Accueil
Envoyer à un ami
Version imprimable
Partager

T$arkozy è l’educazione !!!

A riforma di a scola primaria, sò un pezzu ch’ella era aspettata. Cum’è sempre, i sindicati anu dinunziatu u ritornu à pratiche anziane. Si tratta per esempiu di rimette l’insignamentu di a murale à a scola…



U dibattitu si pone di fatti trà quelli chì difendenu l’educazione in pettu à l’istruzzione civica. U giovane Presidente francese, pare ch’ellu ùn abbia micca ricevutu un insignamentu di qualità. U so altruisimu u porta à vulè dà à i zitelli oghjinchi una scola di prima trinca, in pettu à quella duve ellu hè statu scularizatu ellu, in a so zitellina. Si dà cusì, di core è di stintu, incù una sincerità patetica, per illustrà u nostru bisognu di rumpitura in fatti d’educazione. Altrimente, quandu i giovani saranu maiò, parleranu cusì…

A sapia Rivarol...
Iè, u filosofu francese Rivarol a sapia ch'ella avia da piglià a falata a Francia. Tenite : « C'est de nos académies qu'on s'entretenait, et la langue s'étendait par leurs correspondances. On ne parlait enfin que de l'esprit et des grâces françaises ; tout se faisait au nom de la France, et notre réputation s'accroissait de notre réputation. » Oramai, invece di parlà di l'Oscaru di Marion Cotillard, u mondu sanu si ride di Sarkozy. Poca fama nò?

Hè scorsu u tempu! Quandu Berta filava, u francese era sempre vistu cum'è a lingua di l'arte, di a filusufia, di a puesia, di u prugressu... A faraghju corta. Tenite, un antra citazione di Rivarol: « La prose accuse le nu de la pensée ; il n'est pas permis d'être faible avec elle ».
CQFD !!!

PS: Da signalà quantunque, sempre in u quadru di l'educazione civica, chì stu filmu hè statu cacciatu da Dailymotion...

u 25 di Farraghju 2008
Sbanditu



1.mandatu da GWM u 26/02/2008 00:29
cum'ellu dicia Cunfuziu, quandu u catinu mostra a luna, u 'poveru connu' fideghja a Rolex...

2.mandatu da ghjacumu u 26/02/2008 01:52
mwahahahahaha !!! eccelente !

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta