Nicù, Milù è Camiddù : dei eletti da u populu !!!

Era in traccia di leghja l’articulu nantu à i dei aiaccini è mi dumandaia qualissi pudiani essa i criterii d’alizzioni pà i nosci dei municipali è prisidinziali !

Piddemu u casu di Nicù, par un dettu, li tuccaia à…
1. Avè una bedda donna (s’è idda ùn vota micca hè meddu !)
2. Avè amichi ricchi è influenti.
3. Ùn avè micca un riloghu suttu à 6000 auri.
4. Fà crescia u pudecumprà (u soiu !!! )
5. Ecc. , ecc. , ecc. , ecc. , ecc. , ecc. , ecc. , ecc. , ecc. , ecc.
32. Dì una cosa è fà tuttu u cuntrariu.

Ussirvemu avà i criterii pà l’alizzioni di Milù...
1. Essa u fiddolu di u merri.
2. Avè un fiddolu chì vularà piddà a sucessioni in a mirria.
3. Avè u stessu prugramma chì u sò babbu è ùn cambià lu mai.
4. Prumetta a cunstruzzioni di parcheghji.
5. Ecc. , ecc. , ecc. , ecc. , ecc. , ecc. , ecc. , ecc. , ecc. , ecc.
32. Arrubbà i voti.

In fini, pruvemu à induvinnà qualissi sò stati i criterii pà l’alizzioni di a mariunetta di Camiddù...
1. Essa missu quì pà u merri elettu (chì era iddu stessu u fiddolu di u merri !).
2. Parmetta à i prumutori di custruiscia da par tuttu.
3. Essa natu quì.
4. Avè un uccasioni di metta i so spichjetti di soli
5. Ecc. , ecc. , ecc. , ecc. , ecc. , ecc. , ecc. , ecc. , ecc. , ecc.
32. Scaldà a sedia sinu à quandu quiddu chì l’hà missu quì avarà dicisu di ripiddà la (veni à dì da quì à pocu !).

À ritruvà ci…

Iè iè, semu ghjunti à a fini di l’articulu, hè vera…
Tuttu u mondu dici « u culu faci venda, u culu faci venda » è bè, vulia veda s’è u culu facia leghja dinò : A prova si ni hè !!!
Incù una pricisioni : « u culu faci venda » subra à tuttu cù i tippi, postu ch’è no’ aspittemu sempri di veda un beddu ziteddu nudu nudu nantu à issu situ, ma què ùn accadi guasgi mai !!!

Alè, sò brava è vi rigalu quantunqua un ritrattucciu par pudè sunnià à pena !!!