Sarkozy contr'à Homer Simpson !

Nicolas Sarkozy è Carla Bruni anu anch'elli a so faccia gialla in i Simpson.

Carla Bruni caricaturata in ninfomana è Sarkozy cù un pezzu di furmagliu nant'à u so scagnu, eccu cum'è l'autori di a seria i "Simpson" vedenu Sarko è a so moglia.

A storia : Homer è u so amicu Carl si ritrovanu in Parigi in una festa. Carla Bruni chì beie è fuma si lampa nant'à u cumpagnu d'Homer è li prupone di fà l'amore subbitu.

Appena più tardi Homer, minacciatu di licenziamentu da Carl chjama à Sarko. Si vede u coppiu presidenziale cun vinu è furmagliu à l'Elysée. "You're getting cosy with Sarkozy," risponde Sarko à u teleffunu.

À quandu e vacanze d'Homer Simpson in Corsica, cun Camille de Rocca Serra, Jean-Paul Poletti è Marina Raibaldi ?

u 20 di Nuvembre 2009

u webmaestru

Accueil

Envoyer à un ami

Version imprimable

1.mandatu da GWM u 21/11/2009 10:22

"hallo you are getting cosy with Sarkozy" ???

2.mandatu da Village people u 21/11/2009 14:07

(da un teleffuninu)

D'altronde Emile Zuccarelli hà listessa voce ch'è Homer

3.mandatu da Mazzone u 21/11/2009 16:07

In a virsione francese, un "Corsu" c'hè digià, hè quellu maffiosu ch'elli chjamanu "gros Tony" cù u s'accentu puzzicu à l'usu Christian Merry.
Nu a virsione originale, stu tippu era un lucchese, ma chì vulete, in Francia Maffioso rima sempre cun Corsico...

4.mandatu da Culomba u 21/11/2009 18:11

0 Mazzone

unu di più....cum'è in "un long dimanche de fiançailles"///

Ci hè quantunque statu un cortu mumentu di accalmia, quandu Tino Rossi girava i filmi d'amore, cantendu in corsu, tandu eramu esotichi ma dolci....

5.mandatu da Mazzone u 21/11/2009 20:49

Di stu spazzafume di Jeunet cù u so "long dimanche de fiançailles" ùn ne parlemu mancu, ch'ellu venghi à fassi un giru di i monumenti à i morti di Corsica è capisciarà a so imbecilità.
Ma chì vulete, in a Francia d'oghje si vende megliu l'odiu di u Corsu cà quellu di u Talianu è i porta à "adattà" ogni tantu qualchì scene.
Sè a talianufubia hè esistuta à una certa epica, pare guasgi smarita fora di qualchì vechji nustalgichi incartati à u Front National di u tempu duve si casticava "le spaghetti" . Invece, pare chì l'odiu contr'à u Corsu sia atempurale. Simu appena a so terapia à elli quandu tuttu và male...

Novu cumentu :