Accueil
Envoyer à un ami
Version imprimable
Partager

Dopu Facebook è Failbook, a CTC crea u Corsicanbook...

Cuniscite tutti à Facebook, u situ duve ognunu si pò fà "amicu" incù i pippoli di u mezu mondu. Pudete parlà à Britney Spears, à Brad Pitt, à Laetita Casta è ancu à u Sgaiuffu... Dipoi, si multiplicheghjanu i siti chì ripiglianu l'idea di Facebook, ficchendu ci un suppulu di scherzu in più... Hè cusì ch'ellu hè natu u situ www.failbook.fr...



Dopu Facebook è Failbook, a CTC crea u Corsicanbook...
Failbook

Ci truverete quì a reta di i puliticanti francesi. Ci amparate per esempiu chì un certu David M hà creatu u gruppu "Jean S m'a tuer" o chì François F "s'impulvineghja in qualchì scornu di Matignon" è chì a so emissione preferita hè FBI, portés disparus... Ancu Arlette L ci si mette. Pare ch'ella averia creatu un appiecazione, vole si dì un quistiunariu : "Chì travagliadora sì?". In quantu à Brice H, impenseritu di risparmià i soldi di u Satutu, averebbe dumandatu à u pidone Olivier B :"Combien coûte un colissimo d'environ 50kg vers Bamako ?"... Allora, aghju circatu s'è una parudia simule à quessa ùn esistia micca nant'à l'eletti cursini...

U Facebook di l'eletti corsi...

Andate puru, a rumpitura numerica ùn ci cuncerna micca. Ùn simu stati l'ultimi à ghjucà i puliticanti à a risa. Quale hè chì avia dettu ch'elli eranu musoni i Corsi? Andate puru quì è viderete i più belli, i più unti, i più fini, i più putenti di i pulitichi nustrali. Ceri pezzò... Peccatu quantunque ch'elli ùn fussinu micca tutti tutti famosi. Sò sicuru chì manchemu qualcosa... È allora, duie risate ùn facenu male à nisunu! Tenite per esempiu à ANM, l'eletta Mitraglietta. Una parolla, una cacciata... À dilla franca, unepochi di i nostri eletti, ùn la sapia mancu ch'elli eranu nati. Ma hè vera chì per scialà si la cinque anni o ancu di più à u frescu di l'Assemblea di Corsica, certi lazaroni pò, pudianu nasce...

u 29 d'Aostu 2008
Sbanditu



1.mandatu da Vincente u 29/08/2008 08:31
pé truva u situ... failbook.fr piuttostu chè failbook.com
John MC

2.mandatu da Sbanditu u 29/08/2008 08:58
à ringrazià ti. U sbagliu hè statu currettu.

Novu cumentu :