Accueil
Envoyer à un ami
Version imprimable
Partager

U tizzone contr'à Cernobil

In Ukraina anu trovu una manera di decuntaminà i terreni radioattivi : piantà colza, girasole è... cannabis. Per avà, nimu hà ancu avutu st'idea in Corsica.



U tizzone contr'à Cernobil
Cumu averanu fattu pè truvalla ? L'infurmazione ùn hè micca una burla è ci vene da u situ di u giurnale Métro.

U tizzone puderà salvà i lochi cuntaminati da a radioattività dopu à a catastrofa di Cernobil? In Ukraina dicenu chì suminendu colza, girasole (tournesol) è canapa (chanvre) si pò caccià 80% di l'elementi radioattivi. Stu metudu hè studiatu di manera assai seria da u CEA (commissariat à l'énergie atomique).

È in Corsica allora ?

Sapemu chì a nostra isula hè stata tocca assai da a radioattività dopu à chì u nulu sia passatu durante u veranu 1986. I nùmerosi càncari di a tirròida l'accertanu, ancu sì l'autorità ricusanu sempre di ricunnoscela.

Cù tutti l'amatori di tizzoni ch'ellu ci hè in Corsica, hè ancu stunante chì nimu ùn ci appia pensatu. "Iè ma capisci, era pè caccià a radioattività..."

Rassiguratevi, per avà ùn anu trovu nisunu usu à a coca (a pianta).

u 26 d'Aprile 2011
U Webmaestru



1.mandatu da erbacorsa u 26/04/2011 14:12
fussi la puru, meglia ad avè herba nustrale chi tizzone fracigu importatu da a rimigna straniera e lucale...

2.mandatu da ANTO u 26/04/2011 17:31
focu a ceppa !

3.mandatu da Alexferox u 27/04/2011 11:24
Tizzone e suppa d'erbiglie nustrale, a ricetta per campà vecchjii e cu a risa in bocca !!

4.mandatu da J G u 14/05/2011 05:23

a mio paura e c'h'elli ,ci vendinu ogliu fattu cun si girasoli e cun ssu colza !
o ghjente compremu ogliu d'uliva .

Novu cumentu :