Accueil
Envoyer à un ami
Version imprimable
Partager

Strampalati è sgalabbati : passate à a risa nant'à Internet !

Cunnisciamu à "Video gag" nant'à TF1, ma avà, incù u sviluppu d'Internet, di Dailymotion o di Youtube, ci vole à fà casu chì ogni inciampu, ogni strambacata pò esse arrigistrata è sparta nant'à a rete Internet per esse vista da u mezu mondu...



U peghju hè chì pudete esse filmatu à l'appiattu, à mala gana, da camere di videocustoghju o da una squatra di sgaiuffi chì v'anu da mette nant'à Internet...

Allora, mi dicerete chì ci volerà à stà si ne chjosu in casa, à l'agrottu da e malfatte di qualchì scrianzatu macagnone o tarrucchinu? Mancu appena! Mancu per ride! U sgaiuffu, u pudete fà ancu voi... Allora, s'avete un filmu scherzosu, s'è arrigistrate a cascatoghja d'una persunalità isulana o d'un paisanu cum'è José Calzetta, mandate ci puru u votru filmucciu chì li farà di sicuru piacè di fà ci ride...

Almenu chì ùn siate voi un strampalatu à l'usu Pierre Richard, cum'è quellu tippu chì l'altru eri hà fattu un arrubbecciu storicu à una banca aiaccina. Quell'astutone, niscentre ch'ellu era, l'hà fattu in sborgna nera, è ci s'hà lasciatu a so carta d'identità... Quessu sì chì ghjè un veru strampalatu !!! À sente à i puttachji, pare quandu elli l'anu vistu affaccà, si sò spanzati i prigiuneri !

u 4 di Ghjugnu 2008
Sbanditu



1.mandatu da Quill'altru u 06/06/2008 15:34
Beuh certi petti o ghjente ! Ùn hè ne sgalabbatu nè strampalatu stu zitellu : ghjè un lione, puntu è basta !

Novu cumentu :