A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

Fanfan Vendasi vince u Rond-Point Academy

Tutti l'anni di Natale, da Lucciana à Bastia, hè a guerra di i giratoghji...



Ùn a sapete forse micca, ma tutti l'anni di dicembre si travaglia duru in e merrie di Lucciana, Borgu, Biguglia, Furiani è Bastia. I cunsiglii municipali diventanu cunsiglii di guerra è ci vole à preparà a battaglia.

L'oghjettivu : chì u giratoghju di a cumuna sia u più bellu di a strada naziunale. Chì l'automobilisti chì piglianu a RN 193 trà Bastia è Casamozza sianu incantati da u rond-point di u sgiò merre è ch'elli sianu felici u tempu d'una corsa à Bricosphère o à Conforama. À A Piazzetta, avemu fattu a nostra inchiesta nant'à stu fenòmenu...

U BORGU

Popol & Anne-Marie Natali anu fattu un bellu sforzu quist'annu. U giratoghju hè schjaritu di belle ghirlande di culore turchinu chì cinnuleghjanu. Tutti i dui minuti, i lumi sò tutti accesi in listessu tempu ciò chì dà un bellu effettu maestosu à un locu di solitu cusì affannosu. Appena cum'è pè a Tour Eiffel. Bon, hè menu impressiunante è costa menu caru, ma hè megliu ch'è l'anni passati induve u giratoghju burghisgianu facia appena pietà.


BIGUGLIA

U merre Sauveur Gandolfi-Scheit hà fattu in u classicu è a sobrietà pè u so giratoghju. Un semplice traineau luminosu senza fisichette è grandi effetti. Quand'ellu si pone a dumanda à i servizii di a merria di Biguglia, vi rispondenu chì elli almenu, ùn anu micca bisognu di decurà u so rond-point cum'è certi pè turnà à fà eleghje u so merre. Hè detta.

BASTIA

Custì dinù, si face in u classicu. Una spezia di piràmida luminosa, un traineau più o menu schjaritu è una torra, sìmbulu di a cità. Bon, e decurazioni si cunfondenu appena cun quelle di u Monoprix in faccia, ma almenu a fattura d'elettricità ùn serà micca salita pè Emile Zuccarelli.

FURIANI

Attenzione, s'entre ind'è U spezialistu MUNDIALE di e decurazioni di Natale di giratoghji : Fanfan Vendasi. Si dice ch'elli venenu apposta da Los Angeles è da Tokyo pè cupià i decori di u giratoghju di Furiani. Ci vole à dì ch'elli sò parechji anni chì u merre face l'affari cum'ellu ci vole. À ogni annata u so tema. Avemu digià avutu l'animali di u Polu Nordu cun iglù, Blanche Neige è i sette nànnuli, e piràmide d'Egittu, i cosmonautes è u spaziu... Ma induve anderanu à circà tuttu què ? Quist'annu ci hè appena di tuttu è u giratoghju si vede da luntanu. Vendasi hè l'omu chì hà inventatu u giratoghju bling-bling. Culori vivi, fiamme, lumi, persunagi animati... Avete da vede chì un annu Fanfan ci hà da delucalizà Disneyland in Furiani. Cum'è decurazioni, ci hè di tuttu : babbu natale, orsi bianchi, mamouth, ometti di neve senza neve... U giratoghju furianacciu hè diventatu una stituzione è si vene da a Corsica sana per fassi fotografià in u Rond-Point à Fanfan.

Quist'annu torna, hè ellu chì vince u premiu di u più bellu giratoghju. Spiega un delegatu à u giratoghju di una cumuna vicina chì vole firmà anònimu : "Ca devient de plus en plus tendu entre équipes de décorateurs de ronds-points. Il y a régulièrement des actes de sabotages. Mais Fanfan, il est indétrônable. On peut pas lutter. Tous les ans, il réserve une surprise. En 1998 ils avaient fait la déco avec des personnages d'Astérix, comment deviner ? Une autre fois il avait fait les animaux de la jungle en plein hiver. L'an prochain ça sera quoi ? Les dinosaures ? Star Wars ? Des playmobils géants ? La compagnie créole ? Le PSG ? Seule une faillite de la commune de Furiani peut nous sauver la vie et à ce moment là on pourra rivaliser"...

Truvate ch'ellu hè ridicula? Forse, ma sàppiate chì in sti tempi di crisi è d'angoscia, u bisognu d'illuminazioni di natale ùn hè mai statu cusì forte. Ogni quartieru dumanda u so Papa Noël è a so ghirlanda. Di più in più si lagnatu chì e decurazioni sò troppu triste, micca abbastanza culurite, ch'elle ùn spampilluleghjanu micca abbastanza. Bisognu d'appena di sognu è di magia di Natale nanzu di vultà à un cutidianu di più in più duru...


Fanfan Vendasi vince u Rond-Point Academy

u 26 di Dicembre 2008
U Sgaiuffu



1.mandatu da Mariu u 25/12/2008 23:23
Ma cumu ferà Fafan : ci vuleria à intervistà lu da sapè ne di più nant'à e tecniche ch'ellu mette in ballu, cù i servizii di a Merria di Furiani, per fà tutti l'anni di u so Giratoghju u più incantevule di a Corsica sana è ancu aldilà ... ùn hè micca Senatore per nunda ...

2.mandatu da MARIA u 26/12/2008 09:08
Sapeti si Vendasi hè vuluntariu par dà cursi di decurazioni à quidd'altri merri di Corsica ? In Portivechju pensu ch'iddi t'hani bisognu di cursi intensivi...

