scentifichi. Iè, « di qualità anziane, bisognu ci n’hè dinù » !
Gloria à voi, anziane linguacce !
Eppuru, ùn hè ancu sporgu u celu. Chì ne serà di a nostra manera di campà cusì astuta, in armunia incù l’umanu ? A sapite cum’è mè chì, à vulè la o à ùn vulè la, simu imbarcati in a mundialisazione è ch’ella ci face perde a nostra identità. À l’avvene, si puderà sempre esse Corsu è tranchju ? That is the question !
Ancu di grazia chì di regula, secondu st’inchiesta scentifica, a sperenza di vita d’un « prof de corse… » sarebbe più alta ch’è quella d’un antru prufessore. A dicenu cusì e statistiche. Ci hà da nasce trà elli ! Hè impenseritu u ministru di l’educazione. Digià ch’elli eranu funziunarii i prufessori, ma avà, t’anu l’argumenti. Dicenu chì a francufunia ùn si puderà mantene chè à patti è cundizione ch’elli campinu l’insignanti. Hè un argumentu quessu, chì ùn si pò parà. U lubingu culturale li porta à dumandà avà una prima di risicu. « Prufessore stressatu, lingua persa », anu scrittu i prufessori d’inglese è di francese, à l’intrata di u liceu di Bastia.
Accantu à a pulitica culturale di u guvernu, pare ch’ella fussi rimessa in causa a pulitica ecunomica dinù. U mottu « travagliate di più per vince di più », seria rimpiazzatu da « travagliemu di menu per campà di più ». Quaranta anni dopu maghju 68, l’auturità temenu un maghju 2008 ! Tandu, dapoi sta mane, cala u valore di u CAC 40 à a borsa di Parigi. S’aspetta una chjusura à -5,37%. S’impenseriscenu avà i marcati fianziarii americani. Si dice chì Wall Street puderebbe apre pigliendu a falata !
In Corsica, a paura di a ghjente sarebbe d’esse incausata in tamantu cumbugliu ecunomicu. Ancu s’ellu si svanisce u cuntenutu di u Noi, u disprezzu di noi altri, per contu soiu, ùn hè ancu à stancià si. Serianu incausati quelli scentifichi per cumplicità d’associu di malfattori in leia cù un impresa regiunale di macroterrurisimu ecunomicu. Chì tanti Al-quaida, t’avemu noi u laziu corsu…
cliccate quì!
Dunque, stu circadore s’hè messu in capu di verificà l’affirmazione di sti dui cantadori bastiacci. Ci vulia à falla perchè dece anni fà, u Cumitatu Gorsu di i Tranchji (pocu sbagliu nò ?) avia purtatu una lagnanza in tribunale per disingannà u populu corsu ! Aiò, ùn ci hè male ! Ùn simu bastiacci tutti ? Hè macagna què ! Ci volerà andà in tribunale per sapè o nò, s’elle travaglianu ste ghjente ? E vidimu nò ?
Fatt’è fine chì a squatra di ricerca di u nostru scentificu hà spalancatu una porta aperta !
Aiò, ma parenu fole ! Averanu bisognu quessi di studià ottu o dece anni per sapè chì u travagliu runzicheghja u core ? Noi altri Corsi, privi d’Università durante dui centu anni è ancu di più, a sapiamu digià… Hè vera chì ùn l’aviamu micca detta cusì. Ma ticchi tocchi, i nostri vechji, a soia a cunniscenza, invece d’allungà la in articuli scentifichi, a mettianu in pratica. Ùn hè cusì chè no simu diventati famosi ? Guardate sti vechjetti posati nant’à un bancu in Astérix… Pensate à quellu saviu chì si face una sunata à u frescu nanzu di travaglià, perchè dopu, in a serata, serà ora di chjinà si. Arricurdate vi di sti resistenti Corsi chì si gudianu a pace di u sole invece di custruì a strada trà Aleria è Mariana…
A dicianu i furesteri, ùn hè a lingua chì face a nostra identità ! Sò fughjichje què ! Hè a cultura chì preme u più. Hè a cunniscenza. Secondu i Cantelli, serebbe a « cunniscenza di u corpu umanu »… Per esse Corsu, basta à esse tranchju o laziosu ! Di e volte, l’avemu pigliatu male stu cumplimentu cusì ghjustu. Sarebbe ora, avà chè no sapimu ch’ella hè una qualità d’esse tranchju, di fà attu di pentimentu versu tutti sti omi onesti chì ci anu praticatu è chì anu sappiutu capì l’essezza corsa è mette in risaltu a saviezza di stu populu ! Di fatti, ciò chì li mancava u più à l’antichi, ghjè l’auturità ch’elli t’anu avà i scentifichi. Iè, « di qualità anziane, bisognu ci n’hè dinù » !
Gloria à voi, anziane linguacce !
Eppuru, ùn hè ancu sporgu u celu. Chì ne serà di a nostra manera di campà cusì astuta, in armunia incù l’umanu ? A sapite cum’è mè chì, à vulè la o à ùn vulè la, simu imbarcati in a mundialisazione è ch’ella ci face perde a nostra identità. À l’avvene, si puderà sempre esse Corsu è tranchju ? That is the question !
Ancu di grazia chì di regula, secondu st’inchiesta scentifica, a sperenza di vita d’un « prof de corse… » sarebbe più alta ch’è quella d’un antru prufessore. A dicenu cusì e statistiche. Ci hà da nasce trà elli ! Hè impenseritu u ministru di l’educazione. Digià ch’elli eranu funziunarii i prufessori, ma avà, t’anu l’argumenti. Dicenu chì a francufunia ùn si puderà mantene chè à patti è cundizione ch’elli campinu l’insignanti. Hè un argumentu quessu, chì ùn si pò parà. U lubingu culturale li porta à dumandà avà una prima di risicu. « Prufessore stressatu, lingua persa », anu scrittu i prufessori d’inglese è di francese, à l’intrata di u liceu di Bastia.
Accantu à a pulitica culturale di u guvernu, pare ch’ella fussi rimessa in causa a pulitica ecunomica dinù. U mottu « travagliate di più per vince di più », seria rimpiazzatu da « travagliemu di menu per campà di più ». Quaranta anni dopu maghju 68, l’auturità temenu un maghju 2008 ! Tandu, dapoi sta mane, cala u valore di u CAC 40 à a borsa di Parigi. S’aspetta una chjusura à -5,37%. S’impenseriscenu avà i marcati fianziarii americani. Si dice chì Wall Street puderebbe apre pigliendu a falata !
In Corsica, a paura di a ghjente sarebbe d’esse incausata in tamantu cumbugliu ecunomicu. Ancu s’ellu si svanisce u cuntenutu di u Noi, u disprezzu di noi altri, per contu soiu, ùn hè ancu à stancià si. Serianu incausati quelli scentifichi per cumplicità d’associu di malfattori in leia cù un impresa regiunale di macroterrurisimu ecunomicu. Chì tanti Al-quaida, t’avemu noi u laziu corsu…
cliccate quì!
Per San Valentinu, manda a to cartulina d'amore pulitica
