Accueil
Envoyer à un ami
Version imprimable
Partager

Sustenite u filmu "entrez, on ferme"

"Entrez, on ferme" hè u tìtulu d'un filmu chì tratta di a smarizione di i picculi è antichi cummerci di u centru di Bastia, mentre chì e periferie uniformizate crescenu.



Ma "Entrez, on ferme" hè dinù un filmu nant'à u cambiamentu d'una sucetà. I picculi cummerci antichi chjodenu, i centri storichi di e cità si viotanu. E periferie crescenu è si sviluppanu, in listessu tempu ch'è l'uniformizazione di i modi di campà. Uniformizazione di e mode, di i magazini, sviluppu di e franchises...

Eccu ciò ch'ella dice (in corsu) a presentazione di u filmu :

Sì tutte e cità anu u so centru storicu chì testimunieghja u so identità, si ritrovanu in faccia à u sviluppu massicciu di i grandi centri cummerciali custruiti in periferia, questi inghjennanu un spiazzamentu di pupulazione in giru à ste infrastrutture nove. À partesi da l'usservazione d'una cità chì muta à u rìtimu di i scambii sucetali, l'ughjettivu hè messu nant'à i picculi cummerci di a cità di Bastia, chì a so smarizione pare ùn pudè esse scansata in un'ecunumia glubalizata. Certi resistenu sempre à u sistema è anu accettatu di testimunià, di parlà à voce rivolta di stu tempu passatu in a so buttega, di i sìntimi ch'elli anu, di u so entusiasimu è a so inchietutine di pettu à sta sucetà chì perde i so puntelli.

Sustenite u filmu "entrez, on ferme"

Sustenite u filmu "entrez, on ferme"

Sustenite u prugettu !

Hè un prugettu, è fà un filmu costa caru, sopr'à tuttu quand'ellu ùn hè sustenutu da nimu.

Allora l'autori, Léa Pieri è Francescu Artilyanu lanciatu una chjama.

Sì l'idea vi piace, pudete aiutalli nant'à u situ di finanzamentu participativu KissKissBalnBank.


u 19 di Farraghju 2015
U Webmaestru



1.mandatu da guerrini u 19/02/2015 17:25
Simu intrati in u antru mondu , quellu di a mundialisazione , quellu di a renditabilità è di u sollu .
U cummerciu hè mundiale è i bisogni di l'omi sò i listessi in ogni locu di a nostra pianeta.
E persone ùn cumunicheghjanu più.

"Chì fà chì ci si pò fà " cum'ella a dice a canzone di i Fratelli Vincenti. cantata da Antone Ciosi.

2.mandatu da 0000H u 19/02/2015 22:45
ma ch'emu da fà..? voi si, chì sapete impiumbà e serinate..basta, basta chì mi scappa u pientu

3.mandatu da viaghju u 22/02/2015 19:37
Oghje ghjé cusi ,ma dumane chi sa ?? U scopu di l'omu hé a liberta ,é sera sempre a liberta ,hé cusi cà sempre viaghjatu l'omu a donna.

4.mandatu da ibagnidiguagnu u 23/02/2015 13:38
ié, un novu leclerc di 9000m² in aiacciu... Simu belli...

5.mandatu da sardu u 23/02/2015 16:43 (da un teleffuninu)
L'aghju vistu leclerc in ajacciu, he ancora in costruzione veru, chi paura, paisaghj tumbati é arruvinati, d'accunsentu cù u travagliu,ma...

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta