I più scaricati nant'à u web in 2007...

Segondu u giurnale americanu Wired i fisciè i più scaricati nant'à internet in 2007 sò e serie Heroes, Prison Break. Pè i filmi sò Pirates des Caraïbes, Ratatouille è Resident Evil.

Sò dunque elli e star di u peer 2 peer, u scaricamentu nant'à e rete di scambiu cum'è Gnutella, eDonkey è BitTorrent. In testa dunque, ch'è filmi, serie è artisti americani in stu classamentu di i scaricamenti mundiali. Avemu circatu bè, per avà ùn s'hè ancu trovu tracce di A Famiglia Pastasciù. L'onore hè salvu.

Ma i guverni cercanu di luttà contr'à u scaricamentu illegale. In Francia a cummissione Olivennes prupone di suspende l'abbunamenti internet di i pirati chì scaricherebbinu fisciè di manera illegale nant'à internet. Hè vera chì e capacità è e putenze di l'ordinatori è di l'offre internet incuragiscenu à scaricà di manera gratisi i filmi, dischi è serie chì costanu cusì caru in u cummerciu. Cumu resiste à quessa ? Sta pratica hè assai sviluppata, qualsiasi l'età è a cundizione suciale... Vi tuccherà dunque à ùn favvi chjappà in 2008, annu di a ripressione virtuale !

è voi, ch'avete scaricatu quist'annu ?