Accueil
Envoyer à un ami
Version imprimable
Partager

U yogà-pompetta (yogà+biera) serà l'affarone di a statina



Vi piace a biera ma dinù u yogà ? U yogabiera hè fattu per voi :


Di fatti, si pò oramai addunisce l'aspirazione à a serenità è a passione di e briachine. Sta moda di a ginnàstica à u contuaru chì si praticheghja digià in certe brasserie alemane o mericane hà da scalà in Corsica cù i turisti. Hè megliu à priparassi.

A pràtica di u yogabiera, l'avete capita, permette d'apre i so « chakra  » (i so centri spirituali, i punti di conghjunzione di l'energia) ancu più in furia ch'è u yogà tradiziunale.

Si pò, per esempiu, mantene e positure di u cobrà o di u lotu cù una bieruccia in equilibriu nant'à a chjocca, o aduprà una buttiglia cum'è pesu o contrapesu pè stinzà o sviluppà i musculi.

Ma u più interessante hè di sicuru di pruvà u veru yogà-pompetta : mantene a positura di u Cane-capu-in-ghjò o di a Cigogna è beie à surpatoni.



Dopu àuna duzina di biere, tuttu u mondu a dice, i chakra si spalancanu : u cerbellu cinnuleghja, u billicu si dilata è u sangue bullicineghja. Tuttu và bè.

Vulete chì Stella Maria a patrona di u caffè diventessi u vostru gurù è vi guidi ver di u Nirvanà ? Basta à dumandà.

O Stè, pè piacè, dammi una antra biera ch'aghju da pruvà a pusitura di u Corbu o quella di l'Angulu Maiò.

u 23 di Maghju 2016
Zenbucucciu


Novu cumentu :



Seguitateci nant'à Facebook



Abbunatevi à a newsletter

Circà nant'à A Piazzetta