Accueil
Envoyer à un ami
Version imprimable
Partager

Sarkozy è Kadhafi : di sangue corsu ?

Sta simana, s'hè parlatu assai di u babbu di Kadhafi. Sarebbe quessu, un Corsu di Vezzani. Per allungà si la nant'à i puttachji, mettu a meia... Si dice, a sapite forse, chì u babbu di Sarkozy sarebbe Corsu ancu ellu...



Achille de Peretti sarebbe quessu u veru babbu di Nicolas Sarkozy ! Nun solu genitore ma dinù babbu puliticu. Hè statu ellu mere di Neuilly nanzu di more in l'83, quandu chì Sarko s'hè datu di rimenu per piglià a so piazza. Tandu, li tuccava à fà campagna per Charles Pasqua (un antru corsu) ma à l'appiattu, a campagna, l'hà fatta per ellu. S'hè ritrovu à 28 anni à l'incapu di a meria di Neuilly.

D'altronde, a niputina d'Achille de Peretti, Marie-Dominique Culioli hè stata ella a prima moglia di u sgiò presidente. Hè a mamma di stu sgaiufffu di Jean Sarkozy. Quellu chì hà cacciatu à David Martinon da a corsa à a meria di...Neuilly!

Hè prumessa, di sti puttachji custì, ùn ne riparleraghju più. Chì vergogna quantunque d'avè fattu sti dui capi Statu cusì pessimi: Sarkozy è Kadhafi! N'averamu parlatu di u sangue corsu è di a Corsica quandu hè cullatu in Parigi?

S'elli sò Corsi in veru, ci hè da crede chì Georges W Bush sarebbe corsu ancu ellu! Hè un presidente di listessa trinca... Ancu di grazia chì t'avemu à Pasquale Paoli. Ellu pò, omancu ne simu sicuri sicuri ch'ellu era Corsu!

u 16 di Farraghju 2008
Sbanditu



1.mandatu da Petru-Anghjulu u 16/02/2008 22:09
Per grazia micca ellu ! Preferiscu puru Khadafi à Sarkosy...
Omancu dice cio che pensa e fa u so fà.

2.mandatu da estrimei u 17/02/2008 19:15
chi Sarkozy sie statu alevatu da A.Peretti, he pussibile , ch'ellu sie u so figliolu nu a credu :un ci nisun ' sumiglia e 'un c'he nisun' attaccamentu a a Corsica. quand'ellu dice ch'ellu he assai attaccatu a a Corsica ci'ole a rimarca chi quand'ellu dice ch'ellu tene caru a qualchissia s'apronta a falli fallà una bastunada.
a Corsica cumencia a vedela,Camillu 'un stera tantu!

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta