Un paese mette fora i turisti

L'avete sunniatu, una tribù d'indiani d'Amazunia l'hà riesciuta. Un paisucciu di Culumbia hà decisu d'ùn più accoglie turisti. Troppu castichi, è tantu peghju pè i soldi...

È si l'esempiu ci venia da l'indiani di l'Amazunia ? Anu preferitu a pace à i soldi è u sviluppu.

Ùn circate micca di visità u paese di Nazareth, in u sud di a Culumbia. Dapoi dui anni anu decisu d'ùn più accoglie turisti, cunsiderati cum'è una minaccia per a so cultura.

Sò 35.000 turisti à visità l'Amazunia culumbiana. U paese di Nazareth conta 800 abitanti. Hè assai troppu per l'indiani di a tribù Ticuna. Sò elli chì a dicenu :

"Aviamu assai prublemi, lasciavanu i so mullizzi è e so buttiglie in plàsticu" ripiglia l'AFP. Un altru dice : "i turisti venenu è ci brùscanu cù e so camerà"...

È ancu : "Ci vincemu pocu. Ci compranu appena di robba à l'artigiani, ma sò sopr'à tuttu l'agenze di viaghji chì vincenu i soldi..."

L'indiani Ticuna sò 30.000 è sò minacciati di sparizione segondu à l'ONU. Anu paura di vede a so cultura scambiata da i fresteri.

Ùn vi ramenta nunda ?

u 27 di Marzu 2011

U Sgaiuffu

Accueil

Envoyer à un ami

Version imprimable

1.mandatu da Club MED... u 27/03/2011 09:26

Grandissima iniziativa.....un esempiu pè l'avvene.... mà chi diceranu i contracalinisti chi hanu e "pagliotte"...e alberghi in bordu di mare....

2.mandatu da Club MED... u 27/03/2011 09:27

* Contraclanisti..

3.mandatu da estrimei u 27/03/2011 12:06

ie , i contraclanisti !
i dinunzianu , provanu a piglialli a piezza , e , quand'ell'un ci ghjunghjenu si contranu 'ncu elli per fà i s'affari.

u turisimu ci costa caru a quelli chi un ne ci tiremu prufittu

4.mandatu da KÜG u 27/03/2011 13:22

"VERBOTEN"

DIFESU !

5.mandatu da Club Med u 27/03/2011 14:39

Parli di un casu in particulare O Estrimè..?? in P-V ?

D'accunsentu u Turisimu hè statu "L'Arma di destruzzione massiccia" di u statu culuniale.....

6.mandatu da estrimei u 27/03/2011 15:54

e ancu in astrò o Club Med

7.mandatu da Culomba u 27/03/2011 17:01

un sonniu... è dì chì ci vole ch`l'esempiu venissi da populi cunsideati cum'è "primitivi"... belli astuti,quessi, anu capitu tuttu.

8.mandatu da Boemiana u 27/03/2011 17:26

Eccuci!! Sicura ch'elli anu capitu tuttu! Ùn sò micca persi da a sucietà di cunsumu elli, è li vene più faciule di rinuncià à qualchì soldu, cuntinuendu à campà cume i so antichi.
A so cultura è a so pace passa prima di tuttu u restu!!
Elli ùn facenu micca marchjà MTV, vuitton o mercedes!!!

9.mandatu da L'Indiani di quì é d'altrò u 27/03/2011 18:42

Un sonniu ié! Ancu i turisti ci puderanu ringrazià! Chì goffu di andà indé un paese unduve un si cunnosce à nimu! Aspittendu à u "guide du routard" pé sabé à chì fà... Avà solu quessi chì cunnoscenu un Ticuna ci puderanu andà.

Bon, o vantagiu ch'elli hanu elli, hé chì fora di turisti, pare chì un ci hé nimu chì pulisce a so tarra!
Perché pudemu caccià i turisti, ma un hé micca qué chì ci hà da sbarazzà di tutti sti porchi chì lampanu tuttu pé a finestra da vittura o chì ghettanu per tarra a scatula di "cookies" quandu elli si ricollenu à u liceu. Un hé micca qué dinò chì hà da educà i nostri zitelli à lascià MTV o Fun Radio o Secret Story pé preferisce a richezza di una Cultura più nustrale.
Alora u spiritu di i Ticuna ié! Ma cùn valore chì noi dinò avemu scurdati!...

10.mandatu da Alexferox u 30/03/2011 16:35

Infurmazione à mandà supitu supitu a Vanina Pieri ch'un ha più che "Corsica made" in bocca ! U "concept" tremendu per fà vene i russii e i bobo pariggini e vende purcheria nustrale ch'un raporta à nimu o... basi !

11.mandatu da U vagabondu u 31/03/2011 00:10

(da un teleffuninu)

O chì piacè!... À parè meiu, u turisimu face ingrandà un interessu mischinu pè u soldu, è cunduce à un scempiu tremendu. Parà lu hè sorte appena di st'ecunumia di mercatu chì ci runzicheghja sin'à l'ossu!

12.mandatu da estrimei u 31/03/2011 08:06

so d'accunsentu o U vagabondu !

Novu cumentu :