Accueil
Envoyer à un ami
Version imprimable
Partager

L'applicazione iPhone ch'ellu ci vole à avè (o micca)



L'applicazione iPhone ch'ellu ci vole à avè (o micca)
iTuristacci : vi dà in tempu reale u statu di a circulazione nant'à e strade, cun e caravane, i camping-cars è e vitture di turisti chì vanu à 20 à l'ora. Di tutte manere, avà semu lecchi.

U Shazam di e facce : utile assai quand'è vo scuntrate à qualchissia ch'è vo cunniscite ma ùn sapete più cumu si chjama. Ritrova u nome è a casata da per ellu.

Passu sott'à u tunnellu : l'applicazione chì face crede à u vostru currispundente chì a rete ùn passa più. Indispensèvule pè sbarazzassi di e croce.

iSborgna : vi rammenta ciò ch'è vo avete fattu a vigilia, induve site statu è ch'avete betu.

My résidence secondaire en Keurse : entrate una cumuna di Corsica è l'applicazione vi trova tutte e case è appartamenti in vèndita. Difesu à i Corsi, ben'intesa.

Corsi around me : lucalizeghja i Corsi chì fermanu in giru à voi. Spicciatevi, ci n'hè di menu in menu.

KiBeiu : 300 sosule di cocktails. Utile per cambià appena di a pastizzata tradiziunale.

Virtual Paghjella : Sceglite u versu, e parolle, e voce è l'applicazione vi lancia una paghjella da per ella. Utile per fà un'ambianza nustrale è cosy à u comptoir, ma senza Corsi.

Find a camping car : Vulite mette unepochi ci calci in un camping car di notte ? St'applicazione vi ne trova unu in un minutu.

iMittomanu : in serata, ùn truvate più nunda à dì per impressiunà i vostri amichi ? L'applicazione vi derà storie di mittò da cuntà (braccasgi, cazzuttate à 10 contr'à 1 ecc...) da cuntà à i vostri poveri amichi.

Bum ! : Sentite un pichju ind'a notte ? L'applicazione vi dice ciò chì hè statu plasticatu è induve hè saltatu.

Free Procuration : Simplifacatevi a vita per vutà è favvi una falsa precura.

Give me a piazza : L'applicazione vi dice à quale devite tuccà per truvavvi una piazza (attenzione, si tratta bè d'una piazza, micca d'un travagliu).

Induve sò ? : Quessa vi dà u nome ghjustu (in corsu) di u locu induve vi truvate. Nò, ùn site micca in « Erbalunga » ma in Erbalonga, in « Podj » ma à U Poghju, in « Piétra » ma in Petranegra, in « Borgaux » ma in U Borgu, in « Le Désert des Agriates » ma in L'Agriate, in « Cargèz » ma in Carghjese... eccetera.

l'8 d'Aostu 2011
U Sgaiuffu



1.mandatu da rumeur u 09/08/2011 13:01
manca l'appiicazione "i-puttachji", "i-cacciadori", "i-madona" per quelli chì credenu è "i-donne" per quelli chì correnu ...

2.mandatu da Orsu azezu u 09/08/2011 15:21
Ci poni ancu essa l'appiicazioni "i-mossa" (cù tutti i voci pà a cacciamossa), " metti a toia!" (quandu s'hè troppu zuffu pà dilla da par sè, l'appiicazioni a dici), quidda di u ghjattu chì parla ma cù a voci di Giacobbi o di l'altri eletti... è tant' altri...

3.mandatu da ANTO u 09/08/2011 15:32
E si po ghjama in cu st''''imbroghliu ?

4.mandatu da u miumese u 09/08/2011 19:17
Vi site scurdati "iscumpienti" per quelli chì si lagnanu sempre "ch'ellu era megliu nanzu" (mà certe volte anu appena raggiò, nò ?).

5.mandatu da estrimei u 10/08/2011 10:09
eu ci ne metteria una ch'o chjameria "parlons cors' " chi ghjuveria a parlà di "l'evolution de la langue ", "sa capacité d'adaptation à la société multiculturelle que nous souhaitons au plus tot " induve a sola lingua accettata seria a "langue française ".
he capita ch'ella si pueria buscà nepoche di "subventions " di a ctc "au titre de la promotion et du developpement de la langue cors' "

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta