U misteru di u vechju di u "tireur fou"

U tontu di e fucilate parigine hè sempre in libertà è ùn si sà sempre nunda d'ellu.

Ma ci hè un altru misteru chì si piatta in e fiure di e camerà di surveglianza di BFM. Fidighjate bè. Allora chì u scemu armatu hè in traccia di mustrà u so fucile à tuttu u mondu, si vede un vechjatellu chì si ne và, pianu pianu, cù a so canna.

Purtantu, si vede bè nant'à u filmettu ch'ellu si trova nasu à nasu cù u tontu.

Quale serà statu stu vechjettu ? Nant'à e rete suciali ci simu posti a dumanda. Per certi saria u veru cerbellu di sta sturiaccia, un generu di "Keyser Söze". Per d'altri un eroe chì ùn hà paura di nunda.

O forse un vechju appena sordu chi ùn hà intesu è vistu nunda...

Qual'hè chì sà...