A Piazzetta, blog in lingua corsa - blog en langue corse / apiazzetta.com informations, actualité of corsica

ATTUALITÀ CORSA

FUTBOL

BETTUNIZEMU

MAGAGNA

CULTURA

SUCETÀ

VIDEO

GIURNALE

CUMU SI DICE...

CUNTATTU / PUBBA

Accolta > MAGAGNA

Jojo Bonavita, what else ?

Jo Bonavita hè à u Sporting ciò chì i pumataghji sò à u GR20. L'unu ùn và senza l'altru.

Ùn si sà veramente chì hè a funzione esatta di Jo Bonavita, ma u Sporting senza Jojo ùn saria più listessu. D'altronde nimu sà quandu "JB" hè entratu à u club. 20 anni fà ? 30 anni fà ?

Forse hà ancu participatu à a creazione di u SCB in l'annata 1905 cù u svizzeru Ruesch. D'altronde nimu sà quantu anni hà Jojo. Pare esse quì dapoi chì u futbol esiste in Bastia, hè a memoria di u club.

Allora quandu u Sporting vince un macciu impurtante contr'à u Paris FC davant'à 500 Corsi (!!!) in a capitale, Jojo face a festa è lampa u so famosu cantu chì hè u solu à cunnosce.

Imaginàtevi appena ciò ch'ellu hà da esse quandu u Sporting hà da ricullà in L2... Forza Jojo !

U ritrattu di i muntagi vene da u situ offiziale di u "Sportingle", si pò vede quì.

u 6 d'Utrovi 2010

U Sgaiuffu

Accueil

Envoyer à un ami

Version imprimable

1.mandatu da topupinutuazzezu u 07/10/2010 14:21

chi risa!!! cumplimenti pè i ritratti!!!

2.mandatu da Avulpaccia u 07/10/2010 15:37

Morta di risa !! Belli ritratti chì parenu, micca fole mà veri... Inde u cuntestu...

3.mandatu da Muntagnolu u 07/10/2010 17:42

u ritrattu incù i zitelli bacucchi ùn face micca ride, i puveracci

4.mandatu da SECB u 07/10/2010 20:27

Jojo Bonavita serà ùn ghjornu un altru Jojo Petrignani...,??

5.mandatu da roger bambuck u 07/10/2010 20:33

o Muntagnolu ! stu ritrattu di i bacucchi hè un muntagiu Photoshop, sti zitelli ùn esistenu micca !!!

6.mandatu da stuzzica pipa u 07/10/2010 20:44

Mà stu Jojo ùn era Naziunalistu ? sarà u solu di l'anziana squadra dirigiente a avè mantenutu e so funzione.. e peghu che a rimigna..mà à mè mi hè simpaticu, hè po oghje sarà unu du l'ultimu corsi di u SCB..... forza JoJo, che tu campi 100 anni..!!

7.mandatu da Avulpaccia u 07/10/2010 21:20

O muntagnolu sò una donna dinu, mà sò ritratti pigliati dà articuli ò cosa ghje un " munttagiu" . Eppò sò belle donne ... Hè furtunatu issu jo mdrisa

Eppò simu annant'a a piazzetta simu quì per ride dinù ancu per discore. Forza a macagna

Basgii

8.mandatu da fasgiolu u 08/10/2010 11:08

nant'a l'affissu di " les affranchis" bonavita hé u nostru JOE PESCI nustrale, gloria à ellu !!!!!!!

9.mandatu da Muntagnolu u 08/10/2010 14:06

sti zitelli esistanu è ùn t'anu micca bisognu di fassi piglià à a risa

10.mandatu da franz u 08/10/2010 16:07

ma nò, hè un vechju muntagiu chi circuleghja nanta facebook dapoi un bellu pezzu!

11.mandatu da Avulpaccia u 08/10/2010 22:16

O muntagnolu.. S'elli esisteghjanu ùn la sai mancu tù forse sò ghjente cume noi chì sò stati pigliati é sfurmati a faccia ...
Ahh cio ch'ellu si pò fà incu un ordi dopu s'he tù faci un scandalu perche pensi a " l'eveil" ùn hà nunda à chì vede é possu capì a tò pusizione , mà ùn hé micca u cuntestu... Dunque micca bisognu di esse cuntrariatu ..

12.mandatu da anto u 09/10/2010 07:38

In cuntinente hannu a Jojo le mérou qui avemu a Jo u mazzardu !

http://www.blog-anto.be

13.mandatu da Avulpaccia u 09/10/2010 20:08

Ancu in Bastia c'hè jojo u mérou mà batte lupinu... ! É cresce Inde un tufone sitt'a u fronte di mare mdrisa ..

14.mandatu da Muntagnolu u 12/10/2010 09:56

forse certi t'hanu a faccia "sfurmata" cum'è tù dici mà ghjè un scherzu di natura a mo vicina t'ha un fiddolu cusi o disgraziatu s'è tu voli una fotto viderai ch'ellu esiste

15.mandatu da Avulpaccia u 13/10/2010 21:32

Ùn ti dumandu nullà o muntagnò...
mà ti vulia di é s'hè tù leghji megliu u mò cummentu che ùn hé micca un ritrattu duve ci futtimu di ghjenti sfurmati é quessi in più n'esisteghjanu micca! E tuttu mondu a ti dice , ghje un muntaghju! Dopu ind'è a vita ci so ghjenti sfurmati, mà quessi sò micca di stu mondu mà di Microsoft . Si chjuccutu! Mà capiscu ciò Che tù voli dì... Bref .

16.mandatu da giramondu u 15/12/2012 13:15

Un c'hè chi un ritrattu chi ùn hè micca falsu, u primu

Novu cumentu :