Ci volerà à minà i zitelli?
Di fatti, u risultatu maiò u studiu hè chì d'esse troppu bravacciu incù i bavacciuloni, ùn permette micca di stuzzicà li u cerbellu. Prova si n'hè, quandu zitelli di 10 anni stanu à sente à l'Adagietto di Mahler sò più tristi chè s'elli stanu à sentu à l'«Eine Kleine Nacht Musik» di Wolfang Amadeus Mozart...
Dopu à avè manipulatu l'estru di i zitelli, i "circadori" li anu dumandatu di realizà una prova di geumetria. Li tuccava à identificà u più in furia pussibile forme piatte in un disegnu. Contr'à l'attesa di i circadori, sò i zitelli i più musuloni, quelli chì avianu intesu à stu tippacciu di Mahler, chì sò stati i più capaci... Pare ancu chì Xavier Darcos, u ministru in vacanze di l'educazione vulerebbe rende ubligatoriu u schjaffu matinale... Quistione di cugnizione è d'affirmazione di l'auturità di u maestru!
Ci vole à fà pienghje i muccicosi !
Megliu! Anu fattu un antru studiu incù zitellacci di 6 è 7 anni. Dopu à avè li fattu vede passi di filmi felici o tristi, si sò avvisti chì ùn era a tristezza chì accrescia e capacità intelettuale di i zitelli, ma a so cuntentezza. Chì hè cuntentu cum'è un pichju, travaglia cum'è una capra... Ci vulia à pensà ci!
E reazzione...
Capizzone in fatti di cummunicazione è reattivu assai, u rettore di l'Accademia di Corsica ùn pudia stà bocchichjosa dopu tamanta scuperta. Hà subitu decisu di fà sente una canzona di Felì, à i nostri zitelli...
Antra reazzione, più azeza, quella di l'olfattologhi è di i circatori in puzzulugia di l'Università di Teghjime. Dicenu elli chì secondu un usservazione longa longa di u cumpurtamentu di i zitelli, dopu un oretta di sportu, quandu elli tornanu in scola, a so cuncentrazione seria pessima. Trà parechje ipotesi, pensanu chì ùn seria micca solu cagiunatu da l'emuzione...
Megliu, in un cummunicatu esciutu appena avà, u cullettivu contr'à u PADDUC prupone di fà sunà u murtoriu in i curridori di l'Assemblea di Corsica. Speranu cusì discità u cervellu di tutti l'eletti chì anu un encefalogramma pianu pianu... Ma tandu, ùn si tratterebbe più di scuperta scentifica o di psicuterapia ma di miraculu!!!
Di fatti, u risultatu maiò u studiu hè chì d'esse troppu bravacciu incù i bavacciuloni, ùn permette micca di stuzzicà li u cerbellu. Prova si n'hè, quandu zitelli di 10 anni stanu à sente à l'Adagietto di Mahler sò più tristi chè s'elli stanu à sentu à l'«Eine Kleine Nacht Musik» di Wolfang Amadeus Mozart...
Dopu à avè manipulatu l'estru di i zitelli, i "circadori" li anu dumandatu di realizà una prova di geumetria. Li tuccava à identificà u più in furia pussibile forme piatte in un disegnu. Contr'à l'attesa di i circadori, sò i zitelli i più musuloni, quelli chì avianu intesu à stu tippacciu di Mahler, chì sò stati i più capaci... Pare ancu chì Xavier Darcos, u ministru in vacanze di l'educazione vulerebbe rende ubligatoriu u schjaffu matinale... Quistione di cugnizione è d'affirmazione di l'auturità di u maestru!
Ci vole à fà pienghje i muccicosi !
Megliu! Anu fattu un antru studiu incù zitellacci di 6 è 7 anni. Dopu à avè li fattu vede passi di filmi felici o tristi, si sò avvisti chì ùn era a tristezza chì accrescia e capacità intelettuale di i zitelli, ma a so cuntentezza. Chì hè cuntentu cum'è un pichju, travaglia cum'è una capra... Ci vulia à pensà ci!
E reazzione...
Capizzone in fatti di cummunicazione è reattivu assai, u rettore di l'Accademia di Corsica ùn pudia stà bocchichjosa dopu tamanta scuperta. Hà subitu decisu di fà sente una canzona di Felì, à i nostri zitelli...
Antra reazzione, più azeza, quella di l'olfattologhi è di i circatori in puzzulugia di l'Università di Teghjime. Dicenu elli chì secondu un usservazione longa longa di u cumpurtamentu di i zitelli, dopu un oretta di sportu, quandu elli tornanu in scola, a so cuncentrazione seria pessima. Trà parechje ipotesi, pensanu chì ùn seria micca solu cagiunatu da l'emuzione...
Megliu, in un cummunicatu esciutu appena avà, u cullettivu contr'à u PADDUC prupone di fà sunà u murtoriu in i curridori di l'Assemblea di Corsica. Speranu cusì discità u cervellu di tutti l'eletti chì anu un encefalogramma pianu pianu... Ma tandu, ùn si tratterebbe più di scuperta scentifica o di psicuterapia ma di miraculu!!!
I più belli tweets di François Fillon