3.mandatu da circinelludiguagn�nativup�liguagnesusosanguaversatu u 26/12/2008 09:34
"Des playmobils géants ? La compagnie créole ? Le PSG ? " ;=)

4.mandatu da Ziu Dumè u 26/12/2008 10:57
Seria stata bè di cunosce u costu di i giratoghji. Seria capace à dà ci u giracapu...

5.mandatu da ZIU ANTO U PURCAGHIU u 26/12/2008 12:00
ho!!!ho!!! ma un n'avetè vistu nunda voi altri ! ! ! a MONACO hè mille volte di piu bedu chè in Furiani.U PRINCIPE ALBERT face è cosè cusi bè. Fanfan Vendasi un di leia ancu i scarpi!! ! ! ! !

6.mandatu da Stè Serra u 26/12/2008 13:25
In Calvi allora, u viodu siderale, giratoghji ci n'hè 5 da l'imbrancamentu di Calinzana sin'à in cità stessa hè so assai luntani da l'effetti di u giratoghju di furiani, mi diaciarete hè nurmale perchè chi in furiani ci n'hè macà unu ma bon, quantunque puderebbenu fà un sforzu, soprattuttu chi Calvi ci hè una citadella cù in a cuntinuità a cità chi si stende dunque un pianu bellucciu à u naturale è ci sarebbe a pussibilità di valurizà issu patrimoniu architetturale...infine e feste in Calvi so state d'una tristezza, ùn vi ne contu nunda! Alè da qui à dece ghjorni tuttu hè compiu hè passaremu à a priparazione di a stagione 2009 è videremu tutti i cummercianti ch'anu chjosu u 30 sittembre dà una sbiancata à i so stabilimenti è aspettà fendu un intrenamentu cuttidianu à apre e bracce di manera à accoglie i turisti ad abbracciate....alè, à a prossima, in tutti casi cuntinuate cusi a piazzetta, ghjè un incantu di leghje vi...ghjustu pà divvi chi u Svegliu Calvese urganizeghje sta dumenica 27 u primu "caffè paisanu" à u caffè l'oasis in Calvi di siratina, u tema principale trattatu in lingua corsa di sicuru, saranu e feste di fin'd'annu in Calvi tempi fà.... facciu qui l'invitu à tutti quelli chi a si sentenu di passà si una stonda piacevule dumenica sera in Calvi, dunque, cù piacè, à prestu!

7.mandatu da Mamma Natale u 26/12/2008 15:06

Vi sbagliate in tuttu!

Hè a Strada Naziunale, ùn sò micca e cumune à fà e spese ma a TCHITICHI (CTC) ; ciò chì spieca u raportu di a Camara rigiunale di i Conti.

8.mandatu da ZIU ANTO U PURCAGHIU u 26/12/2008 16:51
se fussi eiu senatore di a Corsica e strade sarebenu illuminate di dicurazione di natale da Cazamozza a u ponte di Sulinzara megliu chè quèdè di furiani,per impara a fanfan a di fa megliu a prossima volta,hè poi ancu illumina a Pinia aGuisunaccia e tuttu u mare da Bastia a Bonifazziu, in passendu per Calzzarellu è tutte è strade di uMurianinchu e di u fiumorbu .Vi va bè cusi ?? HAN!!!!!!!!HAN!! ! ! !

9.mandatu da scoop u 26/12/2008 16:56
d'appressu à a NASA, u giratoghju di Furiani hè u primu à vedesi da a luna.

10.mandatu da ZIU ANTO U PURCAGHIU u 26/12/2008 17:02
BEHHHHHHHHHHH ! ! ! ! ! ! !

11.mandatu da panzarottu u 27/12/2008 12:34
et le rond point de Casamozza ?

et le stratosphérique rond point de Ponte à a Leccia ?

eux aussi méritaient d'être mentionnés... EVVIVA U GIRATOGHJU CORSU

12.mandatu da hugo sanchez u 27/12/2008 15:47
fate vene à Jean Pierre Pernaut per "combien ça coute" spécial Le rond point de Furiani

13.mandatu da Pierre-Joseph CELI u 06/01/2009 00:40
Je dois dire que cet article est exceptionnel, j'ai rarement autant rit, l'idée est excellente, les photos réussies, les textes tout à fait à propos, relevés d'une pointe d'humour.
Rien à ajouter, sauf, mais félicitations à la Rond-Point Académy et a son jury qui a su décerner le premier prix à l'ouvrage qui le méritait et bien entendu à son initiateur, l'unique Fanfan, N°1 du Rond-Point !!!

14.mandatu da Pierre-Joseph CELI u 06/01/2009 00:42
dsl, il fallait lire "sauf mes félicitations", mais chacun aura rectifié de lui même.

15.mandatu da brama u 05/02/2009 22:30
Un lasciate micca scrive in francese, noi scrivimu in corsu ancu incu parule falze.

16.mandatu da brama u 05/02/2009 22:31
...parule nè corse nè francese, perchè un n'avimu micca amparatu à scrive u corsu

17.mandatu da a dilla franca u 14/02/2009 11:53
un c he bisogna di lumini in calvi ci so tutti a a meria
a quandu i legiunaria mascotte sopra i rond point di calvi
calvi patria legiunari cume cavallu patria di i mafiosi di a codile
un sminticatevi micca che ind e a codile di cavallu ci so ancu albert di munacu
corsica terra di i paradussi straordinarriiiiiiiiiiiiiiiiiiiiiiiiii

18.mandatu da cecu di boziu u 10/10/2009 21:24
ava a moda di rond point piglia tuta a corsica ancu in corti ne facenu a pacetu in piu di i ralentisseurs di i gendarmi è di i fochi rossi

19.mandatu da piratella u 10/10/2009 22:56

"rond - point" si pò dì : giratoghju...

o giratonti LOL

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city