Precisemu ch'ella ùn hè micca una magagna (andate à vede l'articulu nant'à u situ di TF1).
Semu in Frouard, a simpàtica banlieue di Nancy. Un animalottu di 60 chilò hè spuntatu eri in u centru cummerciale per mette appena di panicca.
D'appressu à i testimonii, u cignale hà cumminciatu cù u magazinu di prufumi Marionnaud (pè ride appena). Dopu per scallassi s'hè affaccatu in u supermercatu Leclerc, à u rayon frutti è legumi. In piena forma, hà finitu per stripà u salottu d'un piluccheru. Custì, hè statu un veru macellu :
"Le sanglier s'est senti piégé: il a massacré le salon de coiffure, il a arraché les lavabos, on a même dû couper le courant, puisqu'il y avait des sèche-cheveux en marche", hà spiegatu un testimone spaventatu davant'à u scempiu.
Ci hè vulsutu l'intervenzione di e forze di l'ordine per piantà u cignale arrabbiatu. L'animale hè statu tombu.
Cumu spiegà stu gestu ? Militante altermundialistu anti-cunsumazione ? Gestu addisperatu d'un militante pro-Kadhafi ? O anti-cacciadore ? Vuluntà di seguità a mossa di e rivuluzione arabe ? Aspettemu sempre e cunclusioni di l'inchiesta.
Sì ancu i cignali cummencianu anch'elli à mette a panicca è à vulè fà a rivuluzione, semu male. Unu và bè, ma hè quand'ellu ci n'hè parechji ch'elli ci sò i prublemi. È imaginate si a cuntagione tocca a Corsica... Ancu di grazia chì i cignali ùn vanu micca nant'à Facebook.
Semu in Frouard, a simpàtica banlieue di Nancy. Un animalottu di 60 chilò hè spuntatu eri in u centru cummerciale per mette appena di panicca.
D'appressu à i testimonii, u cignale hà cumminciatu cù u magazinu di prufumi Marionnaud (pè ride appena). Dopu per scallassi s'hè affaccatu in u supermercatu Leclerc, à u rayon frutti è legumi. In piena forma, hà finitu per stripà u salottu d'un piluccheru. Custì, hè statu un veru macellu :
"Le sanglier s'est senti piégé: il a massacré le salon de coiffure, il a arraché les lavabos, on a même dû couper le courant, puisqu'il y avait des sèche-cheveux en marche", hà spiegatu un testimone spaventatu davant'à u scempiu.
Ci hè vulsutu l'intervenzione di e forze di l'ordine per piantà u cignale arrabbiatu. L'animale hè statu tombu.
Cumu spiegà stu gestu ? Militante altermundialistu anti-cunsumazione ? Gestu addisperatu d'un militante pro-Kadhafi ? O anti-cacciadore ? Vuluntà di seguità a mossa di e rivuluzione arabe ? Aspettemu sempre e cunclusioni di l'inchiesta.
Sì ancu i cignali cummencianu anch'elli à mette a panicca è à vulè fà a rivuluzione, semu male. Unu và bè, ma hè quand'ellu ci n'hè parechji ch'elli ci sò i prublemi. È imaginate si a cuntagione tocca a Corsica... Ancu di grazia chì i cignali ùn vanu micca nant'à Facebook.
I più belli tweets di François Fillon
